زوجتي اخدمها ... واختي تبقى جليسه في البيت !!

[قلبي أماراتي]

بنت ابوها
ماشاء الله ياكثرهم الي عندنا بالمجتمع
نفس هاي الحاله للاســـف!
صراحه الحرمه تلعب دور أساسي وفعال
بهالتغيير العجيب للريال
ماشاء الله في حريم يفرون راس الريال فر
تحصلينه في بيت اهله قبل العرس غير
ومن يعرس مول ماينعرف
بس الوم على الاثنين
البنت يوم شلته المفروض تعقله وتصلح فيه
مب تجلبه على اهله وخواته
انآ تجربه عرس اخوي العود صدمتني
وعسى الله يهديهم ولا هدايا وهالشي مانباه
يخلون شرهم ببيتهم ها كافي والله..

انا استغرب انت كريال ماتضايج على اختك
حتى لو حرمتك رمست فيها كل شي له حدود
اهله وخواته وخوانه هايلا المفروض مايبدي عليهم
وصادقه هالبنيه والله الريال لي زين ويا هله زين مع حرمته
والي يبيع اهله الى ماييه يوم ويبيع حرمته .
والي يزيد الواحد قهر يوم تكونين بميلس حريم
وتسمعين كل وحده تتشكى من عمتها(أم زوجها)
ياخي عيب هاي حسبه امج اذا مب ازود ..
واذا اهله مب عايبنج ليش شليتي ولدهم بالاساس هو تربى ع ايدهم
استغفر الله حريم عجب والله..!
استوت كل وحده قبل تتزوج حاطه فبالها ام ريلي سيئه ومتسلطه..
وامها هي ياويل ريلها يغلط ولايقولها اهلج غلط..!
حتى لو اهلها هب زينين ..

بس كل وحده تسوي هالسواه ربي يجزايها بما عملت
والى مايي اليوم الي بيرد عليها عملها
من حريم عيالها او من اولادها ..
والريال بعـد عيب حرمه تمشيه شرات العبد
لازم يكون له هيبته وكلمته ويكون حكيم
واذا في خلافات بين حرمته واهلها يحاول يوفق بينهم
قبل كم يوم اتريا سيارتي يلست اسمع راديو
الا اسمع واحد يشتكي ع حرمته ويقول للدكتور الي يحل اقضيه
ان حرمته ماتطيع تسير بيت اهله ويقوله ماقدر اجبرها
واخاف تزعل ..!
شوي ويبكي والله..<<مالت ع ويهه
اقول حق كل حرمه تتقي الله في اهل زوجها قبل زوجها
وتحاول ان تكون دائما بقربهم وتصلهم وتكرمهم
وتعتبرهم اهلها واخواته خواتها
والى كل ريال اتقي الله في اهلك!
تراك ستحاسب هايلا امك وابوك واخوتك وخوانك

تسلمين حبيبتي ع الموضوع
وسموحه ع الاطاله
بس موضوع حساس ومنتشر للاسف
قلبي إماراتي

[صَخَب الْأَبْجَدِيِّة]

وعليكم السلام ورحمه الله وبركاتـه

للأسف هالنوعيات موجودة خصوصاَ للي عائلهم الوحيد الأخ والنقيض بعد والحمد الله موجود

بذكر قصه قديمة طرت فبالي يوم شفت العنوان

يٌقال ف قديم الزمان إمرأة كانـت متزوجـة ولها أبن وأخ فقط هم سندها بالحياة ف سجنوا جميعاَ
يوم المحاكمـه خيرها القاضي بين الثلاث لأن مالها أحد بالدنيا فأختارت أخوها وقالت الزوج موجودوالولد مولود والأخ مفقود بعد ماطلع الأخ من السجن تزوج وصارت قصة ماأذكرها المهم أنـه كان يفضل زوجتـه على أختـه فقالت فيه قصيدة ماتحضرنـي بالنسبة للموضوع هذا أنا عمري ماأحط اللوم على الزوجـة اللوم على الأخ الي مايعرف يفرق بين الواجب والفشيلـة والله يصلح الحـأل

[мαѕooяy]

