عندك استفسار عن ادارة اعمال ( موارد بشرية ) تفضل اسأل

[دايم العز]

مساكم الله بالخير جميعاً

حبايب قلبي .. بما اني على وشك تخرج في هذا الفصل بإذن الله تخصص موارد بشريه ..
وايضا بما اني حصلت الكثير والكثير من أعضاء وعضوات هذا المنتدى واللي ساعدني على الوصول لهذا المستوى بعد فضل من الله سبحانه وتعالى علي .. علي ان اشكرهم جميعا .. سواء من ارسلته رساله خاصه أو رديت عليه بموضوعه أو حتى فقط قرأت موضوعه واستفدت منه ودعيت له بظهر الغيب .. الشكر موصول لكم جميعا ..

عاد جاء دوري اقول لأخواني اي احد يبي يستفسر ويسال عن أي ماده من مواد تخصص الموارد البشريه ابد لايستحي ولا يرده إلا اصابعه بس ..

نحن هنا لخدمتكم ... وتقبلوا فائق احترامي وتقديري

[طيوبة]

الله يسعدك دايم العز
أبي أسـال وين تنصحني أروح أتدرب لآن قالو لي أنتي أختاري مكان يكون له علاقه بتخصصكـ
الله يوفقكـ في الدنيا والاخره

[دايم العز]

المشاركة الأصلية كتبت بواسطة طيوبة الله يسعدك دايم العز أبي أسـال وين تنصحني أروح أتدرب لآن قالو لي أنتي أختاري مكان يكون له علاقه بتخصصكـ الله يوفقكـ في الدنيا والاخره

هلا والله اختي طيوبه .. اسمعي لا تطلعين على اسمك وقت التدريب وتروحين لأي شئ يحطونك فيه

خلك عنيده ماعليك منهم ... كووويس انهم خيرووك ..

انصحك يا بنك أو مستشفى <<< الاستفاده لك تكون كبيره .. وتأكدي العمل غير الدراسه يعني هاللي درستيه كله ما ابالغ لو قلت شئ قليل تستفيدين منه .. فركزي على التدريب لانه هو الفائده الكبرى بصراحه بالدراسه وبتذكرين كلامي بإذن الله .. واذا حصلك بشركات كبيره فيها اقسام نسائيه كويس مثل الاتصالات او موبايلي

انتبهي من اي شئ حكومي العمل فيه ميت وبيتوقف طموحك عند هذا الحد بصراحه

تقبلي فائق تحياتي وتقديري

[نايف الجعيد]

الله يعطيك العافية على المبادرة الطيبة منك عزيزي دايم العز انا في المستوى الرابع

مارايك في هذه المواد ادارة الموارد البشرية والسلوك الانساني وادارة اعمال بالانجليزي

ونظم المعلومات ممكن توضح انطباعك عن هذه المواد وكيفية الاسئلة التي مرت عليك

وهل لابد من اضافة هذه المواد عند الدكاترة ولا تنزل تلقائياً عند كل دكتور مختص بالمادة

تمنياتي لك بالتوفيق والنجاح

[wolf of najd]

مبروك التخرج و الله يوفقك يا دايم العز وانا عندي سؤال بسيط بالنسبة للبحث والتدريب لطلاب الانتساب كيف ؟؟ يعني حنا انتسبنا عشان ما عندنا وقت للانتظام بحكم اعمالنا فكيف باتدرب في شركه او جهه حكوميه ؟؟؟

[دايم العز]

المشاركة الأصلية كتبت بواسطة نايف الجعيد الله يعطيك العافية على المبادرة الطيبة منك عزيزي دايم العز انا في المستوى الرابع مارايك في هذه المواد ادارة الموارد البشرية والسلوك الانساني وادارة اعمال بالانجليزي ونظم المعلومات ممكن توضح انطباعك عن هذه المواد وكيفية الاسئلة التي مرت عليك وهل لابد من اضافة هذه المواد عند الدكاترة ولا تنزل تلقائياً عند كل دكتور مختص بالمادة تمنياتي لك بالتوفيق والنجاح

