للنقـــــاش .. المشكلة فين ؟؟

[المهاجرة]

صح .. أنا أوافقكم .. وللأسف هذي مشكلة تحتاج من أحنا لحل ..

لكن مو معناته إنهم مابيهتموا بمشاريعنا ويدعموها إنو خلااااص ..

ما انتهت الدنيا .. أقصد اللي عنده طموح راح يكمل للنهاية ..

ومشروعه هو البداية لنقطة أهم ..

وهي التطوير .. وراح يعمل المستحيل لأجل يوصل لهدفه ..

ثاني شغلة ..

ياليتنا نفكر ونتعب نفسنا شوية وندور على الناس اللي بتدعم ..

حتى الناس اللي بتدعم حابين إنهم ييجوا لعندنا ويقولوا تعالوا إحنا ندعمكم ..

كلامي هذا ما أوجهه لكم أنتم شباب الهندسة خصوصا لا أنا أتكلم بشكل عام ..

صحيح هي مشاريع تخرج وغيرها . لكن مين فكر إنو يستمر بمشروع تخرجه ويطوره ..!

الموضوع أكبر من كلمة مستحيل ..

في 1000 حل وحل .. لكن إحنا مانبغا نتعب نفسنا ..

ولا نحاول حتى ..

والله نصيحة من قلب إقرأوا قصص المبدعين والعلماء وشوفوا : صبرهم + كفاحهم + جهدهم ..

مشكلة بعضنا يقول ليه أنا أتعب نفسي ما هم من البداية مادعموني .. ليه أكمل ..!!!

عالعموم هي وجهة نظر قابلة للتعديل ..

وأحترم وجهات نظركم وأؤيدها فهي تحكي واقع مجتمع مقيد بسلبيات وهمية ..

وأشكركم من أعماق قلبي على تعليقاتكم التي أثرت موضوعي المتواضع ..