بخصوص السماح للموظفين بأداء الاختبارات

[خالد9876]

المشاركة الأصلية كتبت بواسطة أبوجنى أخوي فيه نقطة هامة جدا جدا وهي موافقة جهة العمل على إكمالك للدراسة .... من هنا يبدأ نص القانون ... إذا فيه موافقة من جهة العمل لا أكبرها ولا أسمنها يقولك مافيه إجازة . إذا ماعندك موافقة فإنت زي اللي رابط حبل المشنقة على رقبته يترجى ويترحم عشان يوافقون يعطونه إجازة والحق معهم لإنه راح يقولك حنا ماوفقنالك تدرس دبر عمرك . موافقة جهة العمل شيء أساسي وقبل ماتسوي أي حاجة لا زم تاخذ الموافقة ... و إلا لامكتب عمل ولاغيره راح ينفعك ..

كلام ابو جنى صحيح بخصوص ضرورة موافقة جهة العمل على الانتساب بس في حالة الواحد انه توظف وهو كان منتسب اصلا في الجامعه هنا تكون موافقة العمل على دراسته بمجرد ذكر انه منتسب في الجامعه في طلب التوظيف (يعني في مثل حالتك). اما اذا كان طلب التوظيف ما كان فيه انه في مرحلة الدراسة بالانتساب فما تعتبر الشركة ملزمه ...
الشي الثاني نظام العمل محدد ان الاجازة تكون عن ايام الاختبار الفعلي وعن مواد ما تكون حملتها قبل وانك لازم تقدمها قبل 15 يوم من تاريخ الاختبار..... بس يبيلك تستفسر من احد الموظفين في ادارة الموارد البشرية عندكم في الشركة عن نظام الاجازات الدراسية ... لان ممكن يكون في اللائحة التنظيمة للشركة ميزة بالنسبة للاجازات الدراسية بمعنى انه ممكن يكون فيها انه( يحق للموظف المنتسب لمؤسسة تعليمية ان يحصل على اجازة مدفوعة الراتب عن مدة الاختبارات) فا اذا كانت موجوده في اللائحة معناه انه لازم يعطونك الاجازة طول فترة اختباراتك.
وبالتوفيق للجميع