والنهاية مع تخصص أدارة الأعمال

[! سلطـــان !]

المشاركة الأصلية كتبت بواسطة حبيبة سعيد صح اخ سلطان ابسالك انا لما ادخل عالايميس بس القى عناوين للرسالة ما القا محتوى للرساله حتا لما ابغا اكتب رسالة ما اقدر اضغط على كلمة-الى- عشان اوصلها للمستلمين ؟؟ علما اني مسددة الرسوم

تصفحي الايميس بمتصفح الـ "انترنت اكسبلورر" باقي المتصفحات راح تسببلك مشاكل مع الايميس والسنترا

[عادل.عادل]

المشاركة الأصلية كتبت بواسطة ! سلطـــان ! فكره والله ... بس وش رايك هالمرة تروح انت ؟ نغير شوي بالوجوه يمكن وجهك انت يكون فال خير علينا رسم بشماغ البسام وتعطر ولا تنسى العوارض اهم شي ودق سلف وتوكل ع الله وما عليك الوزير بابه مفتوح للكل خلاص قل تم .. والا منت بقدها ؟ :) لا ما اعتقد انه عقاب جماعي لان التوصيات الي جت من فوق بإعادة القسم بعد ماكانوا مخططين يلغونه اربكتهم , واذا كان قصدك من كلمة "مشكلجية" يعني المفروض نسكت عن قرار الالغاء عشان نصير حبوبين ويدلعونا الدكاتره ما كنت ادري والله ان الي يطالب بحقة يكون مشكلجي راحت عن بالي هذي ... يلا ومنكم نستفيد اذا عندك مصطلحات ثانية نورنا فيها :) بس يا حبذا تنوع بمصطلحاتك مره بالعامي ومرة بالفصيح يعني عشان توصل رسالتك لجميع شرائح المجتمع اذا انت متحسف عشان شرت عليك مثل باقي اصدقائك تحول ادارة اعمال وتبي ترجع ادارة عامه كلم الوزير بالمره وقوله يرجعك ادارة عامه :) بس ان شاء الله ما تكون تصرفت بالكتب حقت الادارة العامه ؟ مدري شريت كتب ادارة الاعمال والا لا ؟ اذا شريتهم ولا يهمك انا اشتريهم منك كم عادل عندنا ما نبي لك الخساير طال عمرك :). اي صح ع فكرة انت من سكان جده وش رايك بكره تفضي نفسك وتروح لعمادة التعليم عن بعد وتفهم وش سالفة التأخير وتجي تفيد اخوانك وخواتك هنا ؟ وبالمره قول لهم انا موب مشكلجي ومالي علاقه هذا طالب اسمه سلطان انا كنت ادارة عامه ويوم شفت رابط التحويل حولت وما عليك معلوماتي كلها عندهم مستعد اتحمل العقاب بالحالي :) , , , اختي ليلى والجميع ... مثل ما سبق وقلت العماده كانت مهيئة نفسها ع الالغاء خلاص والتعليمات الي وصلتهم بضرورة اعادة القسم اربكتهم وشي طبيعي يكون في تأخير يعني نقول الحمد لله ع كل حال تجي ع التأخير ولا تجي ع الالغاء صحيح راح نتعب والوقت ضيق بس مثل ما يقولون الحلو ما يكمل ... الواحد يستعين بالله وربك راح يوفقنا لتجاوز هذا الترم مثل ما يسرها لنا برجوع القسم بإذن الله راح تتيسر بتخطي هذا الترم الله يوفق الجميع ويمر هذا الترم ع احسن ما يرام تقديري للجميع

اضحك الله سنك ياسلطان ...ويوفقك
على قول المصريين ما تركت لي خرم ابره اتنفس منه ...:)