استفسار (اتمنى الافادة بشكل صحيح)

[المستشـار]

السلام عليكم ورحمة الله وبركاته

اتمنى الافادة من سوالي

هل بامكاني انسحب من الترم هذا واكمل في الترم الثاني والصيفي او لا

التخبط اللي صاير في هذا الترم مشتتني كثير وبصراحه ماني مركز كثير

وما ابغى اضيع السنة كيف اتمنى الافادة.

لاني الى الان ما سددت الرسوم قلت اشوف الوضع كيف بس اشتريت الكتب

[*روعه*]

شوف عندك في الاوديوس ايقونه الاعتذار عن الترم اذا موجوده معناته يمديك تنسحب هذا الترم .. لكن لو ما لقيتها معناته ما تقدر خلاص ... بس انتبه لانه اظن يحق لك تعتذر عن 3 اترام فقط خلال دراستك في الجامعه ..بالتوفيق

[المستشـار]

اشكرك روعه على الافادة

[عساف]

يارجال شرهتك على بدا بالمذاكر او سوا شي ,, تصدق للحين ماشتريت ولا كتاب
اخر موعد لتسديد الرسوم هو يوم السبت الجاي ,, توكل على الله وسدد وذاكر وربك بيسهلها
بيجيك يوم تقول ياليتي ما اعتذرت ولا كان الحين مخلص !!!

استخر وشف وش وضعك واذا فضلت الاعتذار فأنا محتاج الكتب الي عند وبشتريها منك :)

بالتوفيق

[ابو رهف وراما]

يحق لك الاعتذار حسب علمي 3 مرات خلال دراستك الجامعية ولو تروح الجامعة يحذف الترم وانت واقف ولو

مسدد يرحل المبلغ للترم الجاي بخصوص الموقع ماعندي فكره وتقريبا في 10 محرم آخر موعد

للحذف وراجع التقويم

بس نصيحة توكل على الله وحاول تخفف من المواد وكمل لاني حذفت ترم من فترة والحين نادم علية

لان كل ترم تزداد صعوبة وتعقيد انا مره حذفت التحليل الكمي 2008 والترم اللي بعده خلوه 2

يعني تحليل 1 وتحليل 2 والله قهر

وهي كلها اختيارات يعني معدي معدي بس المشكله بالمعدل

[المستشـار]

سلمت على الرائ

وانا والحمد لله استخرت واستشرت

وباذن الله مكمل الترم وسددنا الرسوم وتوكلنا على الله

وراح نعمل بالاسباب

[بنوووته]

بالتوفيق......
ملحوظه عن الاعتذار:
انا اعتذرت 3 مرات مره واحده بس كان عندي عذر مقنع
اما المرتين الثانيه ماكان فيه سبب مقنع مره لان الدوام كان فيه رمضان واعتذرت
والمره الثانيه تخبيص في الجدول وقلق والنفسيه تعبت منهم فاعتذرت
الحين فعلا ندمت كنت بحاجه اني اعتذر هالسمستر لان ولدي مسوي عمليه
وياحرام كله مجبس من نص بطنه الى اخر رجله وطبعا مافي مجال>>>> قصه حياتها

والله مدري كيف بيعدي هالترم وكيف باقدر اذاكر
ع العموم انا اقول لا تفكر بيوم تعتذرالا اذا فيه سبب يجبرك
والله يوفقنا جميعا