برأيكم اخواني ماهو الحل لكي ترجع الثقه في التصحيح ورصد الدرجات من قبل الجامعه

[Llll5Liiio]

الله يعديها على خير بس وانا اخوك

زمان الواحد يختبر وينتظر نتيجته عشان يفرح بنجاحه

الحين الواحد يختبر وينتظر متى تنزل الدرجة عشان يروح يراجع ويطارد وراء درجاته

بصراحة شيء عجيب

إن جيت للحق
من المفروض يكون الاختبار عن طريق الحاسب الآلي

العالم وصلت القمر واحنا باقي على تلوين والأجهزة حق التصحيح مخبطه والموظفين غير مؤهلين لهذه الأجهزة


لو يجهزو مبنى باجهزة كمبيوتر لو نفرض 1000 جهاز
كل جهاز مايكلف 1500 ريال

يعني نصف قيمة ترم يدفعه طالب الانتساب

وتكون الاسئلة موحدة والدرجة يحصل عليها الطالب مجرد ماينتهي من الاختبار وتنرصد مباشرة
نفس طريقة اختبارات التوفل واختبارات سيسكو وارامكو وسابك

ومن فوائدها
1- مافي خطأ في التصحيح
2- مافي أخطاء مطبعية
3- مافي غش
4- مافي هضم حقوق
5- تطور وفكر ومنهجية تكنولوجيه عالية المستوى
6- الدرجة ترصد مباشرة وتعطى للطالب بعد اختباره مباشرة ليعرف مستواه بدون تبلي على دكتور او احد
7- موفرة للوقت والجهد والمال
بكذا لا حد ينتظر صدقة ولا شيء من احد بيكون الواحد وجدارته وباجتهادة

هذا المفروض اللي يكون في جامعة مثل جامعاتنا حتى تواكب التطور والتكنولوجيا والعولمة


بصراحة شيء محزن

طالب راسب وهو ناجح
درجة ضعيفه وهي بالاساس عالية فوق 90
درجة عالية وهي بالاساس ضعيفة دون 70 او 60

هذا ظلم واهدار لحقوق الطلاب

ولكن لا استطيع الا ان اقول الله يطلعنا من هالجامعة بأقل الخسائر بإذن الله تعالى