التخصصات المتاحة للإنتساب دفعة 10 + التحويل من إنتساب إلى إنتظام

[Rocker Willow]

السلام عليكم و رحمة الله وبركاته ,,,,

ابغى نصايحكم لي

انا طالبة إنتساب من دفعة 10 و الحمدالله خلصت السنة التحضيرية و جبت معدل 3.85
و مررة محتارة مني عارفة أحول إنتظام و لا أكمل إنتساب ,, لأني في حال التحويل للإنتظام ح أترك وظيفتي , بس انا هدفي بعد البكالوريوس أطلع أكمل دراسة الماجيستير خارج المملكة
بس نفسي اكمل إنتظام و نفسي كمان أكمل الشغل لحد ما اخلص بكالوريس عشان اكتسب الخبرة و في نفس الوقت اخد البكالوريس ..

بس مني عارفة هل إكمالي لدراسة الإنتساب ح تكون مفيدة ليا مستقبلاً ؟؟؟ و إيش الشهادة الأحسن الإنتظام و لا الإنتساب ؟؟ و هل من الممكن اتقبل في بعثة الملك عبدالله على الماجستير اذا اتخرجت بشهادة " انتساب " من الجامعة و جبت المعدل المطلوب,,
او لازم اطلع على حسابي بعدين تتحول على البعثات لاني انتساب؟؟

و هل الجامعات الدولية تقبل شهادة إنتساااب ؟؟ مني عارفة

و كمان في حاجة تانية .. انا قريت في موقع الجامعة انو سنة 2011 قفلو تخصصات إدارة الاعمال و مافي الا إدارة عامة و 3 مسارات منها بس : 1- مسار عام. 2- مسار مستشفيات 3- مسار تنظيم و تطوير إداري.
و في الإداري الإنساني : المواد العامة المعرووفة

هل صحيح هل كلام ؟؟ لاني لمن قرييت اتصدمت من التخصصات المحددة ,, فـ دا الشي بزيادة حيرني ..

أفيدوني الله يسعدكم

[الاسباني]

نفس الكلام اللي سمعته من قبل

[Rocker Willow]

يعني ما عندك اي فكرة ؟

[عبدالله بن عبدالرحمن]

اختى العزيزة
اعتقد الاجابة لاتحتاج لتفكير وتمحيص ..!
اكيد لمن تكونى انتظام امورك تتغير 180 درجة
اذا كنتى تبغين بعثة وتواصلي بالخارج
واذا كنتى موضفة اصلا وراتبك تمام وتبين الشهادة فقط للمفاضلة فى عملك فخليك انتساب
بس اذا كانت نضرتك بعيدة وابتعاث فاشوف انك لوتحولى انتضام افضل مو بمرة بس بعشرة الاف مرة
بس معليش يااختى اذا كانك تبين الابتعاث لية ماحاولتى ترفعى معدلك عشان اقل شي تتخرجي وانتى فوق الاربعة

والفيصل هو صلاة الاستخارة استخيري رب الارباب وماراح يخيبك ابدا ابدا
واسال الله ييسر امورنا وامورك

[Rocker Willow]

المشاركة الأصلية كتبت بواسطة عبدالله بن عبدالرحمن اختى العزيزة اعتقد الاجابة لاتحتاج لتفكير وتمحيص ..! اكيد لمن تكونى انتظام امورك تتغير 180 درجة اذا كنتى تبغين بعثة وتواصلي بالخارج واذا كنتى موضفة اصلا وراتبك تمام وتبين الشهادة فقط للمفاضلة فى عملك فخليك انتساب بس اذا كانت نضرتك بعيدة وابتعاث فاشوف انك لوتحولى انتضام افضل مو بمرة بس بعشرة الاف مرة بس معليش يااختى اذا كانك تبين الابتعاث لية ماحاولتى ترفعى معدلك عشان اقل شي تتخرجي وانتى فوق الاربعة والفيصل هو صلاة الاستخارة استخيري رب الارباب وماراح يخيبك ابدا ابدا واسال الله ييسر امورنا وامورك

يعطيك العافية اخوي ,,
أشكرك على النصيحة ,, إن شاء الله ارفعها أكتر بإذن الله ,,

و انا استخرت و إن شاء الله ربنا يقدم الي فيه الخير و ييسر الأموور

يعطيك العافية ما قصرت .

[B.M.S]

انا نفس الشي اعرف انو شهادة الانتساب ماتنقبل في البعث ..

و لو حولتي انتظام حتقدري تدرسي باقي تخصصات إدارة الاعمال ..

وانا نصيحه اقولك حولي الشغل مصيرك مصيرك حتسيبيه عشان الابتعاث

فأحسن انك تلاقي فرصه كويسه و مضمونه عشان تنقبلي في البعث ..

و حتلاقي اكيد و ظيفه ثانيه توافق طلباتك و وقت الفاضي ..

[Rocker Willow]

المشاركة الأصلية كتبت بواسطة b.m.s انا نفس الشي اعرف انو شهادة الانتساب ماتنقبل في البعث .. و لو حولتي انتظام حتقدري تدرسي باقي تخصصات إدارة الاعمال .. وانا نصيحه اقولك حولي الشغل مصيرك مصيرك حتسيبيه عشان الابتعاث فأحسن انك تلاقي فرصه كويسه و مضمونه عشان تنقبلي في البعث .. و حتلاقي اكيد و ظيفه ثانيه توافق طلباتك و وقت الفاضي ..

الله يسعدك و يعطيكي العافية إن شاء الله

منتى عارفة قد إيش بتشجعوني والله ..
الله يوفق كل واحد فيكم و تدخلو الي نفسكم فيه آميين يارب

و أبغى نصايح كمان ,, عشان اتجشع كمان و كمان

يعطيكم العافية والله

[Dody.1]

بالتوفيق ان شاء الله ..
بس ارفعي معدلك عشان الابتعاث حتى انا ان شاء الله ناويه اكمل ماسجتير بالبعثه برا ..
وبحول ان شاء الله انتظام والله يسهلها يارب ..
يب اظن الابتعاث بس للانتظام مدري والله اذا الانتساب يقدرو ولالا ؟

[Rocker Willow]

المشاركة الأصلية كتبت بواسطة dody.1 بالتوفيق ان شاء الله .. بس ارفعي معدلك عشان الابتعاث حتى انا ان شاء الله ناويه اكمل ماسجتير بالبعثه برا .. وبحول ان شاء الله انتظام والله يسهلها يارب .. يب اظن الابتعاث بس للانتظام مدري والله اذا الانتساب يقدرو ولالا ؟

يعطيكي العافية اختي


على فكرة فتح الانتظام و ان شاء الله بقدم الطلب ,, و الي مكتوب ان شاء الله بيسير :)

[بنوته...]

بالنسبة لـ2011 قفلو لهم تخصصات
لا تزعلي دا مو لنا نحنا مفتوحه لنا فخايفه من ايش

قود لاك