شكوى لجريدة الرياض على لجنة محاسبة 102 والجامعة

[عبود الفهلاوي]

يا اخي وش جريدة وخرابيط ما راح يسير شي هذة الجامعة ولعلمك راح يقعدون لك انت بالتحديد وكل الى اشتكي خليها تعدي لعل وعسي الفصل القادم تحل المشكلة

[ابراهيم2008]

سبحان الله ياشباب تختلف مادة عن مادة بالنسبة لي محاسبة 1 ومحاسبة 2 عديتها وبدرجات حلوه مره
بالنسبة لمادة اسمها تحليل كمي 204 جلست 4 مرات لين عديتها

من وجهة نظري الخاصة وخصوصاً مادة المحاسبة تحل مثل القيد وخطوات حله أي خطا يحط لك على كل السئوال خطأ يعني تروح عليك كل الدرجات ويحق للاستاذ عمل ذلك لان الأمور حسابات اي خطا تلخبط الدنيا كلها هذي هي وجهة نظرهم
انا اقولكم ويش تسون طبقوا خذو اختبارات السنين الماضية واجلس تمرن لا تقراء قراءة فقط شغل يدك اكتب اكتب اكتب ان شاء الله مائة قيد سوه وقارن شغلك مع الاجبات النموذجية الحقيقة المحاسبة مشكلتها مشكله اي خطأ في اي فقره من الفقرات تطير عليك الدرجة كامله.

بالنسبة لي رسبت في التحليل الكمي 3مرات ورابع مره عديته يعني ما شكينا الا لله سبحانه وتعالى وصعب اذا كان فيه واحد جايب مثلاً a+ تقول انت كيف جاب ها الدرجة المنطق مهم ياشباب يعني لو تتجمعون عند العميد ممكن او رئيس القسم ممكن اما جريدة احس أنها فيها شوي عدم احترام للجامعة ولكم كطلاب جامعة واتمنى لكم التوفيق