بنت آبوهآ ...!
مافي عآئله تخلو من هالشيء الا من رحم ربي ...
اذا كان الاخ هآدآ كويس التاني لا ...!
يعني آتوقع ترجع المصيبة الاولى والأخيرة من رآس الزوجة ...!
يعني اذا كانت حنونه رح تعودهـ انو خواتكـ لهم حق عليه من الاول
واذا كانت ماهي حنونه وتحب تمتلكه لنفسهـآ بس ...!
فعآدة الرجال اذا تعود على شيء خلاص يمشي عليه ...!
وآشوفهم الشيء ده يظهر من ايام الخطبه ...!
اولها يكون لا لا حبيبتي بنشتري العطر هآدآ لاختي...! شويه شوية من ورآ كلامها
بلا اختي بلا هم خذيلك آثنين بدالهممم..! < لزوجته يعني
عآدي بنت ابوها الدنيآ صآرت مالها آمآن
ومافي آخ بمعنى الكلمة الا من رحم ربي ...
آشكرك ياعسل

[دارس1431]

هلا بختي بنت ابوها ^^

موضوع رائع ماشاء الله ^^

اذا كان الاخ بعد الزواج سكن بعيد عن عائلته فهذا شي طبيعي في ظل الانشغال الدائم في الحياة ^^
وياليت يقدر يطلع زوجته اللي هو مسؤول عنها امام الله وامام الناس ^^
الحمد لله اذا الوالد موجود والاخت عندها اخوان اكيد مايقصرون معها بشي ^^

اما اذا كان الاخ مسؤول عن البيت بالكامل وساكن مع عائلته فهذا شي اخر
وهذي مسؤوليه الله يعينه عليها ومن حق امه واخته ان يعطيهم الوقت مثل مايعطي زوجته واكثر لانهم هم الاساس
وهم الباقين في حالة تطلقت الزوجه والاخت ماتتنعوض لكن الزوجه اذا صار اختلاف ومن الصعب انهم يعيشون مع بعض بكل بساطه بأمكانه تعويضها

لكن أليس الزوجه هي اخت في الاساس ؟؟
السؤال موجه للاخوات ^^
انتن الان اخوات وفي الغد في بيت ازواج بأذن الله هل سوف ترضن ان يخرج الزوج مع اهله ومع اخته و و و ؟

أسأل الله لي ولكم التوفيق في الدنيا والاخره وان يرزقنا صالح العمل وسعة الرزق وجميل المعشر

شكرا اختي ^^

تحيتي

[قانع]

المشاركة الأصلية كتبت بواسطة دارس1431 هلا بختي بنت ابوها ^^ موضوع رائع ماشاء الله ^^ اذا كان الاخ بعد الزواج سكن بعيد عن عائلته فهذا شي طبيعي في ظل الانشغال الدائم في الحياة ^^ وياليت يقدر يطلع زوجته اللي هو مسؤول عنها امام الله وامام الناس ^^ الحمد لله اذا الوالد موجود والاخت عندها اخوان اكيد مايقصرون معها بشي ^^ اما اذا كان الاخ مسؤول عن البيت بالكامل وساكن مع عائلته فهذا شي اخر وهذي مسؤوليه الله يعينه عليها ومن حق امه واخته ان يعطيهم الوقت مثل مايعطي زوجته واكثر لانهم هم الاساس وهم الباقين في حالة تطلقت الزوجه والاخت ماتتنعوض لكن الزوجه اذا صار اختلاف ومن الصعب انهم يعيشون مع بعض بكل بساطه بأمكانه تعويضها لكن أليس الزوجه هي اخت في الاساس ؟؟ السؤال موجه للاخوات ^^ انتن الان اخوات وفي الغد في بيت ازواج بأذن الله هل سوف ترضن ان يخرج الزوج مع اهله ومع اخته و و و ؟ أسأل الله لي ولكم التوفيق في الدنيا والاخره وان يرزقنا صالح العمل وسعة الرزق وجميل المعشر شكرا اختي ^^ تحيتي

يا سلام عليك قلبت المعادلة
=============

وعليك السلام بنت ابوها

حقيقة هي معادلة صعبة ولكنها سهلة على من لديه ضمير ديني من الزوج وعنده احساس بصلة الارحام خصوصا اذا كانت اخته ليس لديها اخوات.
حقيقة ومن واقع تجربة الحياة الزوجية لها مفهومها الخاص ومشاغلها وارتباطاتها ناهيك عن ارتباطات العمل و الاولاد.

