اشرحوا للتايهين الجدول / لكم الأجر ان شاء الله

[شروق000]

الاخت اللي شرحت لنا هرجة الايام على قولتها فهمتنا وعرفنا للأيام بالجدول وجزاها الله الف خير
لأنها علمت كثير تايهين


طيب في بنات كثير تايهين و كمان ماهم عارفين متى يداومون بالضبط يعني التاريخ .. وفي خانات بالجدول ملخبطتنا شوي بحكم اننا سنه اولى

فأتمنى من اللي عارفين وفاهمين الجدول بالتفصيل يشرح لنا



مثلا ايش يعني خانة التسجيل ؟؟ ولا ما نهتم فيها ؟؟

المادة (COMM/101/GD) كل هذا ايش يعني ..؟؟ رمز المادة مثلا

اسم المادة / ما يحتاج واضح

الوحداث / كمان ايش يعني

الأيام فهمناها من البنوته القمر

توضيح مفصل للمبنى والغرفة والنوع ...؟؟


بعد ما نفهم مع بعض الجدول كامل انا شخصيا يوم السبت مثل ماهو مكتوب بالجدول عندي محاضرة مهارات اتصال

طيب ابغى اعرف اي سبت الجاي ولا الاسبوع الجاي ولا متى ؟؟؟

السؤال الأهم وهو اللي ملخبط كثير من البنات


مهارات الاتصال .. عندي محاضرة يوم السبت والاثنين والاربعاء

وبنفس الوقت عندي يوم الاحد والثلاثاء محاضرة للانجلش ..؟؟

وضحوا لي كيف افصل بينها ولا كل ما دة بأسبوعها ؟؟؟



ما لكم غير الأجر ^_^ ان شاء الله



ننتظركم يا حلوين

[شروق000]

يا رب يردون اصحاب الايادي البيضاء ^_^

[Prestige]

أنتي انتظام ؟

[شروق000]

انتساب

[Prestige]

أنتي أنتساب كيف تحضرين محاضرات ؟ !!

ماعليك من التوقيت والقاعات وباقي الكلام الموجود في الجدول هذا لطلاب الأنتظام .. أطلبي الكتب من المكتبات وذاكري
وقبل الاختبارات ب3 اسابيع راح ينزل جدول الاختبارات فيه رقم المبنى وأختبار كل مادة في اليوم المحدد ..

[ابواميره]

شباب انا خطه ب انتساب الجدول نفس خطه ب انتظام
ممكن احد يجاوب

[بآسمه الحربي]

هلا آختي شرووق

شوفي التسسجيل هذا ماعليك فيه مرا مو مهم ابد ابد

الماده والكلام هذا اللي تقولي علية رمزها

اما gd و di هذي الشعب ايام لاختبارت تحتاجي لها مرا

كل شعبه لها مبنى حيكون وقتها

الوحدات الساعات حق كل ماده اعتقد

المبنى والغرفه ذي

هذي لتعليم عن بعد ع السسنترا

لو انتظام تجي رقم الغرفه والمبنى

بنسبة لسؤالك فيه وقت مخصص لدورات هذي وتعرفي وقتها

/

اتمنى فهمتي علي وافدك

واذا احتجتي شي لا انا ولا غير بيقصر معاك

ربي يوفقك

[بآسمه الحربي]

المشاركة الأصلية كتبت بواسطة ابواميره شباب انا خطه ب انتساب الجدول نفس خطه ب انتظام ممكن احد يجاوب

ايه نفسسه اذا ما خاب ظني

[ابو الاء]

الانتساب مالهم دخل في المحاضرات
اهتم باسم المادة ورقمها مثل comm101 اسم المادة مهارات اتصال رقمها 101
ولادخل لكم في الحضور والمباني
لان طالب الانتساب مايحضر محاضرات
يجلس لين اخر الترم ويروح يختبر

[brown]

انا رح اشرحلك tba هاد يعني لسى ما حطتو وين رح تحضري المحاضرة يعني لسى المنبى ما كتبو ويمكن يتغير لوقت الدورة تاعتك
التسجيل مش مهم
الوحدات يعني عدد الساعات لانو الجامعة نظامها ساعات مش سنوات يعني في مادة تعادل 3 ساعات وفي مادة ساعتين
وهاد بس عشان تفهمي كم ساعة اختي هاد الفصل
كمان النوع مش مهم
ورمز gd يعني شعبتك
واسم المادة مهارات اتصال جاية من كلمة كومنيكيشين ورقم 101 يعني انت المستوى الاول بس