تدريب ميدآني 2 مع الاستاذه :منال السقاف & بحدث تخرج مع الاستاذه :زينب العايش ..!!

[Dlo3t MJoED]

السلام عليكم ورحمه الله
ان شاء الله الجميع بخير
بنآآت طلبتكم تساعدوني انا مره خايفه من الاساتذه لدرجه اني فكرت احذف المادتين
واخذهم الترم الجاي مع زيزي والاء شاورلي

اي احد معي مع نفس الاستاذات تفيدني
لاني خارج جده وماحضرت الدوره بليـــز ابي الرد لاتهملو ابي اعرف وضع الاساتذه
وكيف تعاملهم وكيف اسوي بحثي والله اني محتاسه وابي فزعتكم بعون الله

[صمت البووووح]

والله منال جدا ممتازة وملمة بالمادة وانتي اذا حضرتي التدريب واحد وفهمتيه هو نفسه بس عملي بطبقي الاختبارات
وبالنسبة لزينب عسل وتضحك وتنكت معنا بالمحاضرة مو مثل ماحكوا عنها البنات بانها شبح بس المشكلة انا زينب تحب انك تسليميها البحث فصل فصل بمواعيد اعطتنا اياها واذا كنتي بعيدة صعب تتواصلي لانها ماتعتمد على الايميل تحب وجه لوجه
ومنال راسيليها على ايميلها على طول ترد عليك وتساعدك كمان بلي تبغيه
موفقه ياعسل

[h a d e e l]

انا سمعت انه دكنوره زينب اعطتكم بحوث تشوفوها كمثال
ياريت تنزلوها بالمنتدى نشوفها

[صمت البووووح]

الكتب معاها تورينى بنفس المحاضرة وتشيلها معاها

[ام نيزار]

طيب لو سمحتو ممكن اللي مع استاذه زينب تقولي ايش طالبه في البحث من ناحية الدراسات العربيه والاجنبيه والجزء الاحصائي .. يعني ايش طالبه في بحثها والفصول كيف مرتبتها ما قالت زي اي بحث لانو والله ما عندي مواصلات ابدا ما قدرت اروح ولمن رحت امس الاحد لقيتها معتذره وما قالو متى الموعد اللي بعده .. الله يسعدك فيدينا وموفقه يارب

[ذوق]

اب اب اب

[صمت البووووح]

جزء الاحصاء تعمليه في مكتبة هي قالت كذا بالنسبه للدراسات تبغى عددلاباس به من الدراسات العربيه والاجنبية والمحلية
انتي اكتبي في القوقل دراسات عربيه واجنبيه ومحلية على البحث حقك وحتلاقي دراسات كتير
حاولي تجي يوم الثلوث للمحاضرة الاخيرة لها فيه محاضرة من الساعة 1 الى 3 وفيه محاضرة من الساعة 7 وثلث الى 9 وثلث في المبنى الرابع غرفة 411
موفقين ان شاء الله

[ام نيزار]

مرررره شكرا الله يسعدك يارب