ارجو المساعده انهيت السنه التحضيريه وارغب في تخصص موارد بشريه ما رائيكم

[FLOOOWER]

اهلين يا اخواني واخواتي

كيفكم ان شالله بخير

اتمنى الكل يفيدني انا طالبه انتساب انهيت السنه التحضيريه


وحابه اسئلكم عن قسم موارد بشريه ايش رائيكم فيه ؟
هل يوجد به انجليزي كثير ؟

انا منتسبه واحب الفهم اكثر من الحفض الانجليزي ماده صعبه بنسبه لي وضعيفه فيها



انصحوني تتوقعون انجح وامشي فيها ولا لا

يا اهل الخبره افيدوني وايش موادكم وتتكلم عن ايش فهم ولا حفظ

[ضحايا الصمت]

شوفي اختي ...

بالنسبة للمواد الانقليزي فباقيلك مادتين فقط لاغير ... واحده الي هيا ادارة اعمال باللغة الانقليزية والثانية بتكون حسب تخصصك يا ادارة موارد بشرية باللغة الانقليزية او تسويق بالانقليزي او ادارة عمليات بالانقليزي .....

اما بالنسبة للتخصص فانا رغم ان تخصصي ادراة اعمال دوليبة الا اني اشيد وبقووووة بالتسويق ولذلك لطلبه الواسع في سوق العمل ... عدد كبير من موظفي الشركات والبنوك تخصصهم تسويق .... واتذكر قبل سنتين لما جات شركة زين كانو حاطين اعلانات في الجامعه يبغو احد تخصص تسويق .. تخيلي انهم صارو يدورو في الجامعه مو ينتظرو الناس تجيهم


اما موارد بشرية فهو حلو .. ولكن ياااااااااااااااااكثر العالم الي معاها موارد بشرية

غير كيدا انا اتذكر مرة شفت في موقع الجامعه صفحة تتكلم عن المسارات وايش المجالات الي فيها وايش المواد الي حتدرسها وزي كيدا



حاولي انك تقلبي في موقع الجامعه يمكن تحصليها ...



بالتوفيق يارب

[FLOOOWER]

يعطيك العافيه اخوي ضحايه الصمت مره مشكوره الله يعطيك العافيه

[ضحايا الصمت]

يعافيك ربي وبالتوفيق يارب

[سـ ـ ـ ـاب]

هلا فيك اختي الكريمه


أنا بعطيك نبذه مبسطه عن كل مسار


أرجو انك تاخذين في الحسبان رغبتك وميولك الشخصي بعد دراسه وأخذ آراء الناس
لانو هالشي مهم جدا في مشوار دراستك ويسهل من صعوبة المواد
انا بشرح لك اللي اعرفه عن هالمسارات ولكن هذا رأيي الشخصي وممكن ما يكون صح او مناسب لك


1/ مسار التسويق

تخصص التسويق أنا كرهته بسبب مجال عملي
تخصص يعتمد بالدرجه الاولى على الحفظ ثم الحفظ ثم الحفظ ولازم يكون عندك ميول له
الخلاصه : غير مرغوب



2/ مسار المالية والإستثمار

مسار رائع ومستقبله زاهر ولكن يحتاج لجهد كبير وصعب شوي
بصراحه كان هو هدفي قبل الموارد البشريه ولكن بسبب اني منتسب ما اقدر امشي معاه
الخلاصه : انصحك فيه وبقوه مع مراعاة الميول


3/ مسار إدارة الموارد البشرية

تخصصي لازم امدحه
بصراحه تخصص رائع وممتع وسهل جدا ً .. يعتمد على الحفظ .. مستقبله مضمون خصوصا انو ما يقتصر على قطاعات معينه ، فالموارد البشريه موجوده في كل مكان
و بالنسبه لمواد الانقلش هي مادتين فقط .. و سهله جدا ,, فيه ملخص لهاني عرب ممتاااااز و سهل
الخلاصه : طبعا ً أنصحك فيه واذا احتجتي تفصيل اكثر عنه انا حاضر



4/ مسار نظم المعلومات الإدارية

بصراحه انا اخذت فيه مدخل فقط ولكن يعتبر تخصص رائع بس مو سهل أبدا ً
مستقبله ممتاز ويحتاج تركيز شوي
الخلاصه : اوصي عليه ولكن بتحفظ


5/ مسار إدارة الأعمال الدولية

بصراحه ما اعرف اي معلومه عن هذا المسار


6/ مسار إدارة العمليات والجودة

أخذت برضو ماده ادارة العمليات وكانت صعبه بصراحه
ممكن لانو انا منتسب وما حضرت محاضرات لكن بصراحه مره تخصص صعب وبالنسبه لك غير مناسب لانو فرص عملك في الصناعه تكاد ان تكون متسحيله
الخلاصه : لا انصح أبدا



و هذا رابط موضوع نزله اخونا الهتان .. شرح للمسار بالكامل .. مجهود مميز
http://www.skaau.com/vb/showthread.php?t=188501


أتمنى اكون وفقت اني اوضح لك اللي افهمه وإن شاء الله البقيه ماراح يقصرون
بس لاتنسين تحكمين ميولك قبل اتخاذ القرار