بــحث تخرج مع هبــة!!

[nana14]

حبيبتي نونو مشكوره على الدعوات الحلوه والله يشفي زوجك ويرفع عنه يااارب
ويشفي زوجي وكل مريض يااااارب

غرفه السكرتاريه في مبنى الجوهرة

جنب غرفه 118 بس هيا على اليمين تجيكي في زي الممر الصغير
سكرتاريه قسم علم النفس


وكمان لو منتي حابه تروحي الاستاذه ايمان منزله الجدول اللي موجود جنب الغرفه

على دا الرابط
http://www.skaau.com/vb/showthread.php?t=389074&page=2

المشاركه رقم 39

وبالتوفيق ان شاء الله

لاتنسو زوجي من دعواتكم

[نونو مووون]

اللـهم آميــن,,
الله يسعدك قلبك يآآآرب ويفرحك بسـلآمـة زوجك يـارب ..
من جد ريحتني لاني من برة جـدة,,
ربي يعطيك على قد نيتك يآآقلبي

[nana14]

تسلمي حبيبتي والله يوفقك يااارب
والله فرحتيني بدعواتك الحلوه

واذا تبغي اي شئ لايردك الالسانك
وان شاء الله ماحقصر معاكي

واذا تبغي رقم دكتوره هبه عشان تتاكدي منها قوليلي
عشان ارسلك هوا على الخاص

وبالتوفيق ان شاء الله

[نونو مووون]

لاحبيبتي تسلمي بيض الله وجهك,,
بس اذا فضيتي قوليلي كيف طريقـة المناقشـة..
وكيف الاستاذة في المناقشـة مرة تددق ولا عادي

[نونو مووون]

ايوا صح وحبيت اسالك المناقشـة فين تكون,,
اروح لـها غرفتها ولا فين بالضبط؟؟!!

[nana14]

كيف المناقشه الترم اللي راح تقريبا اغلب البنات اللي بحوثهم لوحدهم
ماناقشتهم يعني ناقشت اللي مشتركين كذا وحده في البحث

بس فيه بنات سالتهم في الجزء النظري اللي عندك في البحث
مثلا التعاريف وتسالك ليه اخترتي دا الموضوع
وزي كذا دا اللي اعرفه

بس احب اطمنك لاتشيلي هم مدام مع دكتوره هبه ان شاء الله سهل

واذا انتي فعلا مسويه بحثك لاتخافي باذن الله لو سالتك اي شئ حتجاوبي


وبالنسبه لسؤالك فين مكان البحث في الموعد روحي مكتبها غرفه 118 في الجوهره
واذا ماحصلتيها اسالي السكرتاريه وهما يدلوكي

لانه تكون غرفه المناقشه حسب الغرف الفاضيه

وبالتوفيق ان شاء الله

[*معنى الوفا*]

يسعد مساااااااااكم بكل خير
هذي مواعيد د/هبة للمناقشة وتسليم البحث
11/7
16/7
18/7
لشعب 2_4
الوقت من1_3 الظهر
بالتوفييييييييق ودعواتكم

[بنت مكه]

بناااااات مدامكم عملتووو بحوثكم وخللصتوو

اش حتخسرووو لو افدتوو غيركم ؟؟؟

انا بس ابغا اعرف اش الحاجات الي مطلوبه وموضوع البحث نختارخ على اساس ايش ؟؟؟

[nana14]

بناااات افتكرت شئ مهم ممكن تسالكم الدكتوره
كمان عن

العينات فين طبقتوها وكيف طبقتوها وايش كانت الصعوبه
في التطبيق


لو افتكرت شئ كمان باذن الله حنزله لكم

[nana14]

المشاركة الأصلية كتبت بواسطة بنت مكه بناااااات مدامكم عملتووو بحوثكم وخللصتوو اش حتخسرووو لو افدتوو غيركم ؟؟؟ انا بس ابغا اعرف اش الحاجات الي مطلوبه وموضوع البحث نختارخ على اساس ايش ؟؟؟

حبيبتي موضوع البحث تختاريه على حسب دكتورتك
ايش تبغا واللي يعجبها

وبالنسبه للمطلوب انا عن نفسي اخذت البحث وخلصت الحمدلله

ان شاء الله البنات اللي معاكي يفيدوكي