الاعجاز العلمي في غض البصر للشباب والبنات....

[chocolata]

اول شي مرة تسلمي نيمو عالموضوع..

وثانيا ماازيد ولا كلمة على كلام منكوشة كفت ووفت..

وثالثا سلالالالام..

[نضال]

المشاركة الأصلية كتبت بواسطة bent mankoosha طب ما بعض العلماء اسقطوا غطا الوجه ايوا دا منطق لأنه ربنا ما راح يسامحك ويقلك انت ما غضيت بصرك معذور عشان البنات متبرجات لا تتخلى عن الشي الصح اذا اللي حواليك بيعملوا الغلط و على فكرة احنا ما نعتبر الحجاب (حمل) هوا صح تكليف..............بس(عااااااااااااااااااااااااااا جبنااااااااااااا) اذا انتا تعتبر الغض حمل فلازم ترا جع شويه معتقداتك<<<<<<<<<<<دا كلامي انا نيمو مو منكوشة.........الباقي منكوشة) انت اعمل اللي عليك ( غض البصر ) والبنت حرة تتحجب او لا دا شي بينها وبين ربها <<<<<<<<<<<<<<صح الكلالالالالالالالالالالام(نيمو مرة تانية) بس مو تتعذر بتبرج البنات عشان ما تغض بصرك اتوقع كلامي وصل وواضح وزي ما قلت لك انت بتثبت قوة ايمانك في المكان اللي فيه اغلبه متبرجات <<<<<<<<<<<من جدددددددددد وسامحني لو طولت عليك سلام

ناخدها بالعقل و المنطق ...

لو فيه جار بيطالع دايما في جاره ,,, اول شي حتعمليه ايش؟؟

حتقولي له بالله يا فلان لا تطالع ؟؟

ولا حتصلحي وضع البيت و تعملي ساتر حتى ما يطالع دا الجار؟؟؟؟


انتي اصلا بتتكلمي عن الحجاب و متناسية ان الله امر المراة ان تقر في بيتها و ما تطلع الا في الضرورات ...

ما بالك اذا كانت تطلع و هيا متبرجة ؟؟؟!!!!!

الرسول صلى الله عليه و سلم قال ان المراة اللي تطلع من بيتها و هيا متعطرة تعتبر زانيه !!!!!

ما بالك و انتي تتكلمي عن وحدة متعطرة و متبرجة و عبايتها شوية و تكون فستان !!!

فين المنطق في كلامك؟؟

و اذا انتي تتكلمي عن عقوبة عدم غض البصر ,, فاعرفي ان عقوبة خروج المراة متبرجة من بيتها مضاعفه اضعاف عقوبة عدم غض البصر ..

الرسول صلى الله عليه و سلم ما ذكر عقوبة الشخص اللي ما يغض بصره في الوقت اللي ذكر فيه انه شاف في جهنم حريم يعذبوا و قال صلى الله عليه و سلم عنهم الكاسيات العاريات...


قصر الكلام ..

غض البصر واجب .. لكن مع الفساد اللي صار في عدد كبير من بناتنا .. صار شبه مستحيل

الا اذا فكرتوا انكم تقلبوا الشوارع لكم و تخلونا احنا الرجال في بيوتنا !!

وقتها راح يكون غض البصر ممكن ...

اما اذا تتكلمي عن قوة ايماني ,, فاعتقد ان اضعف الايمان اني امسك نفسي عن اذية وحدة لابسة فستان على شكل عباية و اني ما اروح ارقمها زي ما الخلق بتسوي ...



اعتقد ان الخلل في معتقدات البنت اللي بتتبرج ماهو في معتقدات الرجال

الصحابيات على عهد الرسول عليه الصلاة و السلام . كانت الوحدة منهم اذا مرت في مكان و فيه رجال تشيل الخلخال اللي في رجولها حتى ما تلفت انتباه الصحابة انه فيه رجال في دا المكان ,, ما انتظرت من الرجال انهم يغضوا ابصارهم , مع ان الرسول امر الصحابه انهم يغضوا ابصارهم !!!!!
دا و انتي تتكلمي عن الصحابة و هم افضل القرون !!

تدري انا احسك متحيزة زيادة عن اللازم لصف البنات

[bent mankoosha]

بالعكس يا نضال
انا دايما يقولوا لي انك توقفي في صف الرجال
بس الصح صح

انا اللي عندي قلته وما اتوقع انك ممكن تقنعني ولا اني ممكن اقنعك
فالجدال اصبح عقيم
واعتذر منك

سلام

[Mr.THAMER]

والله غض البصر واجب . . . ومهم . . . وغير كذا من ترك شي لله عوضه الله خير منه

واذا والواحد غض البصر . . . ربي يعوضه في صحته وفي شبابه . . . وما يشيل النظارة من زجهه مهما كبر في السن


بس انا عندي كلام لازم اقوله


بالنسبه لنا نحنا الشباب . . . عندنا مشكبه كبيره . . . في غض البصر

وانا حقول مشكلتي

جاتني فترة . . .قلت خلاص . . . ماني مطلع ولا ملتفت في بنت . . . وفعلا استمر هذا الشي فترة قرابت الشهرين

رغم التعب اللي كنت اتعبه والمعاناه . . . في غض البصر . . . تراه والله مو شي سهل

لما ابغى اروح مشوار بسيارتي . . . اعتمد على الطرق اللي ما توديني على الاسواق (( مكة مو جده ))

