ألحقووووني!! جدولي في صفحة الأودس غير وفي السنترا غير

[سجدة قلب]

السلام عليكم بنات أحس إني في ورطة ... دوبي اكتشفت ان جدولي اللي رتبته في صفحتي على الأودس مختلفة عن اللي حاطينها لي يالسنترا
يعني أنا ماخذة خمس مواد وحاذفة مادة ومادة شعبها كلها فل
واللي حطوها لي حاذفين لي مادتين انا ضايفتهم وحاطين مادة انا حاذفتها
ومادة مكررينها بنفس الاستاذة بس الشعب مختلفة

اش هذي المصيبة , هم المفروض يعطوني محاضرات المواد اللي أنا أخترتها مو زي التحضيري
عن جد مضااااااااااايقة حدي
أحد صار معاه كدا؟؟؟؟؟

[برآءة حروف]

وعليكم السلام ورحمة الله وبركاته

امممم
حتى انا زيك .. بس الدنيا مو هملة
حيعدلوا فيها يوم الاحد اكيد :)

لاتخافي حيحطوكي زي مارتبتي جدولكِ :)

بالتوفيق عسسولة
تحيتي

^^

[بقايا أنسان]

وانا نفس مشكلتك المحاسبه اخترت لها شعبه

وبالسنترا نازله بشعبه ثانيه

الله المستعان

[عزفے الأمنياتے]

يجماعه لازم اسجل موادي في السنترا ولا

[سجدة قلب]

المشاركة الأصلية كتبت بواسطة برآءة حروف وعليكم السلام ورحمة الله وبركاته امممم حتى انا زيك .. بس الدنيا مو هملة حيعدلوا فيها يوم الاحد اكيد :) لاتخافي حيحطوكي زي مارتبتي جدولكِ :) بالتوفيق عسسولة تحيتي ^^

الله يسعدك ياللي كلامك عسل في عسل
تسلمي على ردك بس إنتي متأكدة إنهم حيعدلوا ولا لازم أروح الجامعة

[برآءة حروف]

المشاركة الأصلية كتبت بواسطة عزفے الأمنياتے يجماعه لازم اسجل موادي في السنترا ولا

لا مافي تسجيل مواد في السنترا
هما ينزلوا المواد اللي انتي ضايفتها في جدولك

بالتوفيق

^^

[برآءة حروف]

المشاركة الأصلية كتبت بواسطة سجدة قلب الله يسعدك ياللي كلامك عسل في عسل تسلمي على ردك بس إنتي متأكدة إنهم حيعدلوا ولا لازم أروح الجامعة

ويسعدك انتي كمان

اكيد ياحلوة حيعدلوا (بالعقل)
مااعتقد يخلوها كذا .. ياليت حاطين مواد الخطة كاملة عشان نقول يمكن
بس هما منزلين كذا مادة :)

^^

[سجدة قلب]

خلاص أروح أنام وأنا مرتاحة الله يريح بالك ياذوووق

[عزفے الأمنياتے]

ياحلوين طيب المواد الاختياريه متى تبدا
وكيف اعرف
انا اخترت علاقات عامه

[gardenia]

يابنااااااااااااات بليزززززززززز قولولي كيف تفتحوا جدولكم اللي بالسينترا مااااااااااني فاهمه :"(