للطلاب المسجلين مادة ادارة المشروعات العامة pad 432 كماده حره

[aziz8008]

ياشباب انا لي شهر كامل الحين مرسل تقريبا 4 معاملات الكترونيه لاضافه الماده والى الان لم تضاف


هل يوجد احد مسجل الماده عن طريق ارسال معامله الكترونيه ؟؟

[Nameless]

يا ولد ! .. لا تقول !
والله يا غالي أنا لي ثلاث أيام مرسل معاملة الكترونية .. وأشوفهم متأخرين .. لكن إذا انت شهر وش أقول ؟

الكلام كثير حول الحذف والاضافة ..
في ناس تقول أضيفت لهم بعد أسبوع من الطلب .. وناس يقولون الحذف من الكلية فقط ولا بد من مراجعتهم .. وبين كانا ومانا ضاعت لحانا

لكن إذا انت قريب من الجامعة ..
في الطايف أو مكة أو جدة .. أنصحك بالتوجه إلى الجامعة وإنجاز عملية الحذف والاضافة .. وإذا ما قدرت .. شف مادة القيادة والابتكار .. مادة حرة سهلة وأعتبرها بديل لمادة إدارة المشروعات العامة

ورمزها Bus 437

الله يفتح عليك ويوفقك ..

[هـذرلوجيـا]

أنا سيم سيم يابو الشباب
أضفت نفس المادة من ثلاث ايام .. وصراحة متخوف أنهم يسحبون علينا !
واحد من الشباب من جدة .. راح لهم واضافوا له المادة من وقتها
وقال لهم باقي واحد من اخوياي في الرياض يبي اضافه قالوا لازم يجي بنفسه !!!!! قال مسوي معاملة الكترونية من فترة
رد عليه الموظف وقال مالها دخل المعاملات الالكترونية .. لو يبي اضافه يجي بنفسه يسويها هنا !!!

انا احس ان الموظف نصابّ وماعنده سالفه !!!
بس بعد الشهر حقك وأنا خوك بديت أشك أنهم فعلاً ما راح يردوا علينا !!

[هـذرلوجيـا]

طيب عالأقل ليه مايردون على المعاملة الالكترونية ويقولون كيف الآلية السليمة للإضافه
الله لا يسفهنا بس

[دحوم112211]

طريقتكم صحيحه.. بس ملاحظه

لازم تخلي مكان لها في الجدول ..يعني اذا كان جدولك 18 ساعه احذف ماده وخله 15 ساعه
وهم يضيفونها لك على طول خلال 3-5 ايام

[aziz8008]

المشاركة الأصلية كتبت بواسطة nameless يا ولد ! .. لا تقول ! والله يا غالي أنا لي ثلاث أيام مرسل معاملة الكترونية .. وأشوفهم متأخرين .. لكن إذا انت شهر وش أقول ؟ الكلام كثير حول الحذف والاضافة .. في ناس تقول أضيفت لهم بعد أسبوع من الطلب .. وناس يقولون الحذف من الكلية فقط ولا بد من مراجعتهم .. وبين كانا ومانا ضاعت لحانا لكن إذا انت قريب من الجامعة .. في الطايف أو مكة أو جدة .. أنصحك بالتوجه إلى الجامعة وإنجاز عملية الحذف والاضافة .. وإذا ما قدرت .. شف مادة القيادة والابتكار .. مادة حرة سهلة وأعتبرها بديل لمادة إدارة المشروعات العامة ورمزها bus 437 الله يفتح عليك ويوفقك ..

للاسف اخي الكريم انا من خارج جده


وايضا جاء رد اليوم يقول بأنه يوجد تعارض مع ماده الاقتصاد الكلي


يعني اللي عنده اقتصاد كلي مايقدر يسجل اداره مشروعات عامه بسبب تعارض في الوقت وتأكدت انا من هالشيء عن طريق قائمه الشعب الدراسيه وفعلا صار تعارض


لكن المشكله انا كطالب منتسب وش دخلني في التعارض لاني مااحضر محاضرات يوميه


حاجه غريبه هالجامعه ، وارسلت ايميل للدكتور مشاط وفي انتظار الرد بخصوص هالتعارض


بالتوفيق للجميع

[aziz8008]

المشاركة الأصلية كتبت بواسطة هـذرلوجيـا أنا سيم سيم يابو الشباب أضفت نفس المادة من ثلاث ايام .. وصراحة متخوف أنهم يسحبون علينا ! واحد من الشباب من جدة .. راح لهم واضافوا له المادة من وقتها وقال لهم باقي واحد من اخوياي في الرياض يبي اضافه قالوا لازم يجي بنفسه !!!!! قال مسوي معاملة الكترونية من فترة رد عليه الموظف وقال مالها دخل المعاملات الالكترونية .. لو يبي اضافه يجي بنفسه يسويها هنا !!! انا احس ان الموظف نصابّ وماعنده سالفه !!! بس بعد الشهر حقك وأنا خوك بديت أشك أنهم فعلاً ما راح يردوا علينا !!

نفس الشيء واحد من الشباب راح يضيفها لي وقالو له لازم هو بنفسه يجي واضافوها له وانا لا

وهالموظف ماعنده علم لايهمك

تقدر تضيف الماده بالحضور للجامعه او عن طريق المعاملات الالكترونيه لكن اللي استغربه ان الاضافه بالحضور اسرع من المعامله الالكترونيه هههههههههههه شيء غريب


واتوقع سبب التأخير عندك مثلي بسبب فيه تعارض مع ماده الاقتصاد الكلي اذا كنت مسجلها في جدولك او يمكن مع ماده ثانيه عشان كذا لازم تتأكد من الاوقات حسب قائمه الشعب الدراسيه


بالتوفيق

[aziz8008]

المشاركة الأصلية كتبت بواسطة دحوم112211 طريقتكم صحيحه.. بس ملاحظه لازم تخلي مكان لها في الجدول ..يعني اذا كان جدولك 18 ساعه احذف ماده وخله 15 ساعه وهم يضيفونها لك على طول خلال 3-5 ايام

يعطيك العافيه اخوي


اكيد لازم نخلي لها مكان في الجدول


واضحه هالنقطه لي والا ماراح يسجلونها لي


انا مسجل بس 15 ساعه خمس مواد


والماده هذي بتكون السادسه ويكون عدد الساعات كلها 18 ساعه


شاكر لك مشاركتك

[خالد الشوق]

انا ارسلت لهم رساله الكترونيه ونفس الطريقة ما سجلوها من 3 ايام واخر شي كلمت شخص اخوه شغال بالجامعه وسجلها ما قصر

[aziz8008]

المشاركة الأصلية كتبت بواسطة خالد الشوق انا ارسلت لهم رساله الكترونيه ونفس الطريقة ما سجلوها من 3 ايام واخر شي كلمت شخص اخوه شغال بالجامعه وسجلها ما قصر

اخي الكريم


هل انت مسجل اقتصاد كلي ؟ وسجلوها لك ؟؟