احسن دكتوره للبحث والتدريب .. اعطوني آرائكم

[روتانا احمد]

مااعرف نظام البنك الاهلي كذا

[أحبني أموت فيني]

يابناااااااااااااااااااات

روحوا المبنى الثاني غرفة الشؤن اللي دايم يكون فيها حذف وإضافة
هناك عندهم ورقة فيها أرقام الشركات
اطلبوا منهم تقريباً اربع صفحات ملياااااااانة أسماء وارقام شركات


الله يوفق الجميع

[إيـمآأنْ خـآلـدْ]

,’

يابنآت
اول حآجه اسألو الاستآزآ
توافق ع البنك او الشركة او اش ماكان ..!
فيه استآزآت يوافقوا وفيه استازات لآ
يعني ياروتآنآ روحي لاستآزتك واسأليهآ بنفسك احسن
ازا وافقت عالبنوك روحي واسألي وفهميهم على وضعك
واحنا بس نبغى نتدرب60 ساعه وكدآ اسبوعين حتى او تلاتة واضغطي نفسك حتخلصيهآ بسرعه
وياريت مانعمم دآ سئ ودا كويس .....!
كلو يبآن لمن تجربي بنفسـك
وان شاء الله سهآلة ..لاتعقدوهآ ..وادعو ربكم ..!

[روتانا احمد]

مشكووورة ياايمان بس هيا الدكتورة قالتلي بنك او شركة اومدرسة قالتلي اهم شي يكون فيه متعدد الجنسية والله مرة محتااااااارة ودحين وحدة صاحبتي تقول انو اغلب بنات الدولية يدربو في الغرفة التجارية يقولو في دولية هناك

[روتانا احمد]

ايمااان لو عندك اماكن تقترحيها علينا انا عن جد ضايعة مرررررررررررررررررررررررة ومو عارفة حتى الشركات مايقبلو مني عارفة ايش اعمل

[إيـمآأنْ خـآلـدْ]

,’


روتآنآ

الغرفة التجآرية صحبتي سألت وقالتلهآ فل
بس روحي انتي وجربي واتأكدي ..!
او اتصلي قبل لآتروحي
في معهد [ موآهب ] سمعت انهم يدربوآ
اتصلي عالسنترآل وخدي رقمهم ..!
فيه زي مآقالتلك [ احبني اموت فيني ]
في الشؤؤن شفت بنآت شايلين اوراق فيها ارقام شركآت ومعآهد
اتصلي واسألي وشوفي
لاتوهي نفسك وتقولي انآ ضايعه
دوري و اجري عالشي اللي تبغيه
في دي اليومين مافي شي يجي حدك بالسآهل
حآولي وربي يسهلك بكرآ مكآن ينآسبك
موفقة بإذن اللًه

[غدا نلتقي]

انا أقترح عليكم المدارس العالمية
الدكتورة عندنا قبلت فيها
يعني انتو حاولوا تشوفوا أحد تعرفوه ويساعدكم

كمان حابة أقولكم شي
الوحدة منكم حسب تخصصها تحاول تقعد مع نفسها تفكر شوية ايش ممكن يكون موضوعها
ولمن تروح المكان تحاول تربط الموضوع مع المكان
لأن أحيانا تروحي بس ما تعرفي ايش تبغي

مثلا:
انا تخصصي موارد بشرية
وكان المطلوب أن نكتب في مشكلة أو ميزة في الموارد البشرية

فأناكنت أفكر ايش المشاكل اللي ممكن أكتب عنها أو المميزات
وحددت كذا شي في بالي
رحت المدرسة اللي تدربت فيها
ما وجدت شي
لكن لمن حددت الموضوع في بالي
رتبت نفسي اني أبحث عن أثره داخل المدرسة وهل هو مشكلة أم ميزة
ولمن رحت للدكتورة كلمتها عنه كأني شفته واستنتجته


أتمنى تكونوا فهمتوا مني
لأني ماأدخل النت إلا للفائدة فما أعرف أكتب كثير وبسرعة
وأفضل التلفون

وإذا انتو حابين ممكن كل وحدة تقول
عن ايش حتكتب ونفكر معاها ونساعدها

إذا احتجتوا شي ارسلو على الخاص لأني أحيانا ما أرجع للموضوع

[روتانا احمد]

الله يسعدك غدا نلتقي بس انا موحاطة اي شي في بالي وموعارفة حاتكلم عن ايش مو فاهمة اي شي ادعولي يابنات بليززز اعطوني ارائكم انا ادارة اعمال دولية ايش في مواضيع ممكن اتكلم عليها تكون موضوع مشروعي بليززز ساعدوني .. وايش المشاكل اللي ممكن الاقيها في البنك ؟؟ لانو احتمال كبير ادرب في بنك

[رورو الدلوعه]

السلام عليكم

يابنات الله يسعدكم اللي تعرف شي عن دكتورة شذى عزي أو تعرف وحده أخذت معاها تقولي كيف طريقتها في البحث

والتدريب أنا نازلتلي معاها ومرررررررررره خايفه

أنتظر دركم
وبالتوفيق لي وللجميع

[ام دنيا]

المشاركة الأصلية كتبت بواسطة رورو الدلوعه السلام عليكم يابنات الله يسعدكم اللي تعرف شي عن دكتورة شذى عزي أو تعرف وحده أخذت معاها تقولي كيف طريقتها في البحث والتدريب أنا نازلتلي معاها ومرررررررررره خايفه أنتظر دركم وبالتوفيق لي وللجميع

ان شاء الله البنات يفيدوكي بس حبيت اسأل اسماء الاستاذات مانزلت كيف عرفتي انك مع شذى ؟؟؟