الاعجاز العلمي في غض البصر للشباب والبنات....

[noga4islam]

سبحان الله ..

من جد إعجاز .. آخ بس لو الناس تفهم وتعقل !!

الله يحفظ شباب وبنات المسلمين يارب ..

مشكووووووورة نيمو ..

يسلموا على النقل الرائع :)

أخونا نضال .. مهما كانوا اللي حولك ..

ايش فايدة غض البصر !!!

[نضال]

مرحبا مرة تانيه :)

اخت مريم اوافقك الراي الاخير ..

و عموما حتى ظاهرة التبرج ناتجة من التاثر بالفضائيات !

و ياليت بطريقة صحيحة !!

فـ تلاقي الشباب ما تُحبك الرومنسية عندهم الا على الاجنبيات .. في الوقت اللي يهمل اخواته و يعاملهم اسوء معاملة ..

و البنات ما يُحبك الميك اب عندهم الا وقت الخروج ... اما على زوجها تلاقي انواع الاهمال !!


نوقا ..

بعض العلماء يقولوا ان غض البصر في المكان اللي تسقط فيه الحواجز بين النساء و الرجال غير واجب !

انا ما اختلف معاكي ان غض البصر مطلوب .. لكن الاولى ان تتستر بناتنا عن اظهار مفاتنهم في الاماكن العامة احتراما لنفسها و للرجال الموجودين

[hms]

عن جد كلام قوي .. بس الصراحه البنات هم اللي محتاجين يقرأونه ويقولونه لكل اللي يعرفونهم لأنهم نص المشكله الحاصله واللي سارت واضحه بكل مكان ..

[maryam]

صراحه معاك حق يا نضال ..

من جد تصرفات البنات صارت محرجه..
لدرجه اكون في السوق ولا مطعم والكل حوليه مش متحجبات ..احس حالي جايه غلط بينهم احس نظرتهم ليه كاني لسه متخلفه لابسه عبايه..
صراحه معاكم حق يا الشباب في كل الى تعملوا في البنات ..لحد يصيروا يحترموا حالهم.
بس انا دايما بقول الي يتعرض لبنات الناس احد راح يتعرض لاهلوا..والحمدلله انا ما قد حصل معايه موقف مع شاب..
بس ترى الموضوع ابدا ما راح يوقف عند هذا الحد...!

[نضال]

الله يكتر من امثالك يا مريم :)

[الأميرة]

لو بس يلتزمون جميع النساء بالحجاب الشرعي اللي ربي فرضه كان مالقينينا البلاوي اللي نشوفها الحين
خصوصا اننا في أرض الحرمين ومهبط الرسالة وقدوه المسلمين بالعالم
بس وش نقول غير الله يهدي شباب وبنات المسلمين امييييين يارب

[NeMo]

الحمدلله على تجاوبكم الحلو زيكم


الموضوع غض بصر الشبااااااااااب


وشباااااااب يعني الجنسين من سن 15<<<<35


فالغض واجب للاتنيييييييين


والغلط على الاتنيييييييين





واعترف بما اني بنوتة انو علينا احنا معشر النساء حمل اكبر



بس لاننسى الاجر الكبير لكده



يا جماعة وربي لازم نتعلم الرقي شويه



وربي اسمع حكاوي يارب الستر بس

[bent mankoosha]

انا احس ان المشكلة ماهي في الشباب السعودي بقدر ماهي في البنات السعوديات " بدون تعميم" الشاب ممكن يغض نظره عن وحدة متبرجة او اثنين متبرجات .. لكن لما يكون المكان كله متبرجات و اثنين بس متحجبات؟!! هل المطلوب من الشباب السعودي انه يرخي عينه في الارض ؟؟

نضال
بما انه انتم مش واجب عليكم الحجاب فالواجب عليكم غض البصر
هنا انت تختبر قوة ايمانك لما تكون البنات من حواليك مكشفة وتقدر تغض بصرك وتنتصر على شيطانك وقتها بيكون ايمانك قوي

