طالب خريج يهمة رايكم

[Francesco82]

السلام عليكم ورحمه الله وبركاته ... اخوي الرحباني اهلا وسهلا فيك ومبروووك على التخرج مقدما وان شاء الله تلحقنا ونصير خريجي السنة دي ربي يوفقك يارب وتنال أعلى المراتب وبالنسبة للمواد اللي ذكرتها تقريبا فيها اربعة مواد خاصة بمسار التسويق اللي انا متخرج منه عندك bus 311 ,bus 315 ,bus 414 ,bus 416
انا اشوف انو افضل مادة ممكن تاخدها اختيارية هي سلوك المستهلك bus311 كونها مفرداتها سهلة عليك وعامة يعني مافيها اي تعقيد او تشويش ودكتورها طارق خزندار بصراحة حقاني وما يظلم احد واسئلته اسهل من دكتور المادة الاصلي / ياسر الخطيب , وبالنسبة لبحوث التسويقbus315 طالما الكتاب مو متوفر في المكتبات فابعد عنها , اما مادة التسويق الدولي bus 414 منهجها طويل بس دكتورها منير السيد عسل بصراحة , اما ادارة مبيعات bus 416 ما فيها اي صعوبة تذكر تقدر تقول انو لو لك في البزنس حتستوعب الكلام بسرعة وتحسه مجرد قراءة مو مزاكرة وبالنسبة لدكتورها انتظر احتمال كبير يكون منير السيد عموما دي المواد اللي درستها انا , بالنسبة للمواد التانية انا عن نفسي تعاملت مع الدكتور / احمد علي السيد زينة وكان في قمة الاخلاق ومتساعد مع الطلاب لاخر درجة حتى في الاختبارات واسأل الشباب اللي درسو مالية دولية واستثمار معاه التيرم دا بس حط في بالك انو فيها شوية عملي بالنسبة لمادة bus 448 , اما مادة إدارة الجودة bus 325 لو كان مع الدكتور / ناصر كدسه كان الخيار افضل لك لكن ما دام عند كاسر المنصور ابعد لانه تعاملي جدي وما يعرف بصراحة الرحمة واسأل طلاب ادارة العمليات bus 221 عنه ههههههههه عموما يا سيدي ازا مادة اختيارية ميل دائما لمحتوى المادة ومدى طيبة وكرم الدكتور حقها وازا عندك اي شيء تاني اطلب احنا في الخدمة يا سيدي ومبرووووك التخرج يا الرحباني وآسف لو طولت عليك وتقبل مروري وشكرا