بخصوص دوره الحاسب لخطه ب تعالو افهمكم عنها ...

[ndosh]

السلام عليكم
كيفكم اخباركوم .؟
المهم دوره الحاسب دي اخدتها في الترم الاول وهيا عباره عن ثلاثه فترات يعني الي تفوتها الدوره الاولي في فرصه تسجل للدوره الثانيه واذا فاتتها الثانيه
تسجل في التالته يعني لا تخافو للي راحت عليها الدوره الاولي وهيا تلاته اسابيع تروحيها وواسم المعهد معهد العالميه ولو فرعين يا في حي السلامه او
في الجامعه نفسها تاخديها والتسجيل كان من النت عن طريق رابط تدخلي وتعبي بياناتك وكل شي
وتختاري فين تبغي ومن ساعه كم ل كم ..
وعلى فكره هيا مو الزاميه لاني والله روحت تلات ااسابيع واختبرت وجبت 100
وما عادولها ولا شي واختبرت مره تانيه في الاختبارات النهائيه
بسس ما انكر اني استفدت بصراحه كان عملي حلوو عشان تفهمي اكتر من انو تقراي من الكتاب لمصلحتك يعني
هيا الدوره حلوة في دا الشي ...
ووبسس اي احد عندو سؤال يقوولي ماحقصر ان شاءالله

[&امون&]

يسلموووووووكنت حايسه بس ياقلبي ممكن الرابط ادا عندك ممكن القى في الادوس

[ndosh]

ياعمري الرابط تحصليه في الاودس موجود
الي هوا دا

http://www.alalamiahedu.net/cms/kau2...t_register.php

شوفي رقمهم موجود دقي واستفسري

[بنت المدينة المنورة]

بالنسبة للدورة ما سجلت فيها لاني ملتزمة بدوام

طيب ضروري اشتري كتاب الحاسب ؟

لان انا درست قبل كذا icdl وعندي الكتب

وكيف اختبار المادة صعب والا سهل ؟
وهل في اختبار عملي ؟

[منااار]

طيب وبنات الرياض
وين يحظرونها وكيف؟؟؟

[a15]

طيب متي تبدا الدوره الثانية

[نونا1411]

متى تبدأ الدورة الثانية؟؟؟

[الصمت طبعي]

طيب اذا رحت للمعهد ادفع رسوم ولا لا؟؟

[سلطانه..]

يابنت المدينه اذا معاكي شهادة اي سي دي ال icdl ترى ينزلون عنك الماده بس قدمي الشهاده لهم
وسلامتك