كل ما اضفت مواد كل ما ارتفع المعدل ..!!

[anoOo]

السلام عليكم كيفكم بنات حابه اسألكم عن مواد الاضافه انا معدلي واطي وابغى ارفعه بأي شكل من الاشكال فقلت السمستر الجاي اضيف 6 مواد فاأبغى اعرف كل ما اضفت مواد يرفع المعدل ولا ما يفرق بلييييز اللي تعرف شي لاتبخل عليا تفيدني بسؤالي .....

[سـامـي]

طيب الي يعرف ما يقول

بقول

بالعكس كل ما قلت المواد وكانت درجاتك فيها حلوه او فوق 60 كل ما ارتفع معدلك

يعني انا لازم ارفع معدلي الترم هذا عشان كذا اخذت 4 مواد فقط واجباري كمان

[ღسِـهـآمــ اِلشـوووقّღ]

وانا خذت 3 ^___^

[smo3]

ماتقدري تاخدي 6 مواد الى لمن يكون معدلك 3 ومافوق
والمعدل مايترفع بزياده المواد يترفع بدالرجات العاليه

[anoOo]

بس بنات اصلاً الخطه مسموح فيها ب5 او 6 مواد كيف 4 بس غريبه.....
ولو حابه اسأل في الجامعه وين اروح.... عشان اتأكد

[عطر منثور]

روحي مبنى الجوهرة واسألي

بس حابة اوضحكلك انو احنا مخيرين في عدد المواد هما يدوني ساعات معينة واحنا نختار على كيفنا

ربنا يوفقك

[راؤوله]

السلااام عليكم وصباح الورد على الجميع
اختي انوو
خدي مواد كلها 3 ساعات لاتاخدي ماده حره ابو ساعتين وحاولي تاخدي المواد السهله لوتبي المعدل يرتفع
انا عن نفسي الترم اللي راح اخذت 6 مواد ومعدلي ارتفع بس كانت درجاااتي عاليه وحلوه انتي خدي 5 مواد وحاولي تركزي عليها وباذن الله يرتفع معدلك وعلى حسب الساعات اللي محدده لكي تقدري تنزلي مواد
وبالتوفيق يارب
ادعووووووووووووووووووولي اختباري الساعه4 الله يسهله عليه يارب والله يسهل الاختبارات على الجميع
قولو آميييييييييييين

[كبرياء أنثـى]

نصيحة مني/

إذا ساعاتك تسمح.. خذي على قدها..

يعني لو 15 ساعة خذي 5 مواد..
ولو 18 ساعة خذي 6 مواد..

وجيبي فوق الـ 80 درجة..

وصدقيني راح يرتفع معدلك.. بشكل رااائع..

أنا لي 9 مستوايات بالجامعة..

ومجربة..كويس..

ولو مو مصدقة.. روحي جربي في .. أحسب معدلك تجريبياً..
عن طريق دخولك للأدوس..

وفالك التوفيق..

[راؤوله]

اختبرنا التفسير الاسلامي للسلوك النفسي اليوم دوبو قبل شوي
ومااقوووووووووول غير
الله يسعدك يااستاذه مرام ويوفقك يارب والله يحلي ايامك زي ماجبتي الاسئله حلوه
الاسئله مو بس حلوه بصراحه تجنن الحمدالله ياربي ماضاع تعبي على الفاضي وإن شاء الله الجميع يكون جاوب بالاختبار اللي اختبرت معايا اليوم تقولي رايها بالاختبار بالله لاني طايره من الفرحه
وموفقين يارب عقبال باقي المواد الله يسهلها علينا يارب

[anoOo]

المشاركة الأصلية كتبت بواسطة سـامـي طيب الي يعرف ما يقول بقول بالعكس كل ما قلت المواد وكانت درجاتك فيها حلوه او فوق 60 كل ما ارتفع معدلك يعني انا لازم ارفع معدلي الترم هذا عشان كذا اخذت 4 مواد فقط واجباري كمان

شكراً اخوي سامي عالنصيحه ......والله يوفق