بمعنى انه بالكاد انتهي من اعمالي الخاصة حتى افضى للأهلي، فضلا لأن اتفرغ لأختي

ونفس المعادلة هذه هي للزوجة (ولكن الزوجة معذورة بحكم ان زوجها يحكمها اكثر في ذهابها وإيابها.)

حيث يكون جل اهتمام الزوجان منصب على الاهتمام بنفسيهما اكثر من غيرهما.

وهذه الامور من عدم الاهتمام تأتي تدريجيا وبدون شعور من احد الزوجان انه بدأ يقصر بالاهتمام بأخته.

ولكن بشكل عام تبقى العلاقات العامة والاجتماعات الاسرية .

شكرا لك بنت ابوها

[فهد الجدعاني]

وعليكم السلام و رحمة الله و بركاته

كلهم عينين في راس إن كان الأخت أو الزوجة ما في تفضيل لوحدة على حساب الثانية

[مصره على قراري]

بصراحه الموضوع منتشر بشكل كبير
وانا اشوف انوا اللوم مو على الزوجه حتى لوكانت تحرضه
اللوم على الرجال الي يسمعلها
لازم يكون الرجال عنده شخصيه ويوزن الامور الزوجه تروح ويجي بدالها مليون
لكن الاخت شلون يعوضها؟
وبرضوا الزوجه تراقب الله بأهل زوجها
انا لو تزوجت <<ما اظن بس مثلا
وشفت انوا زوجي ساحب على خواته او مستقوي عليهم او مضايقهم بشي
والله ما اقعد عنده ولا دقيقه وهذا الكلام اقوله من كل قلبي
لانه لو مافيه خير بأخته الي من لحمه ودمه مارح يكون له خير فيني
والمفروض اي وحده تشوف زوجها يتصرف بهذا الاسلوب مع خواته تنصحه
لان هذا الشي رح يبقالها بنفسها وعيالها
صح كل زوجه تبي تخرج مع زوجها لوحدهم من غير احد وتستانس
بس بما انها وافقة تتزوج واحد مسؤول عن اهله لازم تتحمل هذا الشي او من البدايه ما توافق
مارح تموت الوحده لو قالت لزوجها خلينا نخرج انا واهلك مع بعض
او خصص مبلغ من راتبك لهلك
او خصص يوم تقعد معهم او تزورهم لو كانوا ساكنين بعيد
بالعكس رح تكبر بنظر زوجها وتعيش مرتاحه وسط بيت كل الي فيه يحبونها
هذا راي
وشكرا بينو على الطرح المميز لاعدمناك يالغاليه
والله يهدي الجميع

[صوت الفجر]

المشاركة الأصلية كتبت بواسطة دارس1431 السؤال موجه للاخوات ^^ انتن الان اخوات وفي الغد في بيت ازواج بأذن الله هل سوف ترضن ان يخرج الزوج مع اهله ومع اخته و و و ؟ تحيتي

من جد قلبت السؤال لنا انا راح اقولك

طبعا لازم وشي حلو انه يطلع معه اهله والله الطلعه ما تحلى الا بالجمعات

مره ثانية لاتقلب علينا طيب

.
.
.

[ستأتي أيامي]

وعليكم السلام ورحمه الله وبركاته ..
عن نفسي أنحرج أطلب أي شي من أخوي المتزوج ، خلاص أحسو إنسان عنده بيت ومشغول مع زوجتو وبيتو ، لكن أخوي اللي مو متزوج عادي أطلب منو أي حاجة ,,
وحده من صاحباتي أخوها مانع عنهم الانترنت وجايبو لزوجتو !!
سبحان الله تثق في زوجتك الغريبة وتشك في أخواتك اللي نفس تربيتك ؟؟؟!!!
حاجة تقهر والله ، كثير أخوان متسلطين على أخواتهم وزوجاتهم عايشات آآآخر دلع ,,

الله يهدي الجميع وبس ,

[TURKI ALharbi]

اختى شيء جدا مهم بنسبه ليه ولله الحمد
بعدين يجي الاخ
الزوجه لسى ماجات باقي
لكن تزوجنا او ماتزوجنا تبقى الاخت شيء جدا مهم بنسبه ليه