استفسار على تحويل الحالة الى متوقع التخرج

[شسيب123456]

السلام عليكم
يمكن مو وقتو وعارفه ان الكل دماغو مدووش بالاختبارات والنتايج ..الله يوفق الجميع وييسر لهم
المهم.............انا فاضلي 30 ساعة ان شاء الله واتخرج ومعدلي 3.12
وناويه اخد 18 ساعة السمستر الجاي والسمستر الي بعدو 12 ساعة

باسأل متى اعمل اجراءات التخرج ومن فين وايش المطلوب؟؟؟

اخت شسيب

[خالد الخالدي1]

عادي من الان تسوين عن طريق الكلية

[خالد الفقيه]

اذا كملتي 105 ساعات (مكتسبه وليست مسجلة) تقدري تعملي اجراءات التخرج

واذا اقل لا

بالتوفيق

[Try to forget]

اذا كان تخرجك صيفي حول الحاله من الان واذا كان الترم الاول السنة الجاية خليها في اخر ترم
طريقة التحويل :
اما من الاوديوس تلاقيها في قائمة النماذج استمارة معلومات طالب متوقع تخرجه تدخل عليها وترسل طلب ( للامانة انا ما سويت هذه الطريقه لكن واحد من اصحابي قال لي عليها )
الطريقة الثانية الافضل
خذ ورقة معادلة المواد وعادلها وخذ استمارة طالب متوقع تخرجه وعبي البيانات وروح لكليتك واختمها بعد كذا تروح للعماده وسلمهم الورقتين هذه مع صورة بطاقة الاحوال
نقطه مررررره مهمه . اسمك في الاوديوس بالانجليزي لاااااازم يكون زي اسمك اللي في جواز السفر
اذا كان مو مطابق لاسمك اللي في الجواز خذ صورة من جواز السفر بدل بطاقة الاحوال وسلمها مع الورقتين
وان شاء الله اكون افدتك ...

[شسيب123456]

مشكوريييييييييييييييين ربي يوفقكم دنيا واخرة

[RAUL 7]

معلومات مفيدة ....


بس ايش قصة الاسم بالانجليزي وجواز السفر ... ممكن توضيح

[feras351]

يزيد الاسم لازم يطابق جواز السفر

عشان اذا ربك يسر ونويت الابتعاث تكون الشهادة مطابقة للجواز عشان الفيزا والخربطه حقتهم

وربعنا بالجوازات الاسبلنق الله بالخير عشان كذا تأكد من اسبلنق جوازك يكون مطابق لشهادتك

وسلاااااامتك

[Misty]

أنا عندي استفسار بخصوص الحاله !
المفروض دا اخر ترم ليا ... بس الين دحين الحاله ما اتغيرت
وكل ما اراجع الجامعه .. تقولي تاخد وقت
والمرشدة حقت المسار .. الواضح انها في إجازة امومه
وخايفه تكون أوراقي ضاعت ولا شي !!
سؤالي .. ايش المفروض اسوي في دي الحاله؟؟
وايش رح يسير لو ما اتغيرت الحاله؟؟

[سـ ـ ـ ـاب]

المشاركة الأصلية كتبت بواسطة misty أنا عندي استفسار بخصوص الحاله ! المفروض دا اخر ترم ليا ... بس الين دحين الحاله ما اتغيرت وكل ما اراجع الجامعه .. تقولي تاخد وقت والمرشدة حقت المسار .. الواضح انها في إجازة امومه وخايفه تكون أوراقي ضاعت ولا شي !! سؤالي .. ايش المفروض اسوي في دي الحاله؟؟ وايش رح يسير لو ما اتغيرت الحاله؟؟

ما تاخذ وقت ولا شي


أنا سويتها بداية الترم و كل الشغله ما كملت معي ساعتين

بس روحي ضروري للكلية و غيري الحاله

بصراحه ما اعرف ايش الاجراءات المترتبه لو ما غيرتيها لكن أعرف انو ضروري


الله يوفقك و يوفقنا جميعا و نتخرج و نريح

[سـ ـ ـ ـاب]

المشاركة الأصلية كتبت بواسطة شسيب123456 السلام عليكم يمكن مو وقتو وعارفه ان الكل دماغو مدووش بالاختبارات والنتايج ..الله يوفق الجميع وييسر لهم المهم.............انا فاضلي 30 ساعة ان شاء الله واتخرج ومعدلي 3.12 وناويه اخد 18 ساعة السمستر الجاي والسمستر الي بعدو 12 ساعة باسأل متى اعمل اجراءات التخرج ومن فين وايش المطلوب؟؟؟ اخت شسيب

أخي الكريم

في بداية ترم التخرج ان شاء الله

تروح للكلية و تطبع خطتك الدراسيه و تمر المشرف يوقع عليها

بعد كذا تعبي استمارة طلب تحويل الى متوقع تخرجه و توديها للعماده

و في خلال 10 دقايق تكون حالتك متوقع تخرجه

شد حيلك و بالتوفيق يارب