بنات الانتظام اللي اختبروا دوري لعلم نفس الشخصيه لو تكرمتوا ...

[rano0o0o0]

يب فعلا بنات الانتظام مافي اي تعاون ..
بس حساعدكو باللي افتكر ..
اول شي جانا تعريف كاتل للشخصيه .. جانا عرفي..
لو كان كتابك سيكلوجية الشخصية تلقية بداية صفحة12
وفي باب التحليل النفسي مثلا تجيب مواصفات المرحلة وانتي تكتبي اسمها..
كمان اهتمو في الانا والهو والانا الاعلى
جا عنها بس ما افتكر ايش..
وفي صفحة 46 القلق والانا في البراقراف اللي تحت الطويل امثلة عن القلق الواقعي والقلق العصابي والاخلاقي..
تجي مثلي او يجي المثال وتكتبي نوع القلق..
وعند ميكانيزمات الدفاع مثلا تقول فلانه كل ماتغلط تقول الاخرين يغلطو .. والسؤال مثلا اي من ميكانيزمات الدفاع استخدمت .. والجواب هوا الاسقاط .. زي كذا تماما
اما باب نظرية يونج افتكر بس المركب جانا صح وخطأ صفحة 56 والباقي ماافتكر في دا الباب بس انو مهم.. الانيما والانيماص والظل والقناع والذات..
وجانا بالدوري الثاني .. عرفي قانون الاثر ..
وجانا لماذا اعتبر سكينر فكر فرويد فكر متخلف رجعي؟؟ وطلبت سببين .. تلقوه صفحة 71
ونظرية السمات جابت عن جوردن البورت وريموند كاتل .. ماافتكر صيغة السؤال بس مهمة ..
غير كذا مو فاكرة
وبالتوفيييق