هنا مناقشة حلقات خواطر 5 ..

[جيجي_جده]

حلقة اليوم خطيررررررررررة وتوجع القلب ,,,

وفيها دق قوووووي خاصة لما اتكلم عن الهيئة ,,

بس وررررررربي معاه حق ,, عندنا عدم احترام للوقت بشكل فظيـــــــــــــــــــــــــــــع ,,

ما اقول غير الله المستعان بس ,,,

[never hide]

المشاركة الأصلية كتبت بواسطة جيجي_جده حلقة اليوم خطيررررررررررة وتوجع القلب ,,, وفيها دق قوووووي خاصة لما اتكلم عن الهيئة ,, بس وررررررربي معاه حق ,, عندنا عدم احترام للوقت بشكل فظيـــــــــــــــــــــــــــــع ,, ما اقول غير الله المستعان بس ,,,

بس صراحة حسيت الدقة مالها داعي و ما عجبتني طريقة كلامو ابدا <<< هذا رأيي على طريقة كلامو مو على الكلام نفسو

بصراحة أنا اشوف انو لو يكتفي بعرض حياة اليابان كثقافة بس و يترك المقارنة للمشاهدين لانو ما في مجال للمقارنة اصلا صراحة احسو خربها بالمقارنات و الموضوع صار كأنو للاستهزاء انو يقارن بين ثقافتين متناقضين دون الاخذ بالاعتبار كل الفروق بصراحة مقارنة غير عادلة و يمكن تحطم اكثر من انها تحمس

طيب هما باصهم يجي في وقتو عشان الطرق مخططة تمام و باصنا اتاخر عشرين دقيقة عشان الطرق ملخبطة و زحمة ( سواق الباص ما اتأخر عشان كان قاعد يلفلف بالباص و يقضي مصاالحو الشخصية )

أنا مو مع التساهل و الاستهتار بالمواعيد و لا ادافع عن ظواهر سلبية في مجتمعنا لكن مقارنة
اسوأ ما عندنا .... بأحسن ما عندهم مقارنة غير عادلة( طيب كلنا بشر و كل حضارة لها مساوئ و عيوب و احد اهم عيوب الكونفوشوسية انهم لا يؤمنو بوجود اله و يعبدو الطبيعة <<< اهو لهم عيوب زي اي ناس تانين

طيب حتى احنا عندنا حاجات حاجات حلوه منها الانتظام في وقت الصلاه مره فيه واحد اجنبي يقول يدهشني انتظام المسلمين وقت الصلاه بمجرد ما يقول الامام سوو صفوفكم و اعتدلو

انا من وجهة نظري انو لو عرض ثقافة اليابان بدون الاشاره الى سلبيات الكوكب الآخر على قولتو كان راح يطلع البرنامج احلى و يحقق هدفو المطلوب

في الاخير احيي جهده حتى لو كان لي وجهة نظر أخرى فاختلاف الرأي لا يفسد للود قضية

دمتم باحترام