- ادارة الموارد البشريه <<<< لاتشييل همها مافيها اي صعوبه تذكر واذا انت موظف بتفهمها بسرعه بعد .. بس لاتستهل اي مادة خذها مني نصيحه .. فيها حقها

- السلوك الانساني <<< مااااده ممتعه في مذاكرتها

- ادارة اعمال بالانجليزي << اللي يشوف اسم هالماده ولغته ضعيفه وده يأجل فيها لين يخترج لكن خلك مثلي شجاع خخخخخخ ونزلها وتوكل على الله .. ترى لغتي الله بالخير للعلم يعني .. والحمدلله ذاكرت ملخلص اظن هاني عرب يمكن 14 صفحه اظن بس وتوفقت وكانت الاسئله سهله مرررره اسهل من ما تتصور .. وكانت خيارات وركزت على رؤوس العنوانين تقريبا وفيه مثلث هرمي نظرية ماسالو << اظن كذا اسمه المهم انه شكل هرمي جت عليه اسئله كثيره شوي

- نظم المعلومات << كتابها يروع 500 صفحه اذا ماخانتني الذاكره بس لايهمك ذاكر من المذكرة حقت هاني عرب اذا ماتغير شئ بالمنهج الكتاب غثيث تذاكر وتذاكر وتظل تذاكر وحتتعب وانت تذاكر وماخلصت شئ الملخص كوويس ماعليك ان شاء الله .. بس الماده دسمه بصراحه ركز عليها بقوه

( عادة كل ماده لها دكتور واحد فقط .. وبالفصل الثاني احتمال يتغير واحتمال لا .. فانت لا تجلس تأجل نزلها وتوكل على الله وشد حيلك ) وبتجيك ماده فيما بعد ادارة موارد بشريه بالانجليزي ان الله احياك نزلها فقط عند الدكتور نائل المومني << لا تنساه لا تاخذها إلا عنده فقط عشان تجيب فل مارك

وتقبل تحياتي وكثرة كلامي

[دايم العز]

المشاركة الأصلية كتبت بواسطة wolf of najd مبروك التخرج و الله يوفقك يا دايم العز وانا عندي سؤال بسيط بالنسبة للبحث والتدريب لطلاب الانتساب كيف ؟؟ يعني حنا انتسبنا عشان ما عندنا وقت للانتظام بحكم اعمالنا فكيف باتدرب في شركه او جهه حكوميه ؟؟؟

اول شئ اخوي مابعد تخرجت شكلك تقراء بسرعه خخخخخخخخخخخخ

ترى ماتنفع هالقراءه بالمذاكره لازم تشوف الماده وش فيها مهوب تاخذ نص الكلام بس ...

لكن ان شاء الله على وشك تخرج ..

بالنسبة للبحث انا باخذها الترم الجاي بإذن الله وسألت عنها كثير .. اظن اغلب الدكاتره ماعندهم تدريب
بحث فقط تجي اول الترم وتقابل الدكتور ويعطيك الموضوع وتسلمه له قبل الاختبارات باسبوعين فقط
وبدون تدريب ...

وبالتوفيق ان شاء الله

[دايم العز]

الرفع للفائدة

[سوسا]

اووووووووه لا على كدا بسالك لحدت ما تطفش

بس حاليا انا ما عندي استفسارات بالتوفيق

[ALMGTREB]

دايم العز شكرا على البادره الطيبه منك..

استفسارى اخى الحبيب عن مواد الاختيار او المواد الحرهـ أنا مستوى رابع ع حسب الخطه مطلوبه معنا من المسوى

الخامس ,فمن واقع خبرتك أقدر انزلهن سوى او احداهن بالمستوى الرابع مع كيفيت انزالهن بشكل عام لجميع المستويات

هذا واتمنى لك التوفيق والنجاح...