لماذا يتمـ منع النقاب في العمــل في بلدنـا ؟؟ :@

[rubi]

اصلا في سبب تاني غير انو اللي تكشف تكون اجذب

وهو انو بيكون صعب التعامل مع اللي تلبس النقاب بصراحة يعني انا البنت احس صعب التعامل مع اللي بالنقاب

[بيو كيميائية ^_^]

المشاركة الأصلية كتبت بواسطة rubi اصلا في سبب تاني غير انو اللي تكشف تكون اجذب وهو انو بيكون صعب التعامل مع اللي تلبس النقاب بصراحة يعني انا البنت احس صعب التعامل مع اللي بالنقاب

ليش يعني بيكون صعب

أنا أشوف نفس الشيء

ياما تعاملنا مع منقبات وماشفنا صعوبة

أنا قبل ماأبدأ التدريب كنت أفكر راح أختنق وراح يعيقني النقاب

إلا إني ماأختنق ولا يضايقني بالعكس مرتاحة وماأبي أشيله

وماأحس بصعوبة ولا أحس أحد يتعامل معاي بصعوبة

[THE HILL]

المشاركة الأصلية كتبت بواسطة rubi اصلا في سبب تاني غير انو اللي تكشف تكون اجذب وهو انو بيكون صعب التعامل مع اللي تلبس النقاب بصراحة يعني انا البنت احس صعب التعامل مع اللي بالنقاب

يؤ شكلك بنت المدير >امزح ^^"

ماشاء الله عاجبك السبب الاول " الله يحفظك "

بس انا اللي اعرفه ااي وحده متمسكه بحجابها واخلاقها هيا اللي تفرض على الناس انها تحترمها وبالعكس يتعاملو معاها بكل ارياحيه وذوق ,,


لكن حكايه انك بنت وتلقي صعوبه اعتقد مو صعوبه الا استحقار والله اعلم بالنوايا


اعذريني ع الرد ,,


موفقه خيتو ! ’’ ~

[نوره الغامدي]

عش رجباً , ترى عجباً


مو بس هـ المستشفيات الخاصة ’ لا تستغربين ! ترى و ربي تحصل كثيييير :)


أممممم أعرف وحدة معرفة شخصية ’ تخرجت تخصص رياضيات , ماشاء الله عليها متفوقة جداً , المهم قدَّمت على معيدة فـ عبدالعزيز , و الحمدلله قبلوها ..

بعد العمل بسنة ’ قدَّمت دراسة ماجستير على كاوست ( جامعة الملك عبدالله )


راحت من الصبح الساعه 8 , اختبارات من أول النهار , الين وقت متأخر ! و من اختبار الى اختبار آخر ... آخر شيء جا وقت المقابلة مع وحده من المسؤولات , حتى اني كنت عارفة اسمها بس والله نسيته ’ مدري لقبها البشري ؟ أو شي زي كذا ؟


ما علينا , قالت لها :

- ماشاء الله عليكِ , درجاتك فـ الاختبارات ممتازة , و معدلك عالي .. و راح نقبلك بكل سهوله و نعمل و نعمل ... الخ , قاعده تشرح و تلت و تعجن و تقولها على المميزات و الوظيفه ومدري ايش ,

فـ الأخير قالت لها بكل وقاحة و برود :


- بس معليش ماراح نقدر نقبلك الا لمن تنزلي نقابك !


<<< البنت صار وجهها كذا و ربي


ردت عليها : شلون أنزل نقابي ؟ ليه فيه نظام يقول كذآ ؟ وريني صورة من هـ القرار اذا سمحتي ؟


بس بنت اللذين قالت : لااااا , هو بس عُرف هنا :)


طبعاً البنت قالت بكل ثقه : لا والله ما أنزل نقابي عشانكم ! ربي يعوضني خير ’

و تحلف لنا انه فيه بنات كثيييير من اللي معها ذاك اليوم نزلو النقاب ’ بعد اقناعات من الست الهانم ,


عاد وحده من البنات تقول : لا ما أقدر انزله , و أهلي ؟


تقول لها - عادي إكشفي هنا و تغطي برآ ! أهلك ما يدرون عنك


>>> قسم بالله لو اني فيه لا أمصع رقبتها و أتوطَّى فـ بطنها اللي ما تستحي



بس تعرفين ايش الحلوووو فـ الموضوع ؟


انه بعد فترة ’ البنت هذي جاها اتصال من الجامعه و قالو لها انها انقبلت بحكم درجاتها العاليه ’


و اللحين شوفيها لها فلة خاصة هناك مع زوجها و عيالها , و تداوم بنقابها الله يوفقها :)


أما بالنسبة للمستشفيات الخاصة ( حدِّث و لا حرج )


بالذات البنات اللي يشتغلون فـ الاستقبال !


/


الله يعينك ’ و يكفيك شرهم