مده الاختبارات

[مهندس نووي]

كلكم تدرون انا السنه الجايه يعني سنه التخصص راح يكون مده الاختبارات سبوعين يعني مده طويله وحنا موظفين وعندنا الاتزامات و نريد من الجامعه تخلي الاختبارات في سبوع واحد يعني ما فيه ايام بين كل اختبار ما هيا الطريقه
الي يعرف ايميل العميد يكتابه الله لا يهينه
عشان اني ناوي راسله بالموضوع هذا وبقى رايكم بالكلام الي كتبته
وهل اقدر اني اخلي الاختبارات حقتي بسبوع واحد
وكم اقل شي انزل من الساعات

[مشاري الرياض]

ولله ماعندي علم ... بس اذا كان الدوام حقك عارف انك تدرس ومعطيك الموافقه .. وين المشكله

اما اذا كان ماعندهم خبر ولا عطوك الموافقه .... فـ مالك الا اجازه من رصيدك ... حاول تخلص بأسرع وقت

احسن لك من انك تاخذ ساعات قليله ... وانت ابخص ... بالتوفيق

[فارس الخبر]

[انت كذا نااوي تذبحناا و تحشرنا بأيام الأختبارات..
و انت مو محدود على كذا..
و دوامك بيعطونك إجازه و بيرجعونها لك...
ليش تبي تذبح نفسك كل يووم اختبار..
رح جده و فلهاا و ذاكر و أختبر..
و صدقني انك راااح تنبسط..
و بعدها بأسبوووع راح تتحطم لأنه وقت الرصد الظااالم..

والله يوفقك و يكتب لك الخير ان شاء الله..

هذي وجهة نظري يالغالي..


محبكــــ

[أبوفهد1]

الساعات يحكمها المعدل كلما انخفض المعدل تأخذ ساعات قليله .. وبالعكس كلما زاد المعلد ترتفع ساعاتك و اخذت ساعات كثيره وهذا جيد جدا لك حتى تستطيع ان تتخرج بإذن الله خلال 3 سنوان ونصف السنه وإذا إلتلزمت بالخطة فالخطة خلال اربع سنوات بإذن الله تعالى .. وأما الاختبارات فلا تسطيع ان تعمل شيء هي اسبوعين ومن حق الموظف سواء في القطاع الحكومي او الخاص له عشر ايام يؤدي فيها الاختبارات وهذا من حقه وقانون العمل يجيز هذا . فلا تهتم اخي الكريم من ناحية العمل فالقانون من صالحك إذا إلتزمت بالتعليمات وحافظت على عملك ..

[القويضي]

ياليت بين كل اختبار والثاني خمسة ايام عشان تفرمت المخ وتحمل من جديد
وبعدين أول ماينزل الجدول يكون الحذف والإضافة فاتح فتره قصيرة حاول فيها تعدل جدولك على كيفك
وسيب الناس بحالها
تحاتي ياباش مهندس

[المبلع]

اوما اسبوع الله يهديك بس لا احد يعطيه ايميل العميد تكفووووووووووووون ههههههههه

[مشاري الرياض]

المشاركة الأصلية كتبت بواسطة المبلع اوما اسبوع الله يهديك بس لا احد يعطيه ايميل العميد تكفووووووووووووون ههههههههه

هذا يسمع بالتمدد والتقلص يمكن من اثار الحر خخخخخ ولله ماحد يلومه

[الو11111في]

اسبوع ؟؟
انت عارف ان جداول الطلاب تختلف عن بعض بسبب الحمل او الحذف >>> اقصد حمل الماده ههههههههههههه
طيب ياغالي عندك تقريباً 40 مادة لجميع التخصصات
وشلون تبي يقسمونها على اسبوع واحد ؟؟؟؟؟


مستحيل طبعاً

[هملول]

لا تستطيع أن تغير عدد اسابيع الاختبارات حيث أن الـمواد كثيره والطلاب كثيرون ويستحيل أن يعملوا لكل طالب جدول على حسب ظروفه ولكنها اسبوعين والعمل سوف يعطونك إجازة بعد أن تحصل على إفادة من الجامعة.