لكن لما انا اقول ليه اتحجب وفيه بعض الشباب بيعاكسوا حتى المحجبات
وانت تقول ليه انا اغض والبنات متبرجات
محد مننا وقتها حيعمل الشي الصح
كل واحد مننا ربنا اوجب له حاجة احنا الحجاب وانتم غض البصر
وحتى احنا واجب علينا غض البصر
فما اتحجج باللي يحصل واخليه عذر عشان اتخلى عن الشي الواجب عليا

اتمنى اكون وصلت فكرتي وما تزعل مني

سلام

[نضال]

فيه ملاحظه جدا مهمة ابغى اقولها لكي

لكن لما انا اقول ليه اتحجب وفيه بعض الشباب بيعاكسوا حتى المحجبات

اذا فيه شاب بيعاكس وحدة متحجبة ,, فهوا ما يزيد عن 1% من نسبة الشباب ..
مافي بنت تتعاكس الا و هي متبرجة او على الاقل انها بتعطي اشارات تخلي الشاب يقلل من احترامها و يعاكسها !

و زي ما قلت في واحد من ردودي .. بعض العلماء اسقطوا وجوب غض البصر في الاماكن اللي يختلط فيها النساء بالرجال

ما اختلف معاكي ابدا ان غض البصر واجب .. لكن الواجب عليكم انتم كابنات ان تعيدو النظر في حجابكم و تمقتوا ظاهرة التبرج اللي بدات تزيد عن حدها , حتى تطالبونا بعد كدا بغض البصر , لان العين بحر .. و لما يكون 90 % من البنات الموجودات في مجمع مثلا متبرجات .. فمعنى دا اني راح امشي و عيوني في الارض!!

هل دا منطق؟؟

اذا كان علينا حمل بسيط و هو غض البصر , فانتم عليكم اضعاف دا الحمل و هوا الحجاب

[bent mankoosha]

و زي ما قلت في واحد من ردودي .. بعض العلماء اسقطوا وجوب غض البصر في الاماكن اللي يختلط فيها النساء بالرجال

طب ما بعض العلماء اسقطوا غطا الوجه

ما اختلف معاكي ابدا ان غض البصر واجب .. لكن الواجب عليكم انتم كابنات ان تعيدو النظر في حجابكم و تمقتوا ظاهرة التبرج اللي بدات تزيد عن حدها , حتى تطالبونا بعد كدا بغض البصر , لان العين بحر .. و لما يكون 90 % من البنات الموجودات في مجمع مثلا متبرجات .. فمعنى دا اني راح امشي و عيوني في الارض!! هل دا منطق؟؟ اذا كان علينا حمل بسيط و هو غض البصر , فانتم عليكم اضعاف دا الحمل و هوا الحجاب

ايوا دا منطق
لأنه ربنا ما راح يسامحك ويقلك انت ما غضيت بصرك معذور عشان البنات متبرجات
لا تتخلى عن الشي الصح اذا اللي حواليك بيعملوا الغلط

و على فكرة احنا ما نعتبر الحجاب (حمل) هوا صح تكليف..............بس(عااااااااااااااااااااااااااا جبنااااااااااااا)

اذا انتا تعتبر الغض حمل فلازم ترا جع شويه معتقداتك<<<<<<<<<<<دا كلامي انا نيمو مو منكوشة.........الباقي منكوشة)

انت اعمل اللي عليك ( غض البصر )
والبنت حرة تتحجب او لا دا شي بينها وبين ربها <<<<<<<<<<<<<<صح الكلالالالالالالالالالالام(نيمو مرة تانية)
بس مو تتعذر بتبرج البنات عشان ما تغض بصرك
اتوقع كلامي وصل وواضح

وزي ما قلت لك انت بتثبت قوة ايمانك في المكان اللي فيه اغلبه متبرجات <<<<<<<<<<<من جدددددددددد

وسامحني لو طولت عليك

سلام