ابيـــــــكم تساعدوني بجــــــــــدولي وتعطوني رأيكم ...؟؟

[عبق الورد~]

الســــــــــــــــــــــــلام عليكم ورحمة الله وبركــــــــــــــــــــــــــاته


بليـــــــــــــــــــــــــــــز بنات ابي مساعدتكم بجدولي وابيكم تقولولي هل المواد مناسبه مع بعض .. بأختصار ابي رأيكــــــــــــــــم .. وابي افضل الأستاذات لكل ماده مع العلم اكره مواد الحفظ عندي ازمة وتاخذ مني جهد كبير احب المواد العلميه...
...ومررره محتاره...لازم اخلص عشان ابدا في المذاكره...
انا حاليا استقرت تقريبا...بهذي المواد
1-اداره العمليات...
2-اداره موارد بشريه
3-تخطيط وتنميه الموارد البشريه
4-استثمار
5-نظام سياسي سعودى( اختياري)
وايش رايك ايش اضيف من هذي المواد
1-ثقافه 104
2-مبادىء التسويق
3-اداره اعمال بالانجليزي
انتظار ردكم والله يسعدكم يارب...

[× m e m e ×]

1-اداره العمليات...لسى ما اخذتها بس سمعت انها سهله وحلوه ونزلتها دا الترم

-اداره موارد بشريه.. اخذتها الترم اللي فات مع وفاء اليافي ,, الماده حلوه وسهله لكن طويله والاستاذه جابت لنا اسأله مقاليه واخدت فيها جيد مع اني كنت متوقعه ممتاز ولا جيد جدا

-تخطيط وتنميه الموارد البشريه.. لسى ما اخذتها4-
استثمار.. سمعت انو سهل زي مالية شركات ,, وانا نزلته الترم دا5

-نظام سياسي سعودى( اختياري).. سمعت انها سهله وممكن انزلها بجدولي

وايش رايك ايش اضيف من هذي المواد

1-ثقافه 104.. كويسه عشان ترفعي معدلك

-مبادىء التسويق.. اخذتها الترم اللي فات مع نجاح .. كونت خايفه منها مع انو هيا سهله بس حفظ كتير وانا ما احب الحفظ وغير كدا مافي تاشير واسألتها دقيقه ,, من نظري انك تاخديها مع جيهان -

اداره اعمال بالانجليزي.. دي اللي خايفه منها ,, مع انو حسيت انها سهله عشانها ملزمه تترجميها وتحفظيها صم

اتمنى اني اكون افدتك

الله يوفقك ويكتبلك اللي فيه الخير يارب :)

[شذى الحب]

1-اداره العمليات >> ماعندي هاذ المادة في الخطة
2-اداره موارد بشريه >> حلوة ومرة سهلة مع هيفاء عبدالفتاح
3-تخطيط وتنميه الموارد البشريه>> حلو وسهلة والملزمة قليلة مع العنود سبعان
4-استثمار>> ماعندي هاذ المادة في الخطة
5-نظام سياسي سعودى( اختياري) اخذها الحين مع امل عرب اخلاق وشرح وكل شيء تجنن

ثقافه 104>> نص نص يعني مو سهلة لانها بصراحة تاريخ بس ذاكري كويس وان شاء الله تجيبي a+

وبس
ابغى منك دعوة حلوة


شذى

[همس الغلا]

بالنسبة لادارة العمليات ماادة حلوة وجدا سهلة مع خديجة ضبااب روووعة الله يسعدها تضمني a+
موارد بشرية مادة حلوة وطويلة انا اخذتها مع وفاء اليافي طيوبة اسئلتها مقالية والحمدلله كانت سهلة
استثمار مااادة حلوة حسابية اخذتها مع سحر مهران ومذاكرتها من ملزمة عطر الغلا
وادارة اعمال بالانجليزي المادة مو صعبة مذاكرتها من ملزمة وتعتمد علي الحفظ .. واخذتها مع دكتور صالح
مبادئ التسويق ماادة حلوة مع جيهان فكهاني بصراحة روعة وامتحانها سهل جدااا ..
هذه الموااد الي اخذتها وجدولك اشوفها حلو والله يوفقك ..

[maneoly]

ممكن تقولولي كيف اعرف مين الاستاذة , عشان الشعب فتحت بس مانزلو اسماء الاساتذة وانا ابغى اختار اساتذة كويسين عشان ارفع المعدل
وهادي المواد اللي ابغى احطها لانهم بس حطولي مادتين ثقافة 2 و اتفاقيات منظمة التجارة العالمية والمادة لها متطلب انا ما اخذتو

ثقافة 2
تحليل كمي
السلوك الانساني
ادارة الاعمال بالانجليزي
و مباديْ التسويق
الحد الاقصى 15 ساعة ومعدلي هو 2.72

[عبق الورد~]

المشاركة الأصلية كتبت بواسطة maneoly ممكن تقولولي كيف اعرف مين الاستاذة , عشان الشعب فتحت بس مانزلو اسماء الاساتذة وانا ابغى اختار اساتذة كويسين عشان ارفع المعدل وهادي المواد اللي ابغى احطها لانهم بس حطولي مادتين ثقافة 2 و اتفاقيات منظمة التجارة العالمية والمادة لها متطلب انا ما اخذتو ثقافة 2 تحليل كمي السلوك الانساني ادارة الاعمال بالانجليزي و مباديْ التسويق الحد الاقصى 15 ساعة ومعدلي هو 2.72

حبيبتى انت اختاري شعب وانتى وحظك الحذف والاضافه بيكون مفتوح واذا نزلت اسماء الدكاتره ممكن تغيري..

[سـ ـ ـ ـاب]

بالتوفيق أختي الكريمه

ممكن الاخوات يفيدونك


بس ممكن أعرف رمز و رقم مادة ( النظام السياسي )

[عبق الورد~]

المشاركة الأصلية كتبت بواسطة سـ ـ ـ ـاب بالتوفيق أختي الكريمه ممكن الاخوات يفيدونك بس ممكن أعرف رمز و رقم مادة ( النظام السياسي )

نظام سياسي سعوديps 111

[عبق الورد~]

الله يكتب اجركم والله ...ماقصرتو ...واستفدت من خبرتكم

[سـ ـ ـ ـاب]

المشاركة الأصلية كتبت بواسطة عبق الورد~ نظام سياسي سعوديps 111

بارك الله فيك

و الله يسعدك