كيف تخصص علم النفس افيدوني سريعا ماعندي وقت للتحويل

[وهقـه]

بسم الله الرحمن الرحيم

حبايبي بإختصار انا ابا احول من قسمي وابغا اراء سريعه لأن النفسية زفت ع الآخر وابغا انتهي واتخصص وحابة اسأل

آول _ شي انا حابة اسأل كيف القسم واش مجالاته بعد التخرج لأني احس الشعب كله صار علم نفس ؟؟؟

ثــــآنيا _ انا محتارة بين قسم دراسات طفولة وعلم نفس ..<< اش تتوقعوا افضل من ناحية مجالات التوظيف والأكثر فايدة وكمان انا نفسي اطلع بعثه برآآ وسمعت ان قسم علم نفس ودراسات طفولة مالهم بعثات لأنهم اقسام ادارية وآنــــــآ طموووحي البعثه ................!!!!!!


شكــــــــــرآآ .............

[Esraa.MD]

طموحك البعثة؟ لا تزعلي مني بس تفكيرك جدا غريب اول مرة اشوف احد طموحو البعثة الناس يقولو طموحنا معدلات عالية طموحنا نرتقي بشهادات اما طموحي بعثة صراحة امر غريب
عموما مين قال انه الشعب كلو علم نفس بالعكس العدد جدا قليل وانتي الصادقة الشعب كلو ادارة واقتصاد مليانيييييين تاني حاجة لما الانسان يدخل قسم مايدخل عشان يبغا يروح بعثة او يدخل عشان الناس كتير في القسم دا
لا يدخل على حسب هوا كيف ميولو هوا شايف نفسو فين شايف نفسو اخصائي نفسي شايف نفسو اداري شايف نفسو محاسب او سكرتير او مترجم انتي ايش ميولك فاهمة عليا يا اختي حددي ميولك حددي حلمك
مو شرط ممكن تدخلي قسم حق بعثات بس تتخرجي بمعدل لا يسمح لك بانك تروحي بعثة فانتي اول شي استخيري واتوكلي على الله وشوفي ميولك شوفي رغبتك حطي هدف قولي انا ايش ميولي هل انا استمع لمشاكل الناس؟ اذن انا علم نفس . هل انا ادارية وقيادية؟ اذن انا ادارة. هل انا احب اللغات وتنوعها وشغل الترجمة ؟ اذن انا تخصص لغات؟ تحبي تشتغلي في روضة وتجلسي مع اطفال او تحبي تجلسي مع اطفال في دار ايتام خشي دراسات طفولة او تحبي ترسمي خشي فنون اسلامية يعني هيا كدا الحكاية مش بالعبثات وهل لو بعثات لا الحكاية بالميول يعني ممكن تدخلي قسم وتتورطي يكون ماهو من ميولك انا اسفة بس حبيت انصحك لانو كلكم اخواتي
تاني حاجة بالنسبة لقسمنا قسم رائع جدا ولو انتي ماتحبي محا تستمتعي في قسم يدرس سلوك الانسان وتصرفاتو وشخصيتو وذكائو مرة حلو يعني انتي ادخلي على حسب عقلك ايش يقلك مو على حسب الناس ايش تقول
والله يكتبلك الي في الخير ان شاءلله واستخيري وانا انصحك بالقسم حقنا اذا كنتي مايلتلو واشجعك لدخولو بس اذا ما كان لكي ميول للقسم حقنا وداخلة بس كدا اهم شي انه شهادة وتخرج وبعثة مانصحك بدخولو
والله يوفقك ان شاءلله يارب ويخترلك الي في الخير استخيري استخيري اولا واخيرا وحتلقي نفسك في القسم المناسب ونفسيتك رائعة وبخير

[a7md_34]

فعلاَ بعثري نفسك حتى تجدي ميولك

وأذا عثرتي عليها

فذهبي إليها


الأخت
Esraa.MD


نصائحها راعه تستحق أهتمامك

تحياتي

[O M A R]

الأخت Esraa.MD
ماقصرت كفت ووفت

...

وانصحك بقسم علم النفس اذا كنتي تحبين المعلومات والفائده والإطلاع ..
وربي يوفقك ويسهل امورك

تحياتي

[صالح اليامي]

صباح الخير الجميع .


من وجهة نظري اين تجدين ميولك فهنا النجاح سوف يتحقق اولا .
ثانيا ايضا من وجه نظر خاصة ارى ان تخصص علم النفس متاح بشكل جيد ومفيد ومرغوب .
ثالثا بخصوص البعثات وما إلى ذلك فالأنظمة من فترة لأخرى تتغير مابين فترة وأخرى .
طرحت ماعندي والخيار لك بعد الله .
تمنياتي لك بالتوفيق .

[جمان السماء]

اذا شخصيتك متزنه وقويه

انصحك بقسم علم النفس

لان شخصية الاخصائي النفسي ذات اثر فعال في نجاحه

من ناحية المميزات

هناك استفاده عامه وشخصيه منه

والعيوب

تكدس الاعداد في ذا القسم بعد فتح باب الانتظام

والتخصص يحتاج لتنميه كبيره خارج اطار التعليم الجامعي اذا كان الهدف الاحتراف في المهنه

[وهقـه]

اولا .. الشكر الجزيل لكل من قام بالرد على موضوعي

ثانيآ .. احب ان انوه الى اني بالفعل اطمح للمعدل العالي قبل البعثة وهذآ الشي اجده من اهم من البعثة وكل شي عشان كذا انا ماتكلمت عنه .

اخت اسرآء اجد نصائحك مفيدة جدا ولمست كثير اشياء انا كنت افكر فيهآ ولكن لكل وجهة نظرة وانا اجد تركيب شخصيتي يتلائم مع القسمين ولكن بالطبع هنالك شي اكثر من شي ولو بنسبة قليلة لاتؤثر فأنا اجد نفسي استمع للناس ومشاكلهم و انسانه ادارية واحب الأعمال القيادية والتعاون الهادف بإذن الله فلا يووجد لدي اشكال في كلا القسمين ولكن انا من ضمن طموحاتي الالتحآق ببعثة خارج المملكة او حتى بمنحة في احدى الجامعات السعودية بما يحقق لي رغبتي و طموحي في ان اجد ثمرة لجهدي وتعبي الدراسي خلال مرحلة البكالريوس فأنا انسانه جدا واقعية ولا اجد نفسي مثل كثير من صديقاتي يدروسون لأنهم يريدون الشهادة الجامعية فقط ومآآلهم بعد ذلك الى منازلهم ......! اريد ان ادرس واتعب لأجد لنفسي مكان في اواسط هذآ المجتمع اللذي هو في تقدم في آعداد ونسب البطالة ولن تتحقق لي فرصة ايجاد عمل مناسب مالم ابحث عن احتياجات سوق العمل واحآول الالتحاق بها لكي اجد لنفسي وظيفة تشعرني بالراحة التامة عن ماسلف من تعب وعناء دراسي .

أكرر شكري وامتناني وآمل ان يكون مآ أعنية قد وصل ... ^^