اليوم رحت الجامعه ياحبايبي وجبت لكم الاخبار الاكيده

[أبو شايق]

السلام عليكم ورحمة الله وبركاته.
انا قدمت على الانتساب من بداية شهر ثمانيه متحمس لدراسه المهم ارسلت الاوارق لهم واستلموها والله ويسحبون علي من بداية شهر ثمانيه حتى اليوم والله وعصب وروح لهم اليوم وهاتك تمغيط بين المكاتب نقصت نص كيلو وانا ادور بين المكاتب المهم قلت مايجيب العلم الا العميد الموقر والله واروح له واحصل مدير مكتبه واشرح له قضيتي قال انت اكيد شهادتك تجاوزت عشر سنوات قلت صح.
قال امس اجتمعنا مع العميد من شان المطوفه شهاداتهم وقال سعادة العميد اقبلو جميع من تقدم سوا مطوفه ولا لا.
المهم الرجال طمني قال خلال هالاسبوع تجيك رساله بالقبول والسداد قلت خير ان شاءالله.
المهم وقبل صلاة العشاء بالضبط جتني رسالة بالقبول ولله الحمد والمنه..

هذه سالفتي مع الجامعه حبيت اطمن الاخوان الي ينتضرون قبولهم ..
والسلام عليكم.