سعوديات يعملن خادمات لدى أسر سعودية وغير سعودية في الرياض مقابل 1500 ريال

[أبو فاتن]

المشاركة الأصلية كتبت بواسطة 6flah !!!! وبالنسبة لموضوعك ,, محد ارغمهم الا الفقر ,, والف وخمسمية احلى من نومة بالشارع والله يعينهم والله ,, شي يقطع القلب بغض النظر عن الجنسية ,, الفقر في البلدان الاسلامية بحد ذاته جريمة بحق الاسلام ,, البلدان اللي المفروض فيها عدل واحسان واقامة حقوق وما فيها فقارى ,, ون وجدو فقارى تغطيهم الصدقات, ان وجدو !! الله يعين امتنا ع م بلاها !!

هلابك
أنا مافهمت وش يعني هالأقتباس اللي أنتي حطيت عليه تعجب الحين !!
هل هو من صلب الموضوع المطروح ؟
يهمك في شي ؟
لو قلتلك الحين هذي بنتي والا أختي والا أمي والا زوجتي والا عمتي والا أن شاء الله جدتي وش بيكون موقفك ؟؟
أختي الكريمة أذكرك بقول الله تعالي ( يَا أَيُّهَا الَّذِينَ آمَنُواْ لاَ تَسْأَلُواْ عَنْ أَشْيَاء إِن تُبْدَ لَكُمْ تَسُؤْكُمْ )

أما بخصوص مشاركتك :

أنتي تقولين 1500 أحلى من نومة بالشارع
أنا أقولك نعم لو توفرت في هالشغلة جميع الأمور اللي تكفل للفتاة كرامتها ودينها وهذا مستحيل طبعاً في مجتمعاتنا العربية ( لا يعني هذا أني مؤيد هذا العمل حت لو توافرت الشروط لبنت بلدي فأنا لست راضي ولن أرضى عن هذا ) عشان كذا أقولك من ترك شيئاً لله عوضه الله خيراً منه ولا تنسين سالفة المحرم في البيت اللي بتشتغل فيه هالفتاة
وليش نغض الطرف عن الجنسية على قولتك ..؟
بالعكس هذي أكثر مصيبة يعني بنت الوطن وتروح تشتغل عند أجانب لا والله زانت علومك
بعدين أنتي تقولين الفقر جريمة في الدول الأسلامية .!!!!
منذ متى أصبح الفقر جريمة ؟؟؟؟
طيب إذا فيه دول إسلامية هي أصلاً فقيرة وش يسون يسرقون عشان يصرفون على فقراءهم ؟
أختاه الفقر والغنى من عند الله سبحانه وتعالى كما قال في كتابه الكريم وأقر الفقر في مواضع كثيرة لأنها صفة كونية آرادها الله عز وجل لحكمة يعلمها سبحانه .. الفقر باقٍ وسيضل في كل الحقب الزمنية وصولاً إلى عهد صدر الإسلام حين وجد المصطفى صلى الله عليه وسلم وإلى يومنا هذا

صدقيني لو تلقين الفلوس طايحة بالشارع راح يكون هناك فقراء لأنك راح تلقين ( لِلْفُقَرَاءِ الَّذِينَ أُحْصِرُوا فِي سَبِيلِ اللَّهِ لا يَسْتَطِيعُونَ ضَرْباً فِي الْأَرْضِ يَحْسَبُهُمُ الْجَاهِلُ أَغْنِيَاءَ مِنَ التَّعَفُّفِ تَعْرِفُهُمْ بِسِيمَاهُمْ لا يَسْأَلونَ النَّاسَ إِلْحَافاً )






شاكر مرورك