تجمع مستجدات أعمال عام ... *طالبات*

[RHF]

^

^

اسراء شكلك حتكتشفي بنفسك رأيك فيها

//

[RHF]

السلام

الصراحة كان يوم شاق جدا ، ومرررررررررررررررة مت حررر

المهم بالنسبة للاحصاء

دخلت لنا دكتورة اعتقد اسمها الهام او ريهام ، جاتنا بدل تغريد لانهم غيرو دكاترة الشعب

ممممممم مصرية ، وشكلها حبوبة ، ودمها خفيف ومدري عاد عن الباقي ,,

وتقول في واجبات نسلمها لوحدة اسمها امل او امال ،، ولازم في وقتها و و

ومن كلامها حسيت انو الكتاب مرررررررررررة مهم !!! واني ما اقدر اخش المحاضرة الا بيه

يعني لازم اشتريه ؟؟ ولا ملخصات ولا ايه بالزبط ؟

//

اوه ابشركم الورقة الي كتبت فيها كل حاجة في راسي ، ضيعتها الحمدولله

فهاوة اول يوم

//

المهم بعدين روحت محاضرة ممممممم محاسبة

مع الدكتورة اقبال ، برضو مصرية

الصرراحة ما دخلت مزاجي :(

احسها كدا ما تعرف تتكلم ، ولا لكيعة ولا مني دارية

اتكلمت عن المشاركة و التمارين و الواجبات و و

وقاعدة تقول عالسلايدات وانها مهمة وحنزاكر منها ، شوية كدا ترجع تقول برضو لازم الكتاب تزاكرو منو اشياء ، وحسيت كلامها متناقض ما فهمت يعني نجيب الكتاب ولا نكتفي بالسلايدات ؟ ولا الاتنين :@

//

والانقلش ما جات الدكتورة

//

اخر شي اقولو ، اني متنرررررررفزةة و معصبة عشان ضيعت الورقة الي كاتبة فيها اسماء الكتب و الكلام الفاضي حقهم :(

:@:@:@:@:@

[‏cДяǎṀёŁǎ™●•]

خخخخخخ اللهـ يعينك يآ رهف :P

أنآ مآ كآن عندي غير عربي مع أستآذة شآدن يعني حسيت نوعآ مآ إني متقبلتهآ مع إنهآ إنسآنة جآمدة >_>"

حتى تخيلوآ قآلت إنو مآ نقول ايوآ نقول بدآلهآ [ بلآ ] خخخخخخخخ xD

و بعدين رحت محآضرة احصآء الأعمآل أنآ مع أستآذة مرفت عبد العآل طبعآ مصرية =)

و حبيتهآ مرررررررة فرفوشة و كدآ يعني بالاختصآآآر تدخل القلب <~ فديتهآ 3>

و كلمتنآ عن المنهج و إنو 18 شآبتر و لآزم في أول أسبوعين نكون مخلصين 8 شبآتر O_o

و اتكلمت عن المنهج إنو أو 8 شبآتر نفس الي أخدنآهآ في الاحصآء 110

و بس هيآ دي موآدي اليوم ..

تخيلوآ المعفنين كآن عندي مبآدئ إدآرة و حذفولي هوآآآآ =@

و اليوم مآ مدآني أضيف مآدة بس بوكرآ إن شآء اللهـ أروح أزبط الوضع >_>"

اللهـ يعييييييييييييييييييييين على المرمطة حقهم >_<""""

[بنت العسكري]

بسم الله على جدولي يا بنااات تخليوا فكيت الجدول حصلت مسوين لي مفاجاااات
غيروا الانجلش بدل ما كان (سبت و احد و اثنين و ثلاثاء) صار كل الاسبوع //صح انو بس زاد يوم لكن الانجلش ما اتحمل محاضراااتهـ
و بعد مغيرين المباني يعني السبت و شلته في مبنى و الاحد و الثلاثاء في مبنى اخر
يالله كمان الانجلش في مبنى420 و بعدها عندي احصاء في مبنى3 و بعدها اقتصاد جزئي في 420
و تخيلو بين المحاضرات بس عشرة دقايق اش هذا ليه كذا مين زي معاناتي؟؟؟

[اسكن عيوني]

اليؤم يؤم كرف ؤشاق جدا

من 9 لين 3
9 محاضره عربي مع شادن انسانه جديه مره
10 اقتصاد جزئي مع ناديه دمها خفيف مره بس ماتحكي عربي كلو انقلش وحبوبه قالت مو لازم كتاب اعطيكم ملخصات وكذا
ونص افهم كلامهاونصو لا اللغه عامله عمايلها
11 احصاء مع تغريد مادخلت مزاجي بنت الناس
2 لين 4 انقلش

[RHF]

مممممممممم انا ما حضرت عربي و انقلش

طيب الحلوة الي بتقول انو الانقلشش المتقدم مو لازم منو ،

كيف مو لازم منو ازا هو اصلن 3 مستويات ؟؟؟

مني فاهمة

ازا مالو داعي ما ابغاه خلاص

مممممممم المهم فين اسأل بالزبط عليه ؟

//

بنات فهموني ايش الكتب الي اشتريها بالزبط ؟

[RHF]

العربي ايش اسم الكتاب الي نشتريه حق المستوا الاول ؟

//

على فكرة انا اليوم فررريت كل المكتبات الي حولين الجامعة ، وما لقيت كتاب الاحصاء

وفي الجامعة المكتبات زززززززحمة مرة خلاص حنتحررر اوففف

//

والانقلش يابنات فهموني ايش هرجتو

[nsetk]

^^
الاحصاء اليوم شفته في مكتبه خوارزم اللي عند مبنى 12

روحي اشتريه من بكره بدري

[DoDeY]

انا رحت المعهد حق الانجليزي عشان ابغا اسأل في محاضرو اليوم قالتلي دا الاسبوع كلوو مافي محاضرات في مشاكل
راجعينا بعد اسبووع ..
بكره روحوا واسألوا واتأكدوا انتوا كمان و قولولي ايش حيسير معاكم :)

(( المعهد قدام مبنى ١٣ ))

[نبض إحساس]

صبايا ابي اسألكم وين البربوينت حق مبادئ المحاسبة 117 لشابتر ون
والله يسعدكم اللي عندها كتاب مبادئ المحاسبه ل117 و213 ماتبغاه
استعيره وارجع لها بعد سنه إنشاءالله الله يوفقكم ردي