مهنة الطب مهنة شريفة .. ولكن لا أقبل الزواج من طيبة أو ممرضة !

[زينه العبدالله]

مين اللي قالك انو الدراسة نفسها مختلطة ؟

ممكن تديني المصدر ؟

ومين الدكتورة اللي قالتلك البنت اول ماتدخل الطب تخرب ؟

ياريت تذكريلي اسمها ومجالها اما هنا أو برسالة خاصة .. فضلا لا أمرا عزيزتي =)

سؤال اخير عزيزتي .. في واحدة من صديقاتك او قريباتك أو جاراتك طبيبة أو طالبة في كلية الطب ؟[/quote]
يا حبيتي ماراح أجيب كلام من عندي
انا وحده من قرايبي دكتورة ..وقالت هالكلام
وصحبتي اخوها دكتور وقال نفس الكلام ..
والدكتوره هي مدرسة أحياء واسفه ما أقدر أذكر اسمها ..
وبعدين لا تنسي انا ما قلت كل البنات بيخربوا لما بيدخلوا طب !!

[كفو وجاد]

المشاركة الأصلية كتبت بواسطة ندو222 مين اللي قالك انو الدراسة نفسها مختلطة ؟ ممكن تديني المصدر ؟ ومين الدكتورة اللي قالتلك البنت اول ماتدخل الطب تخرب ؟ ياريت تذكريلي اسمها ومجالها اما هنا أو برسالة خاصة .. فضلا لا أمرا عزيزتي =) سؤال اخير عزيزتي .. في واحدة من صديقاتك او قريباتك أو جاراتك طبيبة أو طالبة في كلية الطب ؟

يا حبيتي ماراح أجيب كلام من عندي
انا وحده من قرايبي دكتورة ..وقالت هالكلام
وصحبتي اخوها دكتور وقال نفس الكلام ..
والدكتوره هي مدرسة أحياء واسفه ما أقدر أذكر اسمها ..
وبعدين لا تنسي انا ما قلت كل البنات بيخربوا لما بيدخلوا طب !![/quote]


الموضوع الدارسة فيها اختلاط صحيح واخوي اكد لي الموضوع

[soma al7elwa]

المشاركة الأصلية كتبت بواسطة ندو222 يا حبيتي ماراح أجيب كلام من عندي انا وحده من قرايبي دكتورة ..وقالت هالكلام وصحبتي اخوها دكتور وقال نفس الكلام .. والدكتوره هي مدرسة أحياء واسفه ما أقدر أذكر اسمها .. وبعدين لا تنسي انا ما قلت كل البنات بيخربوا لما بيدخلوا طب !!

أنا قلت انك بتجيبي كلام من عندك؟؟؟

انا سألتك عن مصدر كلامك وبس ..

بس حابة اصححلك معلومة .. الدراسة مافيها اختلاط بين الطلاب والطالبات في نفس الكلية .. الا في حالات شاذة واضطرارية بس .. أو في البرزنتيشن والمشاريع في السنوات الأخيرة عشان وقتها راح تستفيدي كتير من مجهودات زملائك وزميلاتك ..

وفي حالات انو اضطررتي وحضرتي محاضرة مختلطة .. ماراح يكون زميلك جالس جمبك ولا قدامك ولا حتى وراكي ..

حيكون الكلاس او قاعة المستشفى أو اي مكان انتو فيه مقسوم قسمين .. قسم طلاب وقسم طالبات ..

بالزبط زي أي محاضرة -خارجية- او أي مؤتمر تحضريه ويكون الحضور من الجنسين ..

دي نقطة ..

تاني نقطة : قريبتك الدكتورة أو اخو صديقتك ماحكوكي عن الدراسة وصعوبتها ؟

اقسملك بالله مافي وحدة تدخل طب وتنجح لو عالحااافة وتكون بنت "لعابة " وداخلة عشان "Dr." او عشان تجلس مع "زملائها الأطباء " وتضحك وتقرقر معاهم ..

مهما كان شكلها لعابة او ماهي وجه طب .. بمجرد انها دخلت الكلية واستمرت فهدا يعني انجاز جدا جدا كبير ..

ماشفتي كيف الضغط اللي عايشين فيه .. كل سبت اختبار .. مافي شي اسمها راحة فالويك اند .. وشيتات اكوام فوق بعضها .. دوام الين 3 - 5 العصر .. ازا يوم واحد مازاكرت فيه أو يومين تلاقيها اتجننت ..

ودا الكلام كمان مو من عندي .. روحي منتدى كلية الطب واسأليهم .. كيف الدراسة عندكم ؟؟ وشوفي ان كان كلامي صح أو لا ..

الدكتورة هي مدرسة أحياء في كلية التربية ولا في الجامعة كلية العلوم؟

سعودية أو لا؟

انتي قلتي انو مو كل بنت .. لكن دكتورتك الفاضلة قالتلكم "البنت من يوم ماتدخل الطب تخرب تبدأ تبين شعرها وشوية تحط مكياج وشويه شويه"

انا راح أحاول ادور واوصل للدكتورة دي .. لكن في حال ماقدرت اوصلها .. ياريت تقوليلها انو المستشفى ماهي شقة مفروشة مايقدر أحد يوصلها أو يشوف بنته ايش بتسوي هناك ..

المستشفى مكان عام .. ممكن فجأة تلاقي ابوها او امها تلاقي اخوها ولا اخواتها تلاقي زوجها تلاقي صحباتها ... والدكتورة عيون معارفها واقاربها عليها اكتر من غيرها

اذا هي اتربت على انو ماتحط مكياج ولا تبين شعرها ولا تضيق اللاب كوت وتلبس لبس محتشم واتعلمت دا الشي من نعومة اظفارها .. ماراح يغير دخولها الطب أو اي كلية تانية ولاشي ..

لأنها ممكن في أي لحظة تلاقي نفسها قدام اهلها اللي ربوها على دا الشي أو اي احد تاني ازا ماكانت خايفة من ربنا فالاساس !!