البنات\اللي ملخبطه بجدول الاختبار تتفضل

[خواطر برواز مكسور]

مرحبا
أنا رحت اليوم الجامعه عشان أشوف اش هرجة الجدول اللي طلعوا عيونا فيه
وقلت لهم مو فاهمه منو شي
رحت العماده ولاحياة لمن تنادي
رحت كلية ادارة اعمال ومن غرفه للتانيه مشاوير على كييييييف كيفكم
لين طبيت بالمسئوله في غرفة الانتساب وقلت لها مو عارفه اطلع موادي صراحه
مدري اش فيها طارت عيونها مستغربه
تقول ليش كلكم مافهمتوه مافي صعوبه<<<<مدري اش تحس
الزبده مابطول عليكم>>>كان من اول
لقيت الجداول معلقينها بلوحة الاعلان حق الاختبار وبالتفصيل والساعه والتاريخ لا والشعب واماكن الاختبار كمان
يعني خدوا جدولكم وقلم ولايردكم الا باب الجامعه

[سمو الاميره]

يعني اماكن الاختبار نزلت..
الله يوفقك ردي علي..

[فـــــرح]

صحيح ليه مو حاطين مكان الاختبار او المبني يعني لازم ندور عليهم وحده وحده وربي عذاااااااااااااااب هالجامعة
يعني حجوزات الرحلات عذاااب الواحد يلقى له مقعد عشان يلحق على الاختبار واول مايوصل بدل مايراجع له كلمتين لا يفضل يدور على المبنى ويتأكد من الجدول العله اللي حاطينه
حسبنا الله ونعم الوكيل ياجامعتنا الموقرة

[يآرب مآخآب من ترجآك]

غريبه معقوله نزلت بالجامه ومانزلت بالموقع =/

طيب انتساب يعني الاغلب برااا جده كيف نستفيد كذا؟:s

[خواطر برواز مكسور]

المشاركة الأصلية كتبت بواسطة سمو الاميره يعني اماكن الاختبار نزلت.. الله يوفقك ردي علي..

والله ياغاليه بالنت انا شيكت عليها دوبي مانزلت
لكن بالجامعه معلقين الجداول كااااااااااااامله

ويوفقك يارب

[خواطر برواز مكسور]

المشاركة الأصلية كتبت بواسطة يآرب مآخآب من ترجآك غريبه معقوله نزلت بالجامه ومانزلت بالموقع =/ طيب انتساب يعني الاغلب برااا جده كيف نستفيد كذا؟:s

عزيزتي
والله بالجامعه نزلت انا بنفسي شفتها ماحد قالي ونزلت كاملة بقاعات الاختبار حتى
اما الموقع ينزلو بعد طلعة الروح وماتفهمي شي
ادا حابه أشوف لك جدولك
أرسليه لي بالتفصيل وانا ان شاء الله طالعه الثلاثاء أجيبه لك
بما انك برا جده
والله يوفقنا

[سمو الاميره]

طيب تقدري تجيبي لي انا كمان واكون شاكره لك..
لاني مقدر اروح الجامعه..

[خواطر برواز مكسور]

المشاركة الأصلية كتبت بواسطة فـــــرح صحيح ليه مو حاطين مكان الاختبار او المبني يعني لازم ندور عليهم وحده وحده وربي عذاااااااااااااااب هالجامعة يعني حجوزات الرحلات عذاااب الواحد يلقى له مقعد عشان يلحق على الاختبار واول مايوصل بدل مايراجع له كلمتين لا يفضل يدور على المبنى ويتأكد من الجدول العله اللي حاطينه حسبنا الله ونعم الوكيل ياجامعتنا الموقرة

فرح
غاليتي دعي من اسمك نصيب لك
الاماكن ان شاء الله تنزل ع الاسبوع الجاي لاتشيلي هم
ووكلي ربنا
ربنا يوفقك

[خواطر برواز مكسور]

المشاركة الأصلية كتبت بواسطة سمو الاميره طيب تقدري تجيبي لي انا كمان واكون شاكره لك.. لاني مقدر اروح الجامعه..

ابشري بس اعطيني جدولك واتأكدي منه حتى مواعيد المحاضرات والشعب وكل شي
وان شاء الله أجيبه

[سمو الاميره]

الله يوفقك دنيا واخره...

وهذا جدولي...
قانون اداري ==>شعبه bd==>الساعه 7,10الى 8,30 ==>سبت واثنين وربوع
ثقافه اسلاميه==>شعبه bb ==>الساعه 5,10الى 6,50==>احد وثلاثاء
اخلاقيات عمل==>شعبهbd==> الساعه 5,50الى7,00==>سبت واثنين وربوع
نظريه التنظيم==>شعبهbb==>الساعه 7,10الى الساعه 9,10==>احد وثلاثاء
ادارة الخدمه المدنيه ==>شعبهbc==>الساعه 4,10الى 5,10==>سبت واثنين وربوع