مهنة الطب مهنة شريفة .. ولكن لا أقبل الزواج من طيبة أو ممرضة !

[روووني]

انا مرره استغرب من تفكيربعض السعوديين ليش كدا متحجر يااخي اللي تبغا تخش طب بكيفها واللي تبغا حتى رقص وغنى

برضوا حره وبكيفها ليش التعقيد كل واحد وافكاروا!!!<<هدا مو يعني اني أأيد دراسه الرقص والغنى لكن داموا

طموحها واهلها عاجبهم هيا حره في كدا تماما

واللي مايبغى برضوا حر في تفكيرو لكن اني اجي واجرمهم واقول عنهم قليلين ادب هدا هوا اللي يزعل انا بنت عمي تدرس طب ومنقبه ماشاءالله عليها واصلا اصلا مافي اختلاط لكن لمن تشتغل حتحافظ على نقابها وحتى لو ماحافظت على نقابها وخلعتوا لاننسى انو غطاء الوجه مختلفين فيه ومو هدا موضوع حديثنا لكن كل واحد وتفكيروا

بابا ماشاءالله عليه حافظ القرأن كامل وصلاواتو كلها في المساجد حتى صلاه الليل يصليها ووقت فراغو يقرا قرأن قال لاختي ادخلي طب اسنان او صيدله
و يقول انا انسان وسطي مااحب اسير زي بعض الناس الملتزمه للاسف اللي كل شي حرام عندهم حتى النفس للحرمه حرام عندهم يعني موش اللي يخلي بنتو تخش دا القسم انسان مفلوت ولاديوث على قول بعض الردود اللي خلتني اقول لاحول ولاقوه الابالله

واخويه طب اسنان يقول لاختي ازا تحبي نفسك وتحبي راحتك لاتخشي القسم من الصعوبه اللي يلاقيها مو من الاختلاط!!

وبصراحه انا رأيي من راي سوما وسكووت خلونا وسطيين مو منغلقين دامها حاجه مو حرام هيا حره فيها

ولاننسى على قوله واحد من الاعضاءالناس تفكر تعيش في المريخ وبعض السعوديين يفكروا في الاختلاط والحجاب والفتاوي المتخلفه ودايما انا وبابا نتريق ونقول اللي مو عاجبوا الاختلاط يسفر مرتو وبناتو كوكب تاني لانو هنا كلو اختلاط
ولااحد يجي يقولي تحبي الاختلاط ومدري ايش لكن هدا الواقع ليش ننكروا ونرسم عالم وردي!!

واتحدى واحده مفلوته ولالعابه تكمل في القسم داه واللي خاشه القسم داه مستحيل بعد التعب اللي لقتو في دراستها تضيع عمرها في قله ادب ماتسوى ولافي كلام فاضي ولاتنسوا انو العلم يرقي الوحده مو يهدم اخلاقها!!
وبصراحه الرد اللي بكاني اعتقد مو في دا الموضوع بس قريتو في موضوع زي كدا اللي هوا(دراسه الطب او العمل في المستشفيات زي قرايز اناتومي)<<وللاسف انو ماكان قصدو في العمل نفسو لا كان قصدوا في قله الادب وفي قصص الحب يعني انا اشتغل في مستشفى عشان احب واحد الحمدالله والشكر لك يارب!!

صراحه في ناس ردودهم منطقيه زي اللي مايبغى يتجوز عشان دوامها طويل دي انا ابلعها لكن اللي مايبغى عشان الاختلاط هدا احسو مايعجبني لكن زي ماقلت اول هوا حر في تفكيرو

ومو لازم نجبر الناس نمشي على رأينا لا كل واحد وتفكيرو وكل واحد وبيئتو
واخيرا اختلاف الرأي لايفسد للود قضيه