مــاهــي اجراءات التخرج ارجو الافادة ؟؟

[رندا البحري]

إجراءات التخرج ياأخي كالتالي:
لازم لما ينزل جدولك إن شا الله على بدية الترم حيكتبوا في موقعك في حالة الطالب بدل مستمر في الدراسة طالب متوقع تخرجه
الشي الثاني بعد 3 أسابيع تقريبا لازم تروح تاخذ ورقة من العمادة تعبي إستبيان عن معلوماتك إسمك بالعربي والإنجليزي (الإسم الرباعي) ولازم تتأكد صح من كتابتك للإسم علشان حتنكتب في وثيقة التخرج(لأن للأسف في بنات كتبولهم إسمهم خطأ في وثيقة التخرج) وهادا الشي حيسببلهم عائق..أهم شي تعبي الإستبيان وتوقعه من كليتك..وفي ورقة ثانية تاخذها ورقة تعهد إذا في حالة ماعندك جواز سفر مجدد.
أهم شي لما تعبي الأوراق وتوقعها من كليتك تروح تسلمها للعمادة...
وعلى نهاية الترم إن شا الله لما تخلص الإختبارات تروح تاخذ ورقة من العمادة (ورقة إخلاء طرف) لأن لازم تسويها كدا ماتقدر تاخذ الوثيقة ...والشي الثاني البطاقة الجامعية حياخذوها يوم إستلام الوثيقة فحافظ عليها..
مو أول لما تتخرج تروح على طول ترميها(ماصدقت على الله أتخرج هههههههه...
الشي المهم كمان إذا خلصت الإختبارات النهائية روح خد ورقه توصية من كليتك إذا كنت ناوي تكمل ماجستير...
كتير بنات تورطوا جاو ياخدوا ورقة توصيه يوم إستلام الوثيقة والمشكلة مالقوا الدكاترة علشان يوقعوا ورق التوصية كلهم مسافرين...
فعلشان كدا أول لما تطلع النتائج على النت على طول سوي ورقة توصية....
انتهى...ولله الحمد