@@الفــــــــــــرق بين جده والرياض@ليش العنصريه؟؟؟

[star88]

المشاركة الأصلية كتبت بواسطة ابو جواد اريد معرفة شيئا واحدا فقط ... ما الهدف من الموضوع ؟ او .. ماذا سنجني من فوائد بالنهاية ؟ اجيبوني بصراحة .. والله يعلم سبب مشاركتي بهذا الموضوع .. ولكن الخوف من اثاره مستقبلا .. ,,, ولكم مني اطيب التمنيات ،،،

انا مع اخي ابو جواد بكل ما قاله

لماذا فتح مثل هذه المواضيع اللي ما لها داعي ، يعني ما بقي شي نسولف به.

هل تعلمون ان هناك الكثير من الناس لا يعلمون بهذه الامور ، ويمكن لو اطلع على مثل هذه المواضيع تدخل هالسالفه بمخه ويطلع عنصري

ولنفرض جدلاً ان الموضوع ،، واضح بشكل كبير ليه احنا نثيره زياده

بيقولي واحد الحين عشان نحل المشكله،، زين كلامك على العين والراس وجزاك الله خير وجعله في ميزان حسناتك.

طيب ما فكرت انه بيجيك رد يمكن يقلب الموضوع فوق تحت (( وبعض الردود شاهده على ذلك وبها بعض الغلضه في الرد )) ،، لانك يا عزيزي تتخاطب مع ناس لا تعرفهم ومكان لا يمكن السيطره عليه.

ولنفرض ايضاً انك بمكان مثلاً منزلك وعازم حجازيين ونجديين ،، طيب الا تعتقد ان بفتح هذا الموضوع يمكن يؤجج كره قديم او موقف مؤلم كاد ان يختفي لاي من الطرفين.

المشاركة الأصلية كتبت بواسطة همس الغلا ابو جواد اختلف معك لان الموضوع يستاهل أكثر من كذا لما تجي دكتوره مصريه تتكلم عن قولبة المجتمع داخل نطاق معين وبحكم انها كانت تدرس في الرياض تجي تقولك: ( زي عندكم بالسعوديه أهل جده و أهل الرياض كل واحد فيكم بيحط الاخر في قالب معين بنات الرياض بيقولوا عن بنات جده ........ وبنات جده بيقولوا عن بنات الرياض ...... ) لما توصلنا فضايحنا للملأ اذن الموضوع يستاهل أكثر / / صراحه الموضوع فيه كلام كثييييير بس لاني عارفه انه بيتحول لحلبة مصارعه بعدين نكتفي بالسكوت

تدرين يا همس ، مره كنت بدولة عربيه دخلت محل قالي راعي المحل انت سعودي ولا كويتي ، ( قلت انا كويتي من باب المزح ) وتفاجات انه قام يسب بالسعوديين سب وان السعوديين يكرهونكم ومن هالكلام ،، وشكل هذا ديدنهم اذا درى انك سعودي سب بالكويتين واذا كويتي سب بالسعوديين.

هناك ناس حاقده على السعوديين ويتمنون الفرقه بيننا، ويدسون السم بالعسل ، فلا نكن عوناً لهم ونحن لا نشعر.

انا لو يجيني واحد يقول لي اهل جده ولا الحجاز ولا الجنوب ولا الشمال ولا الشرق ما يحبونكم ، بقوله اقطع واخس ، هذولي تاج فوق راسك وراسي ، لو حتى شفت منهم شر.

وما راح انتظر من مناطق المملكه الاخرى يحبوني عشان احبهم واحطهم فوق راسي ، امتثالاً لكلام الله وسنة نبيه صلى الله عليه وسلم.

بعض الناس يقولون لازم نكشف الموضوع عشان نحله ، وهو ما يدري انه فيه ناس متربين وصغيرين ما يدرون عن هالسوالف ، لو يقرا او يشوف مثل هالمواضيع تركب الفكره راسه، وهو كان ماله في الطين والعجين.

واحد من الشباب يوم كان بالمتوسط ، عندهم مدرس ينصحهم ما يفعلون شي ما راح اذكر اسمه، ويقول انا ما اعرف وشو هالشي ، ورحت اسال العالم عنه وبعد ما عرفته صرت اسوي هالشي.

انقلبت النصيحه الى تعريف وفتح باب كان مسكر.

الرسول صلى الله عليه وسلم يقول:(اذا بليتم فاستترو او كما قال).



والله عندي كلام كثير بقوله لكن ما عاد اقدر وراي دوام.



تصبحون على محبه،،،،،،،،،