رأيكم في جدولي !! وهل يحتاج اضيف مواد !!

[منال عبد الغني]

مرحبا اختي جيجي حبيبي لازم تاكدي من المادة وكمان الاستاذة عشان يفرق من استاذة لاستاذة انا صارت مع في مادة فقة العبادات اضفتها بعد الدورة كنت احسبها مع د منيرة المريطب طلعت مع اللهام باجنيد ياويلي على اسئلتها 70 فقرة صح وخطا والباقي مقالي والله مدري كيف عديت المادة بس الحمد الله ربك سترها اتعلمي مني ازين لك

[جيجي_جده]

الصراحه اذا فيه طريقه لاختيار الدكتور او الاستاذ انا مااعرفها ولكن اعتقد لمى تكون الماده عند دكتور كويس الطلاب ياخذونها لمى يكون الدكتور مش ولابد الطلبه ياجلون اختبارها طبعا هذا فهمي احتمال اكون غلطان ويصححون لنا الشباب

مرحبا اختي جيجي حبيبي لازم تاكدي من المادة وكمان الاستاذة عشان يفرق من استاذة لاستاذة انا صارت مع في مادة فقة العبادات اضفتها بعد الدورة كنت احسبها مع د منيرة المريطب طلعت مع اللهام باجنيد ياويلي على اسئلتها 70 فقرة صح وخطا والباقي مقالي والله مدري كيف عديت المادة بس الحمد الله ربك سترها اتعلمي مني ازين لك

اهااااا فهمت الآن ,,

يعني قبل لا اضيف اي مادة اسأل عن الدكتورة او الاستاذة حقت المادة هذه وكيف اسئلته !!

طيب معنى كده بتكون الاسئلة موحده اخر الترم صح !!! وبالتالي ممكن نعرف كيف طريقة الاسئلة حقتها سواء صح وغلط او مقالي !!


ومن فين ممكن اعرف اسم الاستااذة ؟؟

وشكرررررررررا كثير كثير

[منال عبد الغني]

مرحبا اختي جيجي حبيبي الاسئلة بتكون على حسب الاستاذة واذا على حكاية الاسئلة موحدة ولا لا اذا كانت الشعب كثيرة صارت موحدة وكيف تعرفي مين الاستاذات من قائمة الشعب الدراسية تلاقي اسماء الاستاذات موجودة بس غالبا كل استاذة تحط لشعبتها حبيبتي انتبهي المرة دي للجدول راح ينزل بطريقة محورة شوي اذا حبيت اساعدك ماراح اتاخر ادعيلي بس يحقق الي في بالي

[جيجي_جده]

هلا حبيبتي منوووولة

شوفي انا استنتجت قريبا ان الرقم الي مكتوب جنب المادة هو رقم الشعبة مثلا الراي العام شعبته 3 عندي

اروح موقع الجامعة وافتح قائمة الشعب وادور على شعبة 3 للرأي العام ويطلع لي اسم الاستاذة وبكده اشوف محاضراتها صح ؟؟؟؟

هههههههه مرة فرحاااانة اني استنتجت هالشئ لوحدي ولو انه متاخر

[منال عبد الغني]

ايوا شطورة بس لازم تشوفي رمز المادة بالاول من الخطة بعدين تطلعي اسم الاستاذة انتبهي بس لا تلخبطي بين عدد الساعات ورقم الشعبة الموقع ما يفتح معايا فتح معاكي

[سحر1987]

هلا اخت جيجي جده

انا جدولي نفس جدولك ممكن ترسلي ايميلك عشان نستفيد من بعض
انا من الرياض ومااجي جده الا في الاختبار

طبعا على الخاص

[جيجي_جده]

هلا منووولة الموقع لاااا مافتح معايا ,, لي اسبوع تقريبا وانا احاول فيه شكلهم معيدين لسة ههههه

سحر برسلك ايميلي وبنصير على كذا 3 عضوات نفس الجدول وممكن نجتمع على المسن ونشوف المواد مع بعض على فكرة انا ساكنة حاليا بالرياض وبختبر بجده ان شاءالله اذا ماكان في اختبار مناطق