ولما امر على الاسواق تلقيني الهي نفسي باي شي

لكن بصراحه البنات زودوها . . . والله يخلوك تطالع غصب عنك . . . بما اني شاب وهذا غصب عني


اغض البصر مة واثنين وثلاثه وعشره وعشرين . . . . وبعدين .؟؟؟؟؟؟

تشوف كل شي اخص من الثاني . . . وكمان مكان عملي . . . لازم اشوف بنات . . . وتشوف اشياء ماهي طبيعه . . . اللي كاشفه وجهه كله مكياج . . . واللي تجيك مرامية الطرحه من على راسها . . . واللي لابسه عباية مخصره تفاصيل جسمها كلها باينه . . . ايش اسوي وقتها .؟؟

اغض البصر قد ايش . . . ؟؟؟؟؟؟؟؟؟؟؟

اللين واحد ملتزم كان في زيارة عندي في المكتب . . . يقولي والله لو تصبر لك الجنه . . لكن ما راح تصبر ! ! ! ! !

لانه عارفنا نحنا شباب . . . واعتقد من طبيعة الانسان الشهوه . . . وغريزه طبيعيه فيه

لما الواحد يشوف شي يفتنه . . . غصبا عنه حيطالع

لكن الله يغفرنا يا رب . . . لانه شي فوق طاقتنا . . .

بالنسبه ليا . . لو اشوف واحده متحجبه ومغطيه وجهها ... والله اني ابعد عنها وارخي راسي . . . لان هذي محترمه نفسها . . . وتفرض احترمها على كل خلق الله

واللي ياذي بنت محجبه هذا مريض . .


تحياتي هذا بس شي كان في قلبي وقلته


باي

[wizard]

يا بطوط نضال لا تناقش لاجل النقاش فقط
غض البصر واجببببببببببببببببب انت غض بصرك وسيب البنات الممرقعين لوحدهم يعنى سوى الي عليك والباقي على ربنا
اما الحجاب فدا موضوع متشعب جدا

[Mr.THAMER]

فيه حاجة ثانية اخت منكوشه ونيمو


اذا غض البصر . . . يبين قوة ايمان الشاب والفتاة


ترا الحجاب مو يبين قوة الايمان . . . . يبين الايمان نفسه عند الفتاة


وفيه حديث عن الرسول صلى الله عليه وسلم

ماني حاظفه لكن حقول معناه

(( اي امراءة خرجت وهي متعطره فهي كذا وكذا)) اي زانية الله يكفينا الشر . . .


فما بالك باللي متعطره ومتمكيجه


والله يقدرنا على غض البصر

[bent mankoosha]

ثامر انا ما اختلف معاك
بس مش معناته انه الشباب يتخلوا عن غض البصر بحجة التبرج من البنات
دي هيا النقطة اللي ابغى اوصلها

[NooDy]

مرحبا ...

حقول شي واحد مو بس المكيااج الي يخلي الشااب يطالع في البنت ..

الي واجب علينا احنا فعلا الحجاب الصحيح بس مو الغطا ,يعني المفروض اني اتحجب كويس ومابين شعري

ومن غير مكيااج ,, في مذهب محلل كدا واللـــــــــــــه اعلم واعتقد انه الشافعي .. المهم المغزى انه بصراااااحه

مراات حتى لما بخرج من غير مكياااج بردو الاذيه موجوده وبردو يطلوا ..

لاتقولولي مكياج ومدري ايه , صح البنت بمكيااج كتير شكلها ملفت حتى انا البنت بيلفتني ويضايق اصلا ,, بس المؤدب مؤدب ..

[funky DoOoDi]

نيمو جزاك الله ألف خير عالموضوع

[عــــامـــر]

مشكوره نيمو على الموضوع

النقاش طووويل بس باختصار ماحد يقدر يقول الغلط على طرف واحد

اصابع اليد ما تستوي اذا كانو في بنات بيتمرقعو فالي اتورطو فيها البنات الي ماشيين في حالهم حتى لو كانت كاشفه وجهها عادي الى الان ما اجتمعو العلماء على تغطية الوجه

وصراحة الشباب صح انه في بنات اتمادو بس في شباب اتمادو اكتر مهما البنت اتمرقعت ما توصل الدرجه انه الشباب
يبدأو يقلو ادبهم بزياده الي يفسخ للبنت عبايتها والي يلمس في البنت وغير كدا كتير

يعني ما عمره الفلط حا كون على طرق واحد

والقاعد المعروفه اصابع اليد ما تستوي يعني الي يسمعكم يقول ما في ولا رجال بيغض بصره وما في ولا بنت بتغض بصرها

كلامكم كله بيقول انه ما في رجل طيب وما في بنت طيبه جمعتو خلاص

انا مررره كنت راكب مع واحد زميلي ماهو مطوع ولا شيء عادي زيي زيه بس لكل شيء حد المهم شفنا واحد بيعاكس بنت طنشنا قلنا مالنا صلاح هذا الكلام واحنافي السياره
شويه الولد يطلع الجوال ويورها ولا شيء زي ما هو خويي دعس بالشياره وصدمه
يعني لسه في ناس طيبه ولسه في ناس تعرف حدودها


والله يعين