221 احصاء كابوس مرعب في ورقة الاختبار..!؟ مبنى 40 موقع الاحباط

[عمـر]

الله يهديه هالمدرس يعني محلوف عليه ثلثين القسم يحملون المادة..

والله اسئلة صعبه جداً وحتى لو هي سهله تحتاج للوقت علشان إستخراج الأجوبة المعقدة.
أنا ماأدري وش الفائدة من هالمادة اللي مالها أي داعي ولوكان لها داعي برضو مالها داعي بعلم النفس...

ثم أنه مثل ماقلت أخي العزيز أعطانا اسئلة تبع الفصل الخامس وهو ليس بمقرر علينا.. عجباً ثم عجباً..!!

ياناس أنا جاي من بريدة بالأسبوعين ترددت هذي مرتين ودافع رسوم وأدفع الحين إبجار شقة
والدوام رافضين يعطوني إجازة إختبارات (حاقدين) وأخذت إجازة السنوية (شهر كامل) كله علشان هالجامعة
وبالأخير يجي مثل(مدرس المادة) يعطينا اسئلة منتظمين.

ولاأنسى مراقب القاعة (105) المصري من قبل إنتهاء الوقت بنصف ساعة أزعجنا " باقي خمس دقايق, يالله سلم الورقه ياولدي".
هذا غير السواليف والضحك مع اللي جنبه والتشويش على الطلاب... أنا عجزت أجاوب جالس أتابعهم بس, يارب يفهمونه مافي فايدة

مرات أحس إني مو في السعودية إذا جيت جدة من جميع النواحي... لية كذا..؟

فعلاً.. جدة غير