استفسار عن مادة بحث وتدريب ادارة اعمال دولية

[رؤيـــا]

سلام
ممكن اي احد يقلي كيف ابدا التدريب لاني سمعت بنات يقولو تطبعي ورق من النت وتوديها للجهة اللي حتدربي فيها .. هل هذا الكلاا صحيح ؟ طيب اذا صحيح من وين اطبعها ؟
وانا حابة اخذها مع اسماء باهرمز كيف في احد اخذ المادة معاها سمعت انها تراعي وتجلس تصحح مع الطالبة اذا في اغلاط ..
الله يخليكم ردولي ..

[لايت مون]

والله انا مااعرف كيف
عشان كدا اسال وفتحت موضوع وماردو


مااعرف مين كويسه حتى من الأستاذات ومين الي تعطي درجات وتراعي

ومين الي تناقش او ماتناقش

نفسي اعرف عشان اقدر اضيف الماده


وانا سنه تخرج ونفسي اعرف بس ماحد رد عليا


ياريت لو تعرفي عن الأستاذات تقولي ليا

انا سمعت زيك لازم موافقت الي رح تعطينا البحث عشان نطبع ونتدرب وناخد ختم منها او توقيع حاجه كدا عشان نروح للمحل ونتدرب

الله يعين ويسهل

[دروووب]

لآزم تروحي تغيري حالتك من مستمر بالدرآسه الى متوقع تخرجه
وبالمختصر تروحي لكليتنآ مكتب استآذه عيده والشله روحي آسآليهم
وشوفي هذآ الموضوع يمكن يفيدك
http://www.skaau.com/vb/showthread.php?t=223331

وهالمووضوع عن الاستآذآت مآقريته كله بس شوفيه انتي
http://www.skaau.com/vb/showthread.php?t=250915

ووعن التدريب وكذآ .. اتوقع يبغآلك تصبرين لين تعرفي انتي عند اي استآذه وبعدين ترروحي للآستآذه حقت وتشوفي ايش بتقلك
لان بعضهم ع مااعتقد يتشرطو وين مكان التدريب وكذآ

وهذي الآورآق اللي تطبعيها خذيها من هالموضوع
http://www.skaau.com/vb/showthread.php?t=255233



وان شاء الله البنآت اللي مرو بهالشي يفيدوكي آكثر مني
موفقه يآرب
^_^

[رؤيـــا]

سلام بنات .. بالنسبة للنماذج من كلية اقتصاد وادارة -طلابنا -تدريبنا التعاوني -شطر الطالبات - نماذج للبحث .
بس انا حابة اعرف بالنسبة لمحاضرات السنترا انا عندي محاضرتين كيف طيب اعرف اسماء الكتب ..

[a7laamooon]

السلا م عليكم
عزيزتي رؤيا .. قبل اي شي لازم تضيفي الماده من الكليه وطبعاا ماتقدري تختاري الشعبه .بالأصح ماتقدري تختاري الاستاذه اللي تبغيهاا .. هما حيحطوكي حسب اكتمال الشعب .. وطبعا اول ماتضيفي الماده حتعرفي مين استاذتك او دكتورتك ..حتروحي مبنى الكليه وتطلعي عند ا/ نبيله هيا حتساعدك كثير وحتقولك مثلا ايميل الدكتوره اللي انتي حتكوني معاها او ممكن تروحي لمكتبها وتعرفي متى الساعات المكتبيه وتجيها وبعد ماتقابلي الدكتوره حتعرفي هيا وين تبغاكي تتدربي وحتتناقش معاكي وحتفهمك اشياء كثير عن البحث والتدريب .. هوا حسب استاذتك اذا سهل التواصل معاها
انا الحمدلله بحثي مع د / ناديه عبدالغفار .. انساانه جدا رائعه اول حاجه بترد ع ايميلاتها .. انا ماكنت عارفه ايميلها رحت لها في وقت محاضره للأنتساب واعطتني موعد على اليوم الصباح ورحت لها ع نفس الموعد بعدها اعطتني الخطه وفهمتني خطوه خطوه اذا حابه تستفسري عن اي شي اناا موجوده واذا كنتي حتضيفي الماده لازم الحين عشان تلحقي تتدربي وتسوي بحثك ..

[رؤيـــا]

تسلمي يااحلى مووون .. انا كمان بحثي مع دكتورة نادية عبد الغفار بس للحين مالقيت مكان ادرب فيه ..
تسلمي يااختي ماقصرتي الله يعطيكي العافية وبالتوفيق ان شاءالله

[رؤيـــا]

تسلمي يااحلى مووون .. انا كمان بحثي مع دكتورة نادية عبد الغفار بس للحين مالقيت مكان ادرب فيه ..
تسلمي يااختي ماقصرتي الله يعطيكي العافية وبالتوفيق ان شاءالله