مذا يدور في التكسي حطييييير !

[JuStice]

.

التكاسي دي فيها بلاوي والمفروض النساء يتجنبوا ركوبها إلا في الشديد القوي وبالذات إذا كانت بنت لوحدها ,

قبل كم شهر كنت مع صاحبي والوقت متأخر الساعة 2 الليل وسيارته أتعطلت ! نزلنا وركبنا تاكسي وكنت جالس أنا قدام والله المستعان ..

طول الطريق والسائق جالس بطريقة غريبة كدا ومايل بحيث جسمه ووجهه مواجه لجهتي وكل شوية يطالع فيا ويطالع في المراية يشوف صاحبي اللي جالس ورا .. مرة ما ارتحت ,

يا دوب صاحبي نزل بيته .. إلا وبدأ التاكسي يقرقر .. كلامه كله كان عن الزواج والبنات ويسألني إذا كنت متزوج ويقول لي إنت شاب كبير ولازم تتزوج ......

الله يقلعه استلمني الخبيث بالكلام دا لغاية وصلت البيت ,

صرت من بعدها إذا أحوجتني الظروف إني أركب تاكسي أكون جدًا رسمي ولا آخد ولا أعطي في الكلام معاهم ..

الله يحفظنا من شرورهم

.