زوجي مانام فـ البيت ياليت احد يساعدني..؟؟

[Fatema Alshareef]

المشاركة الأصلية كتبت بواسطة سكون الورد k.a.u هلااااا بك قلبووو ، تآمرين أمر بقولك القصه .. بس ابي نفسرها انا وانت ِ تفسير نفسي ونوصل لتحليل يبين لنا ايش السبب .. ^_^ ، وعاد ابي احاول اختصر ، بس اتحمليني ^_^ نبدأ .. تعرفت على وحده وحنا بثالث ابتدائي .. وكانت معاي بالفصل ، وكنا كل يوم نروح ونجي مع بعض للمدرسه ، وبعد مانرجع للبيت وانحل واجباتنا ونتغدى ، مايأذن العصر ويخلصون صلاة الا وياهي عندي او انا عندها .. ومرة السنون تلو السنين .. وحنا على هذا الحال .. كبرنا وصرنا بالمتوسط ولازلنا مع بعض مهما نتعرف على صديقات وزميلات ايدها ماتترك يديني .. وكنا على طول مع بعض ونخاف على بعض ونوجه بعض مع انه توجيه مراهقين بس عاد فينا الخير ^_^ ، بعد كذا دخلنا الثانويه وانهينا اول ثانوي .. وجينا للتخصص هي كانت تبي أدبي وانا ابي علمي .. دخلت علمي علشاني .. وكنت اشرح لها كل الدروس وخصوصاً الرياضيات >> احبه مووووت ، وحتى اوقات الاختبارات النهائيه نقضيها مع بعض اجازاتنا بس وقت السفر ونقعد نبكي على بعض والله من قوة صداقتنا .. بعدين انا لما صرت ثاني ثانوي .. تقدم لي واحد (ورفضته بحجة ابي طب ومابي رجال يشغلني عن دراستي واطفال ومدري ايش ..) وصرنا ثالث ويتقدم لي واحد ثاني وابوي رفضه يقول : (رخمه) ههههههه ، وهي بالرغم من صداقتنا كانت تقولي : لاتوافقين .. لاتخليني لحالي !! اقولها : لاتخافين انا معاك ِ ، جهل عااااد ومراهقه تخبرين .. ! بعدين تقدم لها واحد ، ووافقت عليه مباشرهـ مع انه شخص تنقصه امور كثيرهـ وهالامور بأخلاقه ونصحتها يابنت الحلال لاتاخذيه استني يمكن نصيبك مع واحد غيره .. تقولي : انت ِغيرانه مني !!!!! صرآآآآحه من هنااااا انا بديت اكش منها ، أحلف لها بالله وفعلاً والله وشوله اغااار منها ؟؟ لكن هي رمتني بالباطل علشان تتسحب مني !! بس مدري وش فيه .؟؟ المهم :: انا انسانه اقتليني بس لاتحسسيني اني مثقله عليك ِ ، مباشرهـ اسحب عليك وعلى قلبي معاك ِ اهم شي كرامتي بالدنياااا .. يعني انا مثل النخله لامت امووت واقفه .. وماانحنى مثل باقي الشجر ! المهم :: شفتها زي كذا قلت لها الله ييسر امرك ، وانا بالنهايه نصحتك ، بس انتي ماتبين النصيحه والله يوفقك .. تزوجت بعد ماخلصنا ثالث ثانوي .. من 3 سنوات ونص .. وجابت ولدين .. وياماخذ القرد على ماله يروح المال ويبقى القرد على حاله .. بدت تطلع مصايب زوجها .. كل يوم تكشفه مع وحدهـ ، وصارت تشوف عندهـ اشياء يشربها اكيد مخدرات .. وكل يوم يضربها .. تخيلي والله العظيم بدأ مسلسل الضرب من ليلة الدخله .. !! وبعد ماكشفت عمايله صارت تدور على رقمي ، بالرغم من انها قطعتني بمجرد ماتزوجت . وكنت اعرف اخبارها من الناس ! المهم :: ارسلت لي رساله وقالت انا فلانه ارجوك ِ ردي علي لاتخليني لحالي .. تذكرت جملتها لما قالتها لي من اول : لاتخليني لحالي هذي !! ورديت عليها مشكلتي قلبي مايخليني احقد على احد .. لقيتها تبكي وتشكي لي .. المهم حاولت احل بعض امورها والباقي عجزت عنه ، وبعدين صارت ماتلجأ لي الا وقت المصايب والنكبات .. انا عاد عرفت لها ، وحطيت عليها x اسود ، صح تعبت نفسياً وقعدت فترهـ مااحب احد يطلب صداقتي علشان انا اذا صادقت اوفي ومابي انصدم مره ثانيه .. والحين مؤخراً حطيت عليها جوال كنترول وريحت رآآسي من بلاويهااا .. اعتذر عن الاطاله بس هذا ماجنته يداك ِ هههههههه طلبتي القصه وعاد انا الحين مختصره علشانك ترااا ههههههه تحياتي لشخصك الكريم دمتم بود

ممممممم تحليلي ربما يكون صحيحاً وربما لا ولكن سأذكره,,

عندما كان يتقدم لك الخطاب ,, هي بالتأكيد كانت تشعر بالغيره ,, وتحس بالنقص ,,

(وعندما تدخل الغيره على أمر تفسده تماماً) ,, بعد ذلك هي أصبحت لا تهتم بصداقتكما ,,

وأصبحت تركز على أمر واحد فقط وهو,, كيف تثبت لك بأنها ليست أقل منك !؟,,

فوافقت فوراً على أول خاطب يتقدم لها ,, وفي داخلها كانت تظن ان هذا الامر انتصاراً لها

عليك أنك لست أكثر منها حظاً ,, بينما السبب الحقيقي في ذلك هو إحساسها بالنقص والغيره ,,

وهذا ماجعلها تثور عليك وتتهمك بأنك "غيرانه" منها ,, وألقت ماكانت تشعر به عليك واتهمتك به

,, وفي المقابل أنتِ فسرت ذلك بأنك كنتِ "مثقله" عليها ,, وأتوقع أن تفسيرك مرجعه هو شعورك

بعظم أهمية الكرامة لديك ,, وأنا في رأيي أنه بسبب غيرتها منك ,, وليس بانك كنت مثقله عليها ,,

ولكن ما فعلتيه بعد ذلك من ردة فعل كان واقعي جداً ,, ولاعليك يا سكون ,, فصداقة مثل هذه لا تستحق منك الندم

,, ولكن الجميل فيها أنها علمتك كثيراً ,,

هذا تحليلي المتواضع للقصه ,, محلله نفسيه صح؟؟ هههههههه

كل الشكر لك ,,