كل اللي مو عاجبهم القحط بالجامعه يتشرف هنا

[دنيا جديده]

المشاركة الأصلية كتبت بواسطة الرحالة007 اختي دنيا جميله انتي بتقولي انو الاعفاء لو شروط ومحددتها الجامعة ولو المعدل بحدود 2.75 وظروفي تستاهل انو اخد الاعفاء حاخدو صح ولا انا غلطان؟؟ طيب احب اقلك انو انا معدلي فوق 3.5 ولله الحمد وظروفي صعبة واستاهل الاعفاء جدا وبقوة ولكن قدمت على الاعفاء للمرة التانية وماجاني رد ومتاكد انو حيردو بعدم القبول واذكرك فممكن تتوسطيلي بما انو انتي متاكدة انو اللي ظروفو صعبة ومعدلو عالي يوافقو عليه وتخبريهم عني انو الطالب دا يستاهل الاعفاء استنى ردك وواسطتك

المشاركة الأصلية كتبت بواسطة الرحالة007 ابشرك يا دنيا جميله جاتني عبارة لم يتم قبولك والله الجامعة بدون واسطة ماحتاخد حقوقك تحياتي لدنيا جميله

اخوي لاتتكل على احد وانا لو عندي واسطة صدقني ماراح ابخل ع احد
وعلى فكرة انا اليوم رحت ومعايه معروض ووضحت فيها ظروفي المادية
والله استقبلوني احسن استقبال .. صح تهزءت عشان في بنات معدلاتهم نزلت وراحو جددو وانا مادري انو فيه تجديد بس شرط توقع ع تعهد انك الترم الجاي ترفع المعدل

يعني من بكرة تروح ومعاك كل الاوراق اللي تثبت ظروفك
واهم شي تكتب معروض واذا حاب انا ممكن انزل مثال بسيط لكتابة المعروض

المشاركة الأصلية كتبت بواسطة ktko0ota smile طيب والي عنده موهبه ويسوي أشياء قد شعر راسه فين يبيعها؟؟؟؟؟ ^_^ ومشكوووووره عالموضوع المميز يا عسل بالتوفيق

هلا ياقلبي
شوفي مافي عمل ينباع بدون تسويق ودعايه
يعني على اساس شغلك راح اقولك وقتها كيف تسوقي وتبيعها
فياليت توضحيلي الشي اللي تبغي تبيعه ياعسل ^_^