قريبا تلفون أبو هندل!!

[NeMo]

ياعيني عليكي يادي اس ال شامل بالفعل شامل لكل قرف وفقعان ونحلان قلوب
الله يشملنا بعفوه وبس

ثانكس يوه

[miss chocolate]

برضو هندل

[أحمد المبدع]

والله اني مقهووووووور من دي الشركة قهررررر


وكارها كره ماقدني كرهت احد زي دا الكره قبل كدا ولا اتوقع اكره احد زي الكره دا



طلبت منهم تركيب آفاق شامل 256 على خط التلفون تبع البيت قاموا فصلوا الحرارة عن الخط بالكامل

اقوم اتصل عليهم اكيد بعد اللطعه نص ساعه يرد عليا اقله انا عندي ثلاث مشاكل يقوم يقفل في وجهي

انا صرت كذا >>>>>

اتصل عليهم تاني وانتظر تاني ويرد عليا واحد تاني قلت له عندي ثلاث مشاكل وشكوى اخذ اول مشكلة وقلي حنرسل فني خلال اربعه وعشرين ساعه قلت له باقي مشكلتين قلي احولك للأخوان في مشاكل الـ Dsl وقفل


والله شي يطلع الضغط

لو تشوفهم لمن رحت لهم الاتصالات اشترك الان وبكرة الـ Dsl يكون راكب عندك
الان مر اسبوع وهم كذب في كذب

[stan]

يا رجال جلست ثلاثه ايام احاول اكلمهم عشان احاول اغير سرعة dsl محد يرد!!!!!
و اقل مكالمه مدتها من 12-15 دقيقة إيش الكواليتي المضروب دا ؟؟؟
هذي الآثار السلبية للإحتكار

[الراقي]

نفس المعاناة


مشكلة الإتصالات أنها تعتقد أنها حكومية ولم تستوعب بعد كونها شركة .....وشركة الناس مجبورة على التعامل معها ...


الإتصالات السعودية ...عبر ...عبر عن المعاناة ..

الاتصالات السعودية ....معاك ...معاك بقوووة

[stan]

المشاركة الأصلية كتبت بواسطة همس الغلا وهذه ثالث مرره ينقفل الخط بوجهي من موظفين الاتصالات المتخلفين

طيب عشان لا يتقفل في وجهكم مره ثانيه اول ما يرد الموظف خذوا اسمه و اسم ابوه

و اذا قاله و ما سمعتوا اسمه إيش بالضبط عشانوه قالوه بسرعه<<<<حركه يسووها بالعاني

ارجعوا تاني اسالوه عن اسمه الثنائي

بعد كدا قولوا يا فلان اذا ما خدمتني او قفلت في وجهي ترا حكون مضطر بكل أسف اني اشتكيك لمديرك

انا كدا مرا اتصل و تقفلوا الخط في وجهي انا ما ابغى أؤذيك في عملك و لا بيني و بينك شي بس حللي مشكلتي لو سمحت <<<قولوها بالأدب مو كأنكم داخلين غشنه يمكن يكون دا الموظف اصلا كان بيخدمكم

وقتها يعرف كيف يخدمكم مزبوووووووط

بس و الله في عندهم كم موظف ممتاز صراحه

[سوسا]

يا سلام على كونكت

[نضال]

اقولكم .. من تجربه .. اذا ما سلختهم و اعطيتهم الحار والله ما حد يعطيك وجه ..

طلبت منهم دي اس ال .. بعدها بسته شهور كلموني و قالوا مبروك .. جالك DSL

قلتلهم لا شكرا .. انا عندي y-max

قالي طيب ..

بعدها باسبوع .. عينكم ما تشوف الا النور

DSL ركب و انا رافض

و شوفوه لين دحين شغال بس اللي يعبره .. مخليه لوقت الحاجه

[سلاتونة]

الى ماعنده واسطه في الاتصالات مش راح يمشي حاله

[نضال]

و اللي عنده واسطة برضو مو ماشي حاله ..

انا قلك عميل تميز في شركة الاتصالات .. و ماكل هوا ..


الان جاني عرض من موبايلي انقل رقمي و معاه جهاز بلاك بيري و دنيا مقلوبه .. و ناوي انقل