تفضل بالدخول وأعطنا رأيك!

[RHF]

مممممممم بالنسبة ليا يعني

اكيد محد يبغا اللغة الام حقتو ، يكون في اعلى منها

ولاكن لو فكرنا حنلاقي ان الانقلش هو لغة العالم ،

كل حاجة سارت بالانقلش ،

//

لو اننا ما نبا الانقلش هو اللي يكون المسيطر على لغتنا الام ،، طيب ليه ما اثبتنا لغتنا ؟

للتوضيح // انا اقصد ليه ما سارت اللغة العربية هي الاقوى في العالم ،، احنا اللي اعطيناهم مجال يكونو الاعلى

ليه بدل ما احنا اتعلمنا الانقلش ،، ليه هم ما اتعلمو العربي ؟

وانا اشوف انو خلاص ما ينفع ، دحين كلووو يبا انقلش ، ولا ننكر الشي دا

فاشوف انو لازم الكل يدرسها ،

لانو في كل الحالات ، احنا حنرجع ندرسها ، يعني اللي ما درسها وطور نفسو فيها في المدرسة ، اضطر ياخد دورات

فبدل ما الواحد يضيع سنين حياتو يدرس عربي عربي عربي ، وياخد مادة وحدة انقلش ،

انا اشوف انو يبدأ يدرس كلو انقلش ، بالعكس كدا احسن

يدرس تاريخ وجغرافيا و مواد علمية و دين ، كلو بالانقلش ايش حيسير ؟ بالعكس هو دا الصح

//

احنا مدخلين اخوية الصغير انترناشونال سكول ، عشان ما يورط نفس الورطة حقتنا ،، كمان عبال هو يكبر ، حتكون الدنيا كلها انقلش :)

//

بعدين اصلن دحين في المدرسة اغلبية الدروس مصطلحات انقلش ، كمان المفروض الشرح يكون انقلش ، ايش استفدنا ننطق الاسم بالانقلش ، ونشرح بالعربي ؟؟

المشكلة اننا نقول العربية اللغة الاممممممممم ، واحنا اصلن بنتكلم انقلش ، والانقلش سار اهم ،

في المطاعم و المستشفيات ، في الاسواق ، تقريبن في كل مكان ، اغلب الجنسيات يتكلمو انقلش ،

//

عاد كل واحد و لو رأيوو

/ اتقبل مروري /