يا جماعة بليييز رايكم بدكاترة مواد نظم معلومات

[sarah.m]

السلام عليكم
يا بنات انا والله اتعقدت من كل الدكاترة الرجال اللي مروا عليا و على رأسهم هشام كتوعه الله ينتقم منه و حسبي الله ونعم الوكيل على كل ظالم
بالنسبة لدكتور عبدالله باسهل انا اخذت معاه مواضيع متقدمه الترم اللي راح .. في البداية كان الدكتور مررة متفاهم و قلنا ندرس من السلايدات .. فجأة لما قرب موعد الاختبار نزلنا جزء ملزمة في المكتبة و صورناها و الاختبار الاول كان صح و خطأ و اختياري و سؤالين مقالي واحد منهم كان بونس و بالامانة الاختبار كان جدا سهل.. و اغلب البنات جابو كامل..
بعدين بدأنا نشتغل عالحالة اللي طلبها و بصراحة كانت مررة متعبة و طويلة و طبعا هوا اللي قسم المجموعات بنفسه مو على كيفنا.. و الى بعد الاختبار النهائي و انا ارسله اعبغى اعرف درجتي في الحاله اللي عليها تقريبا ٣٠ لكن لا حياة لمن تنادي ..
طبعا الجزء الثاني كان بالانجليزي و مررة صعب و ندرسه من ملزمه الله لا يوريكم خطها صغير و كلامها مو واضح..
الاختبار النهائي كان صح و خطأ و اختياري و سؤال مقالي من الجزء العربي لكن أغلبنا ما فهمنا توزيع الدرجات لانو مرررة قليل الاختبار و السؤال المقالي كنا ملخبطين فيه و حضرته مقفل جواله و مو في مكتبه!!
طبعا انا ما كنت ناقصه ولاشي و فجأة اداني a مع انه والله واثقة انو درجتي ما تعدي ال ٩٨ و علي اسوأ تقدير ٩٥.. بس للامانة الدكتور ما يعتبر الاسوأ لكن ما اقدر اقول انه في شيء مميز..
الدكتور مرررة يهتم بالحضور.. و يحب يجيب اسئلة مقالية على الاقل واحد بس يمكن لو الشعبة كبيرة ما يجيب..
و للمعلومية كل البنات اللي اعرفهم ماكنو راضيين بدرجاتهم..
طبعا انا ما بقول انو لا تاخدي معاه بس حبيت اوضحلك بالتفصيل كيف كان معانا
اسفه عالاطالة بس حبيت افيدكم بكل اللي عندي و لوفي اي سؤال انا موجودة