السعودي وظل المرأة

[soma al7elwa]

المشاركة الأصلية كتبت بواسطة واقعية نقل جميل خيتي سوما وبصراحة المرأة مهي محتاجة الا الفرصة عندنا ولا الغالبية عندهم طموح بس للاسف فين الفرص وتحطيم من بعض الاهالي بس اللي تكون مصرة على هدف وتبي تحققه صدقيني بتحققهة لو حطته في بالها والغرب مو قدوة نقتدي فيهم بس اللي يقهر انو كيف احوالهم وكيف احوالنا نحن نوقف على توافه الامور للاسف لو ناخد من الغرب المفيد كان والله نحن بخير بس للاسف مانقلدهم الا بالاشياء السلبية الله المستعان تحياتي لك ياعسل ,,,

إنتي الأجمل واقعيه

صح اللي في بالها هدف حتحققه لو حطته فبالها

بس في فرق بين لما تكون تواجه صعوبات بالغى وتلاقي أحد بجانبها

ولما تواجه الصعوبات لوحدها

برأيي الشخصي ما عاد في شي اسمو تقليد للغرب ولا تقليد للشرق

احنا كلنا موجودين عالأرض لتعميرها

مو عشان نفرق بيننا

اذا انتي شايفة شي عاجبك عندهم وما بيعارض مبادئك خديه

سواء كان في امريكا أو فرنسا او اليابان او الصين او روسيا او باكستان

وزي ما ذكرتي نقطة مهمة كل همنا "النصف الفارغ"

ونجلس نتتبع فين التقصير

مو نجلس نشوف ايش اللي عمله علميا

لا نجلس نشوف ايش جنسيته وايش اصله وكيف شخصه وايش بيعمل وكيف عايش و و و

ننتقد ونتتبع عيوب "شخصه" مو علمه

شرفني مرورك :)