الله يخليكم احتاج مساعدة في الاحصاء (عنوان مخالف تم تعديله)

[الحر الأصيل]

	انا وصلت في مادة الأحصاء الى صفحه 41 والحمدالله سهاله في سهاله بس في صفحه 41 مثال عن البيانات الكميه المتصله حاولت افهمه مقدرت وخصوصآ القانون حق عدد الفئات وطول الفئه بشكل عام مافهمت وماعرفت كيف الخص بيانات العينه في توزيع تكراري وايجاد التوزيع التكراري النسبي .. الله يخليكم اللي فاهم او فاهمه ابغا شرح مبسط لهذه النقطه اذا ماعليكم امر .. تحياتي

[بنوته...]

شوف اخويانا بشرحلك بالطريقه اللي انا فاهمتها بس ياربي تفهم عليا
في المثال اعطاك عدد 50 عامل وجدول فيه اعداد كتيره
وما اعطاك طول الفئات اللي الفروض عليه تعوض
في دي الحاله لمن يكون ما عندنا طول الفئه ايش راح تسوي
راح تطبق القانون
k=1+3.3 x log n
n يعني عدد المفردات الي بالجدول
بعدو نبدا نعوض على اساس القانون

دحين نبدأ نحل
اول شي نوجد المدى اللي هوا الفرق بين اكبر قيمة واصغر قيمة
راح يطلع الناتج 69
الخطوة التانيه
نعوض في القانون الي اديتك ياه
k=1+3.3 xlog(50
هدي الـlog راح تلاقيها في الحاسبه راح تحطها وبعدو العدد
والعدد 50 اخدناها من عدد لمفردات لو عديتها تلاقيها 50
زي اللي بالقانون log n

راح يطلع الناتج عندك =6.60 بالتقريب يختلف من اله لتانيه
هدي طريقة التكدورة
بس في الكتاب حطوا لك 1+3.3 واقواس واشياء من كدا
الدكتورة ماشرحتها
طبق الي قلت لك عليه وبس
ان شاء الله تكون فهمت
واي سؤال انا موجوده

[بنوته...]

معليش فوق مو ازا ما اداك طول الفئه (غلطت )
ازا ما داك عدد الفئات راح تحط القانون اللي قلت لك عليه
وبعدين فيه تكملة للحل
دحين نبدأ نوجد طول الفئه واللي قانونو
طول الفئه= المدى
ـــــــــــــــــــــ
عدد الفئات k

المدى طلع عندنا 69
وعدد الفئات بعد التعويض طلع بالتقريب 7 (ليش نقرب عشان المقام لايكون فيه كسور وتحوس بالاجابه)

طول الفئه = 69
ــــــ
7


= 9.86

[الحر الأصيل]

الله يعطيكي العافيه أختي وربي يسعدكـ على الشرح الرااائع ..

[الحر الأصيل]

صفحه 29 سؤال اجب بصح او خطأ وبصراحه ماعرفت الحل

1- يشترط توافر البيانات لكل عناصر المجتمع لتطبيق الأحصاء الوصفي ( )
2- السبب الوحيد لأستخدام المسح بالعينه هو قلة الموارد المخصصه عادة للبحث ( )
3- يقال ان العينه العشوائيه هي بناء على معايير يضعها الباحث ( )
4- يمكن دائمآ تعميم نتائج العينه على خصائص المجتمع ككل ( )

[No CoMmEnT]

المشاركة الأصلية كتبت بواسطة الحر الأصيل صفحه 29 سؤال اجب بصح او خطأ وبصراحه ماعرفت الحل 1- يشترط توافر البيانات لكل عناصر المجتمع لتطبيق الأحصاء الوصفي ( ) 2- السبب الوحيد لأستخدام المسح بالعينه هو قلة الموارد المخصصه عادة للبحث ( ) 3- يقال ان العينه العشوائيه هي بناء على معايير يضعها الباحث ( ) 4- يمكن دائمآ تعميم نتائج العينه على خصائص المجتمع ككل ( )

http://www.skaau.com/vb/showthread.php?t=43926


موفق عزيزي

[الحر الأصيل]

No CoMmEnT
مشكــــور يالــــغــالي
والله يعــــطيــك 1000 عافيــــه