بخصوص تأجيل التخرج .. للخبرة الرجاء الرد

[منصور الشمري]

السلام عليكم ورحمة الله وبركاته

يا شباب مثل ما انتم شايفين في العنوان انا خريج باقي لي عشرين ساعة تقريبا
إن شاء الله واخلص لكن معدلي ماش ما يبيض الوجه .
وودي اكمل لي فصل او كم مادة هل يصير او ما يصير ؟؟
معدلي الآن 2.63 وعندي 20 ساعة الترم هذا بإذن الله .
يعني لو افترضنا ارتفع كم درجة هل يكفي فصل واجيب 2.75 جيد ؟
ارجوا اجابة اهل الخبرة

[بدايتي]

خذلك 12 ساعة الترم القادم

و الباقي ترم صيفي

وباذن الله تعالى انك ترفع المعدل

اتمنى لك التوفيق

[ممدوح حائل]

كم عدد النقاط التراكيمة عندك ؟
وكم عدد الساعات المسجلة سابقا عندك ؟
والمواد المتبقية عندك هل هي 7 مواد ؟

[jehad123]

ايه يكفي ترم لرفع المعدل اكثر من 2.75

وهذا الترم صارت معي ورفعت معدلي ونفس موضوعك بالضبط واتخرجت ولله الحمد بس كان علي انو اجيب في كل المواد b

والطريقة كالتالي للتاكيد

بعد تسجيل المواد 20 ساعه ونزول جدول الترم الثاني بنظام الاوديس اتوجه الى احتساب المعدل التجريبي وراح تظهر المواد الجديده واكتب وحدد الدرجه اللي ترفع معدلك فوق 2.75 جيد

[منصور الشمري]

الله يعطيكم العافية يا اخوان والله ما قصرتوا اخ ممدوح اللحين بشوف لك الي طلبته وارد لك خبر
ملاحظة : واحد من زملائي بالعمل قال لا تضغط على نفسك خذ الترم القادم 10 ساعات وخذ صيفي 10 ساعات كذا راح ترفع معدلك ..؟ وش رايكم ؟

[منصور الشمري]

الساعات المجتازة 109 وشوف الصورة ما اعرف والله كثير بهالامور



بالنسبة للمواد المتبقية بالاودوس ما طلعت للأن لكن الباقي ما اخذتهن
الثقافة الاسلامية 4
الاستشارات الادارية
التحليل التنظيمي
تقييم البرامج الحكومية
وباقي اختيارية 2 وحرة 1

وافزعوا لي يا عيال وليرحم والديكم ابيه جيد بس :(

[asd997]

المشاركة الأصلية كتبت بواسطة منصور الشمري الله يعطيكم العافية يا اخوان والله ما قصرتوا اخ ممدوح اللحين بشوف لك الي طلبته وارد لك خبر ملاحظة : واحد من زملائي بالعمل قال لا تضغط على نفسك خذ الترم القادم 10 ساعات وخذ صيفي 10 ساعات كذا راح ترفع معدلك ..؟ وش رايكم ؟

انا اشوف انك تاخذ الترم هذا 14 ساعة وتاخذ في الصيفي 6

بس اهم شي لا تجمع المواد الصعبة في ترم واحد

[منصور الشمري]

انتظركم يا اخوان والله احترت الله لا يحير مسلم بس :( يا ممدوح وينك يالبناخي

[ممدوح حائل]

بتجيب جيد وزيادة حبة ،،
بالضبط 2.76

بشرط أن تكون درجات موادك على النحو التالي : ـ

ان المواد الحرة والاختيارية تجيب فيها على الاقل 80 درجة لكل مادة ،،
والثقافة الاسلامية تجيب فيها على الاقل 80 درجة ،،

يتبقى 3 مواد اساسية لازم تجيب فيها على الاقل 70 درجة لكل مادة ،،

بكذا يكون معدلك جيد ،، .

بالتوفيق للجميع ،،، .

[منصور الشمري]

الله يجزاك خير اخوي ممدوح وبيض الله وجهك وما قصرت