عزم كنيسة أمريكية معادية للإسلام إحراق مصاحف ’

[soma al7elwa]

أول شي زي ما ذكرت الردود الي قبلي انو القس اتراجع عن حرق المصاحف ..

وترى أغلب الرافضين لحرق المصاحف الشريفة رافضينها خوفا على أولادهم وأنفسهم في الدول الإسلامية قبل احترامهم للاسلام ذاته ..

لأنهم عارفين نوعية العقليات "الحماسية" -ان شئتم تسميتها كذلك- اللي عندنا ..

وببساطة زي أي احد تاني في الدنيا اللي يبغى ينشهر ويصير اسمه على كل لسان يسب المسلمين او الاسلام ..

ويللا يصير اشهر من مايكل جاكسون نفسه..

تاني حاجة ايش رايكم نطالع في الموضوع من جهة أخرى ..

مع وجود النظرة الخاطئة لدى الأمريكيين للاسلام وكل التشويه الاعلامي اللي بيصير ..

ايشله لزمة ينعمل مركز اسلامي بجانب مركز التجارة العالمي؟؟؟؟

يعني خلصت الأماكن في نيويورك ومالقوا اي مكان تاني غير دا ؟؟؟

يعني لما يكون في 3000 شخص قتل وغير اللي شوهوا واقعدوا واهاليهم وفي نظرهم كل اللي صار دا بسبب دين "الاسلام" .. ونجي بكل بساطة نقولهم ياجماعة احنا حنبني مركز اسلامي جنب مكان وفاة أبنائكم واهلكم !!!!..

د. طارق السويدان قال في برنامج علمتني الحياة :
"2 % فقط من الأمريكيين سمعوا عن الإسلام عن طريق المسلميين انفسهم والباقي عرفوه من الإعلام"

د. نهاد عوض لمدير التنفيذي لمجلس العلاقات الأميركية الإسلامية يقول انهم بيعانوا من نقص شديد في الميزانية حق مراكز التعريف بالمسلمين ..

وبعد دا كلو نستغرب ونزعل ونغضب لما نلاقي وجهات نظر زي كدا؟؟؟

يعني زي مابيقولوا شين وقوي العين ..

المفروض اول شي يكون في توعية للمجتمع الأمريكي بالاسلام ومبادئه بعدها نتجرأ ونعمل دي الخطوة ..

مو كدا هب طب يلا .. بالفعل شيء عجيب