ياااااااااااااااااااااااااااااااااطلاب الاداره العامه الكل يشارك

[T@RIQ]

ابو خليل حبيبي ،،، انت دخلت القسم خلاص ،،، اترك الكلام السلبي وركز بدراستك ،،، وفكك من كلام الناس .

عموما انا حقلك رأيي عشان تقتنع ،،،

اولا الارزاق بيد الله ،،، واذا كانت مكتوبه الوظيفه لك بتاخذها ان شاء الله حتى لو الي متنافسين عليها 1000 .

ثانيا صح ان الارزاق بيد الله لكن انت مطلوب منك الاجتهاد والمعدل الزين ،،، لانه في النهايه اذا تعبت على نفسك ان شاء الله وجبت معدل تمام بتوفيق الله ،،، بكذا انت سويت الي عليك لكن نتيجة تعبك وعملك هذي بيد الله عز وجل ،،، وربنا ان شاء الله راح يكافئك على تعبك ،،، ومافي اعدل من ربنا عز وجل .

على العموم اهم شي انه القسم يكون مناسب لك كدراسه وكوظيفه ،،، يعني تكون حاب الدراسه فيه ويكون مناسب لقدراتك كدراسه لانه يعتمد على الحفظ بالدرجه الاولى ويكون مناسب لطموحك ورغبتك كوظيفه اداريه مستقبلا ان شاء الله.

لان ارتياحك للقسم والدراسه فيه راح تنعكس على درجاتك ،،، والدرجات حتنعكس على معدلك النهائي وبكذا لما تجيب معدل عالي ان شاء الله راح تتميز عن الخريجين الي معاك مهما كان عددهم ،،، ولما تروح عشان تقدم على وظيفه راح تكون ان شاء الله بمقدمة الاسماء مهما كان عدد المتقدمين ومهما كانت الوظائف قليله .

عموما الاداره وظائفها كثيره ما شاء الله زي ماقالوا الاخوان ،،، واصلا نصف الوظائف تقريبا تعتبر اداريه .
ويعيبها فقط احتكارها للعمل في الجهات الحكوميه ،،، وقليله جدا في القطاع الخاص .

وزي ماقال الاخ الي قبلي مستقبل الوظائف ان شاء الله راح يكون في القطاع الخاص ،،، وذلك نتيجة تحول الكثير من القطاعات العامه الى التخصيص .

لكن لازالت الوظائف الاداريه الحكوميه متوفره ،،، ولازال هناك الكثير من القطاعات الحكوميه ،،، وفيه قطاعات حكوميه كثيره لايمكن ان تخصص لانها ترتبط بسيادة الدوله او ترتبط بتقديم الخدمات العموميه الحكوميه .

اذا نقدر نقول ان الادارة العامه قلت وظائفها عن زمان ،،، لكن مانقدر نقول انه ماعاد فيه وظائف حكوميه .

وتذكر هذي الكلمه مني بتوفيق الله اولا ثم المعدل العالي الي يميزك عن الاخرين راح تلاقي وظيفه ان شاء الله مهما زاد عدد الخريجين او قل عدد الوظائف ،،، وارتياحك للقسم وحبك له من اهم الامور الي لازم تركز عليها بترمك القادم ،،، وفي حالة مارتحت للقسم وماحبيت دراسة الاداره ،،، هنا فقط فكر بتغيير التخصص والذهاب الى التخصص الي تحس برغبة الدراسه فيه والي يجسد طموحاتك .

تحياتي ،،، واسف على الاطاله ،،، وبالتوفيق ان